ئەنوەر قەرەداغی - مۆسیقا ژەن و ئاواز دانەر
ناوی تەواوی (محەمەد ئەنوەر عومەر محەمەد) ە ساڵی 1946 لە شاری #هەڵەبجە# لەدایک بووە سەرەتای منداڵی خستویانەتە حوجرەی فەقێیان لە مزگەوتی پاشا بەڵام زۆر بەردەوام نەبووە چونکە قوتابخانە کراوەتەوە لەگەڵ براکانی چووەتە قوتابخانە ساڵی 1954 ماڵیان چووەتە #سلێمانی# لەوێ لە پۆلی سێیەم لە قوتابخانەی (فەیسەلیە) دەخوێنێت لەو کاتی لە گرووپی سروودی قوتابخانە لەلایەن مامۆستا ولیەم یۆحەننا هەڵبژێردراوە بۆ گرووپی سروود ناوەندی و دواتر خانەی مامۆستایانی لە سلێمانی تەواوکردووە لە #26-10-1964# هەر لەو ساڵەدا بە مامۆستا دامەزراوە تیپی مۆسیقای (کۆمەڵی خۆشی و بەختیاری) دواتر (تیپی مۆسیقای هیوا)ی دامەزراندووە دواتر لە #23-02-1967# بووبە تیپی مۆسیقای سلێمانی لە ساڵی 1966 تا 1971 لە چالاکی قوتابخانەکانی سلێمانی وانەی مۆسیقای داوەتەوە ساڵی 1969 دەستەی دامەزرێنەری تیپی نواندن و مۆسیقای سلێمانی بووە ساڵی 1971 تا 1974 لێپرسراوی بەشی مۆسیقا بووە لە زانکۆی سلێمانی و تیپی زانکۆی درووستکردووە ساڵی 1974 پەیوەندی بە شۆڕشی ئەیلول کردووە لەوێ تیپی مۆسیقای شۆڕشیان درووستکردووە دوای گەڕانەوەی لەناو شۆڕش لە ساڵی 1975 لە زانکۆ دوور خراوەتەوە و گواستراوەتەوە شاری سەماوە بۆ ماوەی دوو ساڵ ماوەتەوە بە مامۆستا لەو ماوەیەدا تیپی مۆسیقای پەروەردەی سەماوەی بۆ چالاکی قوتابخانەکان درووستکردووە دواتر گواستراوەتەوە بۆ زانکۆی سلێمانی وەک پێشووی بوەتە لێپرسراوی بەشی مۆسیقا تا ساڵی 1981 کە زانکۆی سلێمانی گوازراوەتەوە بۆ #هەولێر# ساڵی 1973 لە بەرلین بەشداری ڤیستیڤالی لاوانی جیهانی کردووە هەر لە ساڵی 1973 بۆ یەکەمجار لە تەلەڤزیۆن (9) پارچە مۆسیقا و گۆرانی تۆمار کردووە ساڵی 1974 بەشداری ڤیستیڤالی یەکەمی هونەری کوردی لە بەغدا کردووە دامەزرێنەری پەیمانگەی هونەرە جوانەکانی سلێمانییە ساڵی 1998 بوەتە ڕاوێژکاری هونەری لە #وەزارەتی ڕۆشنبیری# ئەنوەر قەرەداغی یەکێکە لە دامەزرێنەری تەلەڤزیۆنی (puk) ساڵی 2010 بوەتە ڕاوێژکاری هونەری لە مەکتەبی ئیعلامی یەکێتیی نیشتمانیی کوردستان [1]

[1]

دەقی پرسەنامەکەی مەکتەبی ڕاگەیاندنی #یەکێتیی نیشتمانیی کوردستان#:
بەڕێزان بنەماڵە و کەسوکاری مامۆستا ئەحمەد عومەر قەرەداغی کۆچکردوو
بەداخەوە هەواڵی کۆچی دوایی کەسایەتی دیارو مامۆستایەکی خۆشەویست، برای مامۆستا ئەنوەر قەرەداغی ڕاوێژکاری مەکتەبی ڕاگەیاندنمان پێگەیشت،
خوالێخۆشبوو جگەلەوەی کەسایەتییەکی دیاری شاری #سلێمانی# بوو، لە بنەماڵەیەکی تێکۆشەر و کوردپەروەر بوو، بەو بۆنە خەمناکەوە بەناوی سەرجەم هەڤاڵانی مەکتەبی ڕاگەیاندنەوە پرسەو سەرەخۆشی خۆمان ئاراستەی مامۆستا ئەنوەرو لەڕێی ئەویشەوە لە سەرجەم کەسوکار و بنەماڵەکە تێکۆشەرەکەیان دەکەین و داواکارین خوای گەورە خوالێخۆشبوو بە بەهەشتی خۆی شاد بکات و سەبووریی بە دۆستان و ئازیزانی بدات.
انا للە وانا الیە ڕاجعون
مەکتەبی ڕاگەیاندنی یەکێتیی نیشتمانیی کوردستان[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

شوێن: هەولێر
رۆژ یان ساڵی گیرانی وێنەکە: #22-11-1978#
کەسایەتییەکانی ناو وێنەکە: لە میوانداری هونەرمەند #ڕەسووڵ بێزار گەردی# دانیشتوەکان لەڕاستەوە: جەلال عەزیز و ڕەسوڵ بێزار گەردی و ئەحمەد میرزا و #ئەنوەر قەرەداغی#، ئەوەی لەسەر کورسیەکە دانیشتووە: #ئەحمەد سالار#
وێنەگرەکە: نەناسراوە[1]

1977

شوێن: سلێمانی
رۆژ یان ساڵی گیرانی وێنەکە: حەفتاکانی سەدەی بیستەم
کەسایەتییەکانی ناو وێنەکە: کۆمەڵێک هونەرمەندی شاری سلێمانی لەڕاستەوە: #حەمەی نێرگز#، نەناسراو، مناڵەکە تۆفیق عەلی-یە، #ئەنوەر قەرەداغی#، کاکە حەمەی فلوت، #عوسمان عەلی#.
وێنەگرەکە: نەزانراوە[1]

[1]

تائێستا بەشداریی لە16 پیشانگەی هاوبەشی لەناوەوەو دەرەوەی کوردستان کردووەو خاوەنی 5 خەڵاتی ڕێزلێنانە.
- 19-11-2013

شوێن: سلێمانی
رۆژ یان ساڵی گیرانی وێنەکە: حەفتاکانی سەدەی بیستەم
کەسایەتییەکانی ناو وێنەکە: خانەوادەی هونەرمەند #ئەنوەر قەرەداغی# و هاوژین و منداڵەکانی.
وێنەگرەکە: نەزانراوە [1]

زانکۆی سلێمانی، 24ی 1ی 1978