[1]

#ئاری هەرسین# ڕایگەیاند، بە بڕیارێکی شەخسی دەستی لە ئەندامێتی لە ڕیزی ڕێکخستنەکانی پارتی کێشاوەتەوە، دەشڵێت، وازهێنان لە پارتی وازهێنان نییە. لە کوردایەتی و سیاسەت.
ئاری هەرسین، کادیری پێشکەوتوی پارتی و ئەندامی پێشوی سەرکردایەتی ئەو حزبە لە #سلێمانی# و #هەڵەبجە#، لە نووسینێکدا ڕایگەیاند، لە ڕێی ئەم ڕاگەیاندنەوە، هەموو لایەک ئاگادار ئەکەمەوە کە بەندە دەستم لە ئەندامەتی لە ڕیزی ڕێکخستنەکانی #پارتی دیموکراتی کوردستان# کێشاوەتەوە، وەک چۆن بڕیاری بە پارتی بوونم (لە یەکگرتنەوەی پاسۆک و پارتی) شەخسی بوو، بڕیاری دەستلەکار کێشانەوەشم لە پارتی بڕیارێکی شەخسیە و هیچ پەیوەندییەکی بە پلە و پۆست و ئیمتیازاتەوە نییە. [1]

کوردستان یان نەمان
بۆ/ بەڕێزان بنەماڵەی بارزانی و مەکتەبی سیاسی #پارتی دیموکراتی کوردستان#
سڵاوی گەرم...
بە درێژایی ژیانی سیاست کردن و حیزبایەتیم، هەمیشە هەم سیاسەت و هەم حیزبایەتیم بە ئالیەت زانیوە بۆ خزمەتی خەڵکی کوردستان. لەوەش باڵاتر، هەرچیم کردوە بۆ سەر بەخۆیی خاکی پیرۆزی کوردستان کردومە. بۆ یەک چرکەش لە ژیانی شەخسیمدا بیرم نایەت بۆ تاکتیکیش بوبێت، بڕوام بە کەمتر لە سەربەخۆیی هەبوبێت و کارم بۆ کردبێت.
لەم وێستگە زۆر هەستیار و پیرۆزەی ژیان و کوردایەتی و سیاسەتدا، کە بڕیاری ڕیفراندۆم (وەک ئالیاتێک بۆ هێنانەدی ئاواتی لەمێژینەی گەلێک بوەتە ئەمری واقیع) پێم وایە مەرامی نامەرد زۆرن بۆ بچوک کردنەوەی ئەم (گەورەترین) پڕۆژە نیشتیