بەڕێزان سەرنووسەرو ڕۆژنامەنووسان و کارمەندانی الانصات المرکزی (بەبۆنەی بیست و پێنجەمین ساڵرۆژی دەرچوونی هەواڵنامەکەتانەوە گەرمترین پیرۆزبایتان لێدەکەم (الانصات المرکزی المرکزی) یەکەمین هەواڵنامەی شیکارییە کە بەزمانی عەرەبی دەردەچێت و سەکۆی گەیاندنی هەواڵ و وتارو پەیامی کوردییە بە دەستەبژێری عەرەبی و کۆکەرەوەی هەواڵ و زانیارییەکانی ڕۆژو تۆمارکردنی ڕووداوەکانی هەرێم و عیراق و جیهانیشە ‎لەهەمان کاتدا لە بەر گرنگی و خوێندنەوەی بەردەوامی بە ڕۆژانەکەی هەڤاڵ مام جەلال ناسرابوو ‎هیوادارین کاروانەکەتان بەردەوام بێت، وەک هەمیشە لە خزمەت گەیاندنی هەواڵ و ڕاستی ڕوداوەکانی کوردستان و دەنگی کورد بێت لەپاڵ گەیاندنی ڕووداوەکانی تری ناوچەکه و ڕوانینە جیاجیاکان بە خوێنەرەکانی لەهەر جێگەیەک بن. ‎
دەستی ماندوبونتان دەگوشین و سەرکەوتنی زیاترتان ئاواتمانە. ‎
براتان
‎بافڵ جەلال تاڵەبانی
#11-03-2019#

خوشکی بەڕێزمان خاتوو نەرمین عوسمان
‎برای بەڕێزم کاک هاوڕێ دارۆ شێخ نوری

‎بەداخێکی زۆرەوە هەواڵی کۆچی دوایی خاتوو (عائیشە عەبدولواحید ) دایکی خاتوو نەرمین عوسمان و خوشکی شەهیدی سەرکردە جەعفەر عەبدولواحیدمان پێگەیشت.
‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی ئێوە و خانەوادە سەربەرز و تێکۆشەرەکەتان دەکەین کە نموونەی باڵای خەبات و تێکۆشانن لەپێناو کوردستان.
‎لەخوای گەورە داواکارم کۆچکردوو بە بەهەشتی بەرین شادبکات و سەبووری بەهەموولایەک ببەخشێت. [1]

‎دڵسۆزتان
‎#بافڵ تاڵەبانی#
‎سەرۆکی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#بافڵ جەلال تاڵەبانی# پرسەنامەیەک ئاراستەی هەڤاڵ #سەعدی ئەحمەد پیرە# دەکات

هەڤاڵ کاک سەعدی ئەحمەد پیرە، ئەندامی مەکتەبی سیاسیی #یەکێتیی نیشتمانیی کوردستان#.
بۆ کۆچی دوایی خاتوو (مامز عەبدوڵا) دایکی بەڕێزتان، پرسە و هاوخەمی قووڵی خۆمان ئاڕاستەی ئێوە، کەسوکار و بنەماڵە سەربەرز و تێکۆشەرەکەتان دەکەم.
لەخوای گەورە داواکارم ڕۆحی کۆچکردوو بەبەهەشتی بەرین شاد بکات و سەبووری بەهەموولایەک ببەخشێت.[1]

دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
28ی تەممووزی 2022 - بەغدا

=KTML_Bold=دەقی پەیامەکە...=KTML_End=
کۆچی دوایی هەڤاڵ (محەمەد شارەزووری) پێشمەرگەی دێرین، کەسایەتی دیاری ناوچەی شارەزوور و باوکی شەهیدان (عومەر، عوسمان و بەکر) لە دڵەوە نیگەرانیکردم.
‎بۆ ئەم خەمە گەورەیە پرسە و هاوخەمی قووڵی خۆمان ئاڕاستەی کەسوکار و بنەماڵە سەربەرز و شۆڕشگێڕەکەیان دەکەم کە نموونەی ڕۆڵەی بەئەمەک و دڵسۆزی کوردستان بوون.
‎لە خوای گەورە داواکارم هەڤاڵی کۆچکردوومان بە بەهەشتی بەرین شادبکات و سەبووری بە هەموولایەک ببەخشێت. [1]

‎دڵسۆزتان
‎#بافڵ تاڵەبانی#
‎سەرۆکی #یەکێتیی نیشتمانیی کوردستان#

بەتوندی تاوانە گەورەکەی پارێزگای #ماردین# لە تورکیا ئیدانە دەکەم کە بەهۆیەوە پێنج هاونیشتمانی گیانیان لەدەستدا.
‎وێڕای پرسە و هاوخەمی قووڵمان بۆ کەسوکار و خانەوادەکانیان، داواکارم لایەنە پەیوەندیدارەکانی تورکیا بەدواداچوونی جدی بکەن و تاوانباران ڕووبەڕووی دادگا بکەنەوە. [1]

