ئەندامێ سەرکردایەتیا #یەکگرتووی ئیسلامی کوردستان#ە.
کاندیدێ لیستا بەرەڤ ئیسڵاح یا ژمارە 119، کاندیدێ ژمارە 5 و هەروەسا کاندیدێ لیستا حزبا خوە ژبو باڤارتنێن پەرلەمانێ کوردستانێ د ساڵی 2018 بوویە.[1]

ئەندامی سەرکردایەتیی #یەکگرتووی ئیسلامی کوردستان#ە
کاندیدی لیستی بەرەو ئیسڵاحی ژمارە 119 ، کاندیدی ژمارە 5 بووە و هەروەها کاندیدی حزبەکەی خۆی بۆ هەڵبژاردنی پەرلەمانی کوردستان لە ساڵی 2018 بووە.

کەسێک خۆی کۆیلە بێت ناکرێت ڕەخنە بگرێت و باس لە ئازادی مرۆڤ بکات
#ئەبوبەکر هەڵەدنی#، ئەندامی سەرکردایەتی #یەکگرتووی ئیسلامیی کوردستان# لە هەژماری تایبەتی خۆی لە تۆڕی کۆمەڵایەتی فەیسبووک نووسیویەتی:
کەسێک خۆی کۆیلە بێت ناکرێت ڕەخنە بگرێت و باس لە ئازادی مرۆڤ بکات.
دەبێت لەپێشەوە خۆت ئازاد بکەی، تەنیا ئازا و ئازادەکان قاسپە و چریکەیان بۆ ئازادی لە ئاسمانی ژین دەنگ دەداتەوە، چونکە (فَاقِدُ الشَّيْءِ لَا يُعْطِيَهُ.) ئەوەی شتێکی نەبێت ناتوانێت بیبەخشێت. [1]

$ئەمڕۆ ساڵیادى شەهیدبوونى مامە ڕیشەیە...$
لە ساڵیادى شەهیدبوونى #مامە ڕیشە#دا، #ئەبوبەکر هەڵەدنى# ئەندامى پەڕڵەمانى کوردستان نووسیویەتى: تۆ باشتکرد کە عاشقی کوردستان بووی و بۆیشی ژیایت و مردیت، دەزانم ئێستا زیندوبیتەوە بەو دڵسافی و خۆشباوەڕیە خەبات ناکەیتەوە بۆ دەسەڵاتێکی کوردی کە لەوەزارەتی بەناو شەهیدانەکەی شەهید و بکوژەکەیی و پێشمەرگەی ماندوو سەر ڕاستی وەک تۆو خائینێک و شەهیدی ئەنفال و ئەنفالچی لەوەزارەتی داراییەکەی وەک یەک موچە وەردەگرن.
نووسیویەتى: ڕۆحت شاد نموونەی پێشمەرگەی ڕاستەقینە پڵنگە چنگ بە گڕەکەی #گەرمیان#ی سوتماککراوی سەردەمی عەفلەقیەکان و بێنازی ئێستای سایەی دەسەڵاتە چەتەکەی کوردی. سڵاو لەو سیما جوانەت، سڵاو لەو دڵەپاکەت، سڵاو لەو خوێنە ئاڵەت، سڵاو لە تاڵەبان و جەباری کە کوڕێکی سرک و سەلاری وەک تۆیان بە کوردستان بەخشی. [1]

$ئەبوبەکر هەڵەدنی گەیاندیە هەڕەشەی کوشتن!$
#ئیدریس مستەفا#
ئەو شەپۆلە کۆنەپەرستیە ئیخوانیەی لە کوردستاندا بەهۆی #یەکگرتووی ئیسلامیی کوردستان#ەوە بڵاوبۆتەوە گەورەترین هەڕەشەیە بۆ سەر کوردستان. گەندەڵی، دەستێوەردان و خراپی دەسەڵاتی یەکێتی و پارتی قەزیەیەکە و خەتەری یەکگرتووی ئیخوانی ئیسلامی شتێکی ترە. گەندەڵی ماڵی و ئیداری شتێکە و گەندەڵی فەرهەنگی و کەلتوری شتێکی ترە. واتە بە هەموو پێوەرە زانستیە سیاسی و کۆمەڵایەتییەکان گەندەڵکردنی فەرهەنگ و کەلتووری میللەتێک لە گەندەڵی مالی و ئیداری خەتەرترە. ئەوەی نەمری ناسنامەی مرۆڤ و میللەتێکی پێ دەناسرێتەوە کە قەد نەمرێ بارە فەرهەنگی و کەلتوریەکەیەتی. لەوەتەی یەکگرتوو هاتووە تەنیا ئیش کردبێتی کوشتنی هەر شتێکی کوردەواری جوان بووە و گرنگترینیان گۆڕینی جلوبەرگی کوردییە بە حجاب و لەچک و شایی و . . هتد. داعشیزم و کۆمەڵە ئیسلامیەکانی تر تیژتێپەڕیەکی خەتەرە و دەڕوات بەڵام ئیخوانیزم کە لە کوردستان کە بە ناوی یەکگرتووی ئیسلامیەوە دەرکەوتووە وەک شێرپەنجەیەک وایە تاکو هەموو هەموو ئێسک و پروسکت تێک نەشکێنی ناڕوات و گەر کەسێک بیەوێت لەسەر ئەم شێرپەنجەیە قسەبکات یەکسەر بە ناوی ئایینی خودا و خەڵک و میانڕەویەوە بەرەو ڕووی دەبنەوە و لەژێرەوەش ئاگری هەڕەشە خۆش دەکەن. قسەکانی ئەبوبەکر هەڵەدنی گەیشتنە هەڕەشەی کوشتن لە #شێرزاد حەسەن# هەر وەک چۆن لە میسر دەستیان سوورە بە خوێنی چەندان نووسەر و خەڵکانی پێشکەوتووخواز. هەڕەشەش لەو واتە هەڕەشە لەهەر دەنگێکی تر گەر خەمی هەر شتێکی جوان و مەدەنی و زانستی هەبێ لەو وڵاتەدا. بۆیە داکۆکی کردن و بەرگریکردن لەو بارە فەرهەنگی و کەلتووریەی لە کوردستان هەبوو پێش سی ساڵ گەر لە لایەن هەر کەس و لایەن و پارت و ڕێکخراوێکەوە بێت من دەچمە پشتی. نوخبەی ڕۆشنیر و سیاسی کورد دەبێ لەوە تێبگات پلۆرالیزمی سیاسی ئەوە نییە ڕێگە بە شێرپەنجەیەکی وەک ئیخوانیزم بدەیت و نەخۆشی و پیسی بڵاوبکاتەوە. لە هەر وڵاتێک ڕێیان پێ درابێ یەکسەر ژنان و جوڵە و جومگە مەدەنیەکانی تری کۆمەڵگەیان کردووە بە ئامانج، یاخود هەر ئەوەندەی دەسەڵاتی گرتە دەست ئیتر بە تۆپ و تەیارەش نایاتە خوارەوە لە دەسەڵات. نموونەکانی وەک ئەردۆغان و عومەر بەشیرمان لە بەردەستدایە. نوخبەی ڕۆشنبیری کورد، ئیسلامیەکانی تێدا نییە، چ لە ناوەوە و دەرەوەی قەوارە حزبیەکان پێویستە زەمینەیەک بدۆزنەوە بۆ داکۆکیکردن لەو شتانەی چارەنووس و ناسنامەی هەمووان تێیدا هاوبەشە. [1]

بەکارهێنانی کورسی پێکهاتەکان لەلایەن حزبێکەوە وایکردووە دەنگی ناڕەزایی لە پەڕڵەمان بەرزببێتەوە و داوای هەموارکردنەوەی یاسای پێکهاتەکان بکرێت، پەڕڵەمانتارێکیش دەڵێت: بەشێکی زۆر لە فراکسیۆنەکان پێویستە ئەو بڕگەیەی یاسای هەڵبژاردن هەموار بکرێتەوە.
#ئەبوبەکر هەڵەدنی# ئەندامی پەڕڵەمانی کوردستان لە فراکسیۆنی #یەکگرتووی ئیسلامیی کوردستان# ڕایگەیاند: بەکارهێنانی کورسی پێکهاتەکان یەکێکە لەو کێشانەی کە سەرجەم فراکسیۆنەکان پێیان وایە ئەو بڕگەیەی یاسای هەڵبژاردن هەموار بکرێتەوە.
ئەبوبەکر هەڵەدنی دەڵێت: لەگەڵ ئەوەداین پێکهاتەکانی هەرێمی کوردستان کورسی تایبەت بە خۆیانیان هەبێت، بەڵام پێویستە پێکهاتەکان نوێنەری ڕاستەقینەی خۆیان هەڵبژێرن و ڕەچاوی جوگرافیای پێکهاتەکانیش بکرێت کە بەداخەوە لە ئێستادا وانییە.
لە ئێستادا #13-01-2023# کورسی پێکهاتەکان لەپەڕڵەمانی کوردستان لاسەنگی لە بەرژەوەندی لایەنێک درووستکردووە و دەمانەوێت بۆ هەڵبژاردنی داهاتوو لەڕێی هەمواری یاساکەوە ئەو لاسەنگییە هاوسەنگ بکەینەوە هەڵەدنی وادەڵێت. [1]

