#ئالان کوردی# ئەو منداڵە تەمەن سێ ساڵە، کۆچبەرە بوو کە لەگەڵ خێزانەکایەن کاتی شەڕی #داعش# ساڵی 2015، لە ڕۆژاوای کوردستانەوە هەڵهاتن بەرەو تورکیا و دواتر دەیانویست دەربازیان بێت بۆ ئەوروپا.
ئالان، دواتر لەلایەن جەندرمەیەکی تورکەوە لە کەنار دەریایەکی شاری بۆرمای تورکیا، لە 2ی سێپتەمبەری 2015 بەخنکاوی دەدۆزرێتەوە.
ئالان دیمەنێکی زۆر تراژیدیای لای هەموو جیهان درووست کرد، کە هەروەک بڵێی خەوی لێکەوتبێت دەردەکەوت، ئەم دیمەنە هەرای زۆری نایەوە لەسەر سیاسەتی نێودەوڵەتی لە جیهان و سیاسەتی دژ بە کۆچبەران و شەڕی داعش.
ئالان بوو بە سنبولی قوربانیانی کۆچبەران. ئەوەی جێی ناخۆشی بوو دایک و برایەکەی تەمەن پێنج ساڵانەشی خنکان، تەنیا باوکیان دەربازی ببوو، دواتر لە ڕێی سەفارەتی کەنەدییەوە باوکی ئالان مافی مانەوەیان پێبەخشی لەو وڵاتە، بەڵام ڕەتی کردەوە، مافی مانەوەی لە ڕێگای خۆشکەکەیەوە بۆ فەراهام کرا کە چەند ساڵێک بوو لە کەنەدا دەژیا،
خێزانی ئالان کوردی ناوی ئەیلانیان ڕەت کردەوە کە دەزگامێدیاکانی تورکی ئالانیان بە ناوی ئەیلان ناساند، باوکی ڕئزی نەبوو ئەو ناوە تورکیە ببێتە ناوی ئەیلان.
پاشان باوکی ئەیلان، بەیەکجاری گەڕایەوە ڕۆئاوای کوردستان لە #کوبانێ# لە 4ی سێپتەمبەری 2015 تەرمی خێزان و منداڵەکانی هەر لەوێ بە خاک سپاردن[1].

رێکخراوی سی ئای ڕایگەیاند: #کەشتی ئالان کوردی#ی سەر بە ڕێکخراوەکەیان توانیویەتی 114 کۆچبەر لە دەریای ناوەڕاست ڕزگار بکات. کۆچبەرەکان ویستوویانە لە لیبیاوە لەرێگەی چەند بەلەمێکی ماسیگرتنەوە خۆیان بگەیەننە ئیتاڵیا، بە دوو قۆناغ توانیویانە هەموویان ڕزگار بکەن.
سەرۆکی ڕێکخراوی سی ئای گوتی: لە مانگی یەکی ئەمساڵەوە تا مانگی حەوت 14 هەزار و 481 پەنابەر لە لییباوە هەوڵیانداوە لە ڕێگەیەکی پر مەترسییەوە خۆیان بگەیەننە ئەوروپا. هەر لە هەمان ماوەدا 10 هەزار و 174 پەنابەر لە تونسەوە هەوڵیانداوە خۆیان بگەیەننە ئەوروپا.
رێکخراوی کۆچی نیودەوڵەتیش ئاشکرای دەکات، لەو ماوەیەدا بە لای کەمەوە 300 کۆچبەر گیانیان لەدەستداوە.[1]

[1]

[1]

بەمەبەستی بەزیندویی هێشتنەوەی ناوی (#ئالان کوردی#) ڕێکخراوی هاوکاری چاوی دەریا (Sea-Eye) کە ڕیکخراویکی خێرخوازی مرۆیی تایبەتە و بارەگای سەرەکی لەشاری ڕیگینسبۆگە لە ئەڵمانیا، ناوی کەشتییەکی لە (پرۆفیسۆر ئالبرێخت ئینک) وە دەگۆرێت بۆ ناوی ئالان کوردی (ALAN KURDI) کە لەساڵی 2015 لەرێگەی چونیان بۆ وڵاتانی ئەوروپا خنکا و لەو ڕێکەوتەوە وەک سیمبولی قوربانییەکانی ڕێگای کۆچ دیاریکراوە. ئەم کەشتیە لە تیمی کەشتیوانی جیهانی بۆ فریاکەوتنی دەریایی لە وولاتی ئیتالیا خرایە کار و لەو کاتەوە ژیانی چەندین کەسی ڕزگار کردووە. کەشتی ئالان کوردی بۆ یەکەم جار لە بەرواری 29-09-2019 لە کەنارەکانی بۆرانیەی (Burriana) ووڵاتی ئیسپانیاوە دەست بە کار بوەو بۆ مەراسیمی دەست بە کاربوونی، بە فەرمی بانگهێشتی عەبدوڵڵا کوردی باوکی ئالان کرا.
کەشتی ئالان کوردی
ووتە بێژی فەرمی گۆلدن ئیسلەر (کە تیمی فریاگوزاری دەریایی جیهانیە) دەڵێت؛ ئامانج لە ناونانی ئەم کەشتییە ئەوەیە کە ڕۆژانە چەندین کەس لەو ڕێیەدا دەبنە قوربانی نامانەوێت کە کەس ئەو ئازارەی لە بیر بچێتەوە کە ئەم کۆچبەرانە دەیچێژن، بەمشێوەیە لە بیری هاوڵاتیاندا دەمێنێتەوە.[1]