‎#بافڵ تاڵەبانی#
‎سەرۆکی #یەکێتیی نیشتمانیی کوردستان#

#بافڵ تاڵەبانی#، سەرۆکی یەکێتیی نیشتمانیی کوردستان لە دەباشان پێشوازی لە دکتۆر #عەبدوللەتیف ئەحمەد مستەفا# کرد.
لە دیدارێکدا گفتوگۆ لەبارەی قووڵکردنەوە و پەرەپێدانی گیانی تەبایی و پێکەوەژیان کرا و جەخت لە هەماهەنگی و هاریکاری زیاتر کرایەوە لەپێناو گەشەپێدانی ئەو ئاشتەوایی و پێکەوەییەی لەنێوان نەتەوە و پێکهاتە جیاوازەکاندا هەیە و پارێزگاریکردن لەو بەها باڵایانەی پەیوەستن بە کایەکانی ژیانەوە.
سەرۆک بافڵ بە گرنگییەوە ئاماژەی بە ڕۆڵی مامۆستایانی ئایینی کرد لە هۆشیارکردنەوەی کۆمەڵگە و ئاڕاستەکردنی هاووڵاتیان بەرەو تەبایی و پێکەوەژیان و ڕایگەیاند، مامۆستایانی ئایینی لە شۆڕشەکانی کورددا ڕۆڵێکی گرنگیان گێڕاوە و فاکتەرێکی گرنگی سەرخستنی شۆڕش بوون، ئەمڕۆش دەبێت بە هەمان ڕۆحیەتی کوردانە و مرۆڤدۆستانەوە بەردەوامبن لە ڕێنوێنیکردنی کۆمەڵگە بە ئاڕاستەی چاکە، دوورکەوتنەوە لەبیری توندڕەوی و قووڵکردنەوەی تەبایی لەنێو کۆمەڵگەدا.[1]

#‎بافڵ تاڵەبانی#، سەرۆکی #یەکێتیی نیشتمانیی کوردستان# لە ماڵی مام لە بەغدا پێشوازی لە ئەلینا ڕۆمانۆسکی، باڵیۆزی ئەمریکا لە ئێراق کرد.
‎لە دیدارێکدا دۆخی گشتیی وڵات و بەردەوامیی گفتوگۆکان بۆ زاڵبوون بەسەر کێشەکان و تێپەڕاندنی بەربەستەکان گفتوگۆیان لەبارەوەکرا.
بافڵ جەلال تاڵەبانی ئاماژەی بە پرسی هەڵبژاردن، کێشەکانی نێوان #هەولێر# و بەغدا و ناردنی شایستەداراییەکانی هەرێم کرد و ڕایگەیاند، هەوڵەکانی یەکێتی لەپێناو بەڕێوەچوونی هەڵبژاردنێکی بێگەردە لە وادەی خۆیدا، دەشمانەوێت هەڵبژاردن هۆکارێک بێت بۆ نزیکبوونەوە و گەشەپێدانی دیموکراسی نەوەک ترازان.
وتیشی، نابێت خەڵکەکەمان بکرێنە قوربانیی ململانێ سیاسییەکان و دەبێت دەستوور بنەمای چارەسەرکردنی کێشەکان بێت. هەوڵەکانیشمان لەو پێناوەدا بەردەوام دەبێت تاوەکوو چارەسەرێکی یەکجارەکی و ئەرێنی دەدۆزینەوە و چیتر هاووڵاتییان لە دڵەڕاوکێی بەدەستهێنانی مووچەکانیان نەبن. [1]

ڕۆژی جیهانیی زمانی دایک لە هەموو هاوزمانەکانم پیرۆز دەکەم. پاراستن و گەشەپێدانی زمانی شیرینی کوردی، فاکتەری مانەوەمانە وەک نەتەوەیەکی زیندوو.
ئەرکی هەموومانە پارێزگاری لێبکەین.
#بافڵ تاڵەبانی#
سەرۆکی #یەکێتیی نیشتمانیی کوردستان#. [1]

=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=

#بافڵ جەلال تاڵەبانی# لەساڵیادی کۆچی دوایی مامۆستای سیاسەت و کوردایەتی، ڕۆشنبیری و ڕۆژنامەگەری، مامۆستا #ئیبراهیم ئەحمەد# دا ڕایگەیاند: ئەوکاتەی مامۆستا سکرتێری #پارتی دیموکراتی کوردستان# بوو، خەباتی سیاسی گۆڕانکاری و نوێگەری بەسەردا هات و بناغەیەکی نوێی بۆ خەبات و کاری سیاسی دانا. ئەوانەی ڕابردوو لەیاد ناکەن و مێژوو وەک خۆی دەگێڕنەوە، ئەم ڕاستییە باش دەزانن.