=KTML_Bold=ئەبوبەکر هەڵەدنی: لە ساڵی ڕابردوو تەنیا کۆمپانیای داناغاز 182 ملیۆن دۆلاری لە کەرتی وزەی هەرێم قازانجی کردووە=KTML_End=
ئەندامێکی پەڕڵەمانی کوردستان لە فراکسیۆنی #یەکگرتوویی ئیسلامیی کوردستان# ئاماژە بەوە دەکات هەتا حکومەتی هەرێم ماوە ناتوانێت وەزارەتی سامانە سرووشتییەکان بخاتەسەرپێ‌، چونکە تا (ئاشتی هەورامی) وەزیر بوو سەرجەم کاروباری وەزارەتەکە لەناو فلاش میمۆریی و جانتایەکدا بوو، دواتریش بەهۆی دەستوەردانی حزبییەوە وەزیرەکەی دوای ئەو وازی لە کارەکەی هێنا. خێرو بێری ئەو وەزارەتە بۆ چەند کەس و کۆمپانیایەکە بە جۆرێک لە ساڵی ڕابردوو تەنیا کۆمپانیای دانا غاز 182 ملیۆن دۆلاری لە کەرتی وزەی هەرێم قازانجی کردووە.
#ئەبوبەکر هەڵەدنی#، ئەندامی پەڕڵەمانی کوردستان لە فراکسیۆنی یەکگرتوو ڕایگەیاند: وەزارەتی سامانە سرووشتییەکان کە لە ئێستادا بەبێ‌ وەزیر ماوەتەوە، حزبە دەستەڵاتدارەکانیش ئامادەنین وەزیر بۆ ئەو وەزارەتە دابنێن، مەبەستی تایبەتی خۆیان هەیە و بەرژەوەندییان وادەخوازێت ئەو وەزارەتە بێ‌ وەزیر بمێنێتەوە، چونکە پێشتریش کە (ئاشتی هەورامی) وەزیر بوو سەرجەم کارەو بارەکانی ئەو وەزارەتە لە فلاش میمۆری و جانتاکەی ئەو وەزیرەدا کۆکرابوونەوە.
ئاماژەی بەوەشکرد، هەتا حکومەتی هەرێم ماوە ناتوانێت وەزارەتی سامانە سرووشتییەکان سەرپێ‌ بخات، چونکە تا ئەو کاتەی بڕی نەوتی بەرهەمهێندرا و داهاتی فرۆشتنی نەوت و گرێبەستە 50 ساڵی و 20 ساڵییەکانی لەگەڵ تورکیا و کۆمپانیای ڕوز نەفت کراون. فرۆشتنی نەوت بە کۆمپانیاکان شەفاف نەکرێن ئەو وەزارەتە ناتوانێت بە ئەرکی ڕاستەقینەی خۆی هەستێت، هاوکات لەم کابینەیەشدا کە وەزیری بۆ دانرا، بەڵام بەهۆی دەستوەردانی حزبییەوە وەزیرەکە نەیتوانی درێژە بەکارەکانی بدات و وازی لە پۆستەکەی هێنا.
ئەو پەڕڵەمانتارەی فراکسیۆنی یەکگرتوو ئەوەشی خستەڕوو، تەنیا لە ساڵی ڕابردوودا کۆمپانیای دانا غازی ئیمارانی بە بڕی 182 ملیۆن دۆلار، قازانجی لە کەرتی وزەی هەرێمی کوردستان کردووە، بەڵام حکومەتی هەرێم بەرمیلێک نەوت بە خەڵکی هەرێمی کوردستان ڕەوا نابینێت، هاوکات لەم دوایینانەشدا کە بە مەیلی دەستەڵاتداران و بەڕێککەوتنی ژێر بە ژێری ئەندامێک بۆ ئەنجوومەنی نەوت و غازی هەرێم زیادکرا هیچ پێویستیەکی خەڵکی کوردستان نەبوو، بەڵکوو تەنیا خواستی حزبێکی سیاسی بوو بۆ زیادکردنی باڵانسی هێزبوو لەناو ئەو ئەنجوومەنە. [1]