دەقی پەیامەکە:
ئەمڕۆ 22 ساڵ بەسەر کۆچی دوایی مامۆستای سیاسەت و کوردایەتی، ڕۆشنبیری و ڕۆژنامەگەری، مامۆستا ئیبراهیم ئەحمەد تێدەپەڕێت.
مامۆستا ئیبراهیم ئەحمەد یەکێک بوو لە سیمبولەکانی سیاسەت، ڕێبەری خەبات و تێکۆشان لە سەدەی ڕابردوودا و بەو بیرە نەتەوەییەوە کە هەیبوو، هەموو ژیانی بۆ خەبات دژی زوڵم و ستەم تەرخانکرد. ئەمەش نەک هەر لە کاری سیاسیدا، بەڵکو لە بەرهەمە ئەدەبی و ڕۆژنامەوانییەکانیدا بە ئاشکرا دیارە.
یەکڕیزی و یەکدەنگی کورد بەرامبەر داگیرکەران و هەبوونی گوتارێکی نەتەوەیی و نیشتمانیی لەنێوان هێزە سیاسییەکاندا خەمی گەورەی مامۆستا ئیبراهیم ئەحمەد بوو. هەمیشە بڕوای بەوە هەبووە کە سەرکەوتنی کورد پەیوەستە بە یەکگرتوویی و یەکڕیزی ناوماڵی کوردەوە، بۆ ئەمەش هەوڵی زۆری داوەو مێژوو شاهیدی دڵسۆزی و خەمخۆری بۆ مامۆستا ئیبراهیم دەدات بەرامبەر سەربەرزی و سەرفرازی خەڵکی کوردستان.
ئەوکاتەی مامۆستا ئیبراهیم ئەحمەد سکرتێری پارتی دیموکراتی کوردستان بوو، خەباتی سیاسی گۆڕانکاری و نوێگەری بەسەردا هات و بناغەیەکی نوێی بۆ خەبات و کاری سیاسی دانا. ئەمەش کاریگەرییەکی بەرچاوی هەبوو لە سیاسەتی پارتی دیموکراتی کوردستان و شێوازی کارکردنیدا. ئەوانەی ڕابردوو لەیاد ناکەن و مێژوو وەک خۆی دەگێڕنەوە، ئەم ڕاستییە باش دەزانن.
ئێمە خەبات و تێکۆشانی مامۆستا ئیبراهیم ئەحمەد لەیاد ناکەین. بە سوودوەرگرتن لەو میراتە سیاسی و ڕۆشنبیرییەی مامۆستا بۆ ئێمەی جێهێشتووە درێژە بە خەبات دەدەین و بە ئومێدەوە بۆ داهاتوو دەڕوانین. ئەمەش ئەرک و بەرپرسارێتی ئێمەیە بەرامبەر نەتەوەکەمان و وەفاداریمان بۆ مامۆستا ئیبراهیم ئەحمەد.
بافڵ جەلال تاڵەبانی
#08-04 2022#
[1]

#بافڵ تاڵەبانی#، سەرۆکی #یەکێتیی نیشتمانیی کوردستان# لە #بەغدا# چاوی کەوت بە قەیس خەزعەلی، ئەمینداری گشتی بزووتنەوەی عەسائیبی ئەهلی ماف. ئەمڕۆ هەینی #31-03-20023#، بافڵ جەلال تاڵەبانی، سەرۆکی یەکێتیی نیشتمانی کوردستان لە بەغدا بە ئامادەبوونی هەریەکە لە #ڕەفعەت عەبدوڵڵا# بڕیاردەری دەستەی کارگێڕی و خالید شوانی، ئەندامی مەکتەبی سیاسی یەکێتیی نیشتمانی کوردستان چاوی کەوت بە قەیس خەزعەلی ئەمینداری گشتی بزووتنەوەی عەسائیبی ئەهلی ماف. لە کۆبوونەوەکەدا، دوایین گۆڕانکارییە سیاسییەکان و چارەسەرکردنی کێشەکانی نێوان #هەولێر# و بەغدا تاوتوێکران و جەخت لە دەستپێکی قۆناغێکی نوێی سیاسی کرایەوە بەشێوەیەک کە مافەکانی هەموو لایەک پارێزراوبێت و دەستوور بنەمای کارکردن بێت. لای خۆشییەوە، بافڵ جەلال تاڵەبانی، پەرۆشیی یەکێتی بۆ گەیشتن بە ئەنجامێکی ئەرێنی دووپاتکردەوە و ڕایگەیاند تێپەڕاندنی ئەم دۆخە و دەستەبەرکردنی ژیانێکی سەقامگیر بۆ خەڵکەکەمان ئەرکی لەپێشینەی ئێمەیە و هەموو هەوڵێکیشمان لەو پێناوەدایە. [1]