پەڕڵەمانتارێکی دەستلەکارکێشاوەی یەکگرتوو لەسەر کۆبوونەوەکەی دوێنێی #22-05-2023# پەڕڵەمان و کاراکردنەوەی کۆمیسیۆن هاتەدەنگ. #ئەبوبەکر هەڵەدنی#، ئەندامی دەستلەکارکێشاوەی پەڕڵەمانی کوردستان ڕایگەیاند هەریەکە لە یەکگرتو، کۆمەڵ و گۆران کە ئەندامیان لە ناو کۆمیسیۆنی سەربەخۆ هەڵبژاردن و ڕاپرسی هەرێمی کوردستان هەیە، ئەگەر بەم گاڵتەجاڕییەی ئەمڕۆی #23-05-2023# کۆبوونەوەی پەڕڵەمانی ماوە بەسەرچوو کەناونرا کاراکردنەوەی کۆمیسیۆن ڕازی بن عەییبەیەکی گەورەیە چونکە کۆمیسیۆن کارانەکراوەتەوە و بەم نزیکانەش کاراناکرێتەوە فراکسیۆنی #یەکگرتووی ئیسلامیی کوردستان# لە ماوەی ڕابردوودا دەستلەکارکێشانەوەی خۆیان لە پەڕڵەمانی کوردستان ڕاگەیاند و لەگەڵ درێژکردنەوەی تەمەنی پەڕڵەماندا نەبوون. [1]

هەڵوێستێکی جدی بۆ گێڕانەوەی ڕەوتی شێواوی کاری پەرلەمانی !؟
لەپێناو پەرلەمان پێش پەرلەمانتار !؟
کە مانگی دەی ساڵی 2015 ڕێگری لەسەرۆکی پەرلەمان کراو بۆ ماوەی دووساڵ پەرلەمان پەکخراو تەنها بۆ مەبەستی ڕیفراندۆم کارا کرایەوە(ئەو ڕیفراندۆمەی سەری کوردی کرد بەقوڕاو پەنجا ساڵ دۆخی ئێمەی بۆ دواوە گێڕایەوە)بەداخەوە بەگرێی دەروونی وتۆڵە کردنەوەو دەستشکاندنەوەی حزبی هیچ هەڵوێستێکی کاریگەر دەرنەبڕدرا.
لەساڵی 2017 کەخۆپیشاندەران هاتنە ناو حەرەمی پارلەمان(کەلە#هەولێر# ڕێگە دان بەخۆپیشاندان ئەستەمە ودەسەڵات مەیلی نەبێت ڕوونادات) و سوکایەتیان بەپەرلەمان وپەرلەمانتار کرد ئەم جارەش بەسانایی تێپەڕێنرا.
دوێنێش ئەوەی کە ڕووی دا لەپێشهاتێکی ترسناک بۆ ئایندەی کاری پارلەمانی، بۆیە داواکارم لەو فراکسیۆن وپەرلەمانتارانەی کە دوێنێ بایکۆتیان کرد، گەر ڕێگا نەگرن لەم دەرکەوتە نوێ یە، کاری پارلەمانی هیچ بایەخ وئەرزشێکی بۆ نامێنێتەوەو ناکرێ دوو ڕۆژی تر بەمجامەلەو پێکەنین وبە لۆژیکی(ئەمەش تێدەپەڕێ وخەڵک شتی بیر دەچێتەوە)یان بە(درۆی شاخداری یەکڕیزی ودۆخی ناسک)چاو لەڕاستیەکان بپۆشین و چارەسەری بنبڕو ڕیشەیی نەکەین، بۆیە پێشنیازدەکەم بەرەی بایکۆت کاران بۆ ئەوەی پەیامیان بگات وستۆپێ بۆ شکاندنی شکۆی پارلەمان بکەین ئەم هەنگاوە بگرینە بەر :
1/تا چەندمانگێک بایکۆتی پارلەمان ولیژنەکان بکەین.
2/دەستلەکارکێشانەوەیەکی بەکۆمەڵ ئەنجام بدەین.
3/ئەو فراکسیۆنانەی کە حزبەکانیان لە حکومەتن، لەحکومەت بکشێنەوە.
ئەگینا هەر وورە وورو دەنگ هەڵبڕین وکۆنگرەی ڕۆژنامەوانی هیچ جەدوایەکی نابێت.
ئامانج لەم هەنگاوانە گێڕانەوەی ئابڕوو وقورساییە بۆپارلەمان، گەر ئەوەنەکەین پێشهاتی تری چاوەڕواننەکراو دێتە ڕێمان وعەرەب ووتەنی (القادم اسوأ).
تێکۆشەرە میسریەکانی خەمخۆرانی ئازادی ودیموکراسی ووتەیەکی نایابیان هەیە کە دەڵێن(دفاعا عن مصر لا عبدالناصر)ئێمەیش دەڵێن لەپێناو دامەزراوە وئەزمون وئایندە وکەرامەتمان نەک تەنها کەسەکان، هەرچەند کەسەکانیش ڕێزو ئیعتباری خۆیان هەیە.
ئەبوبەکر هەڵەدنی
#08-05-2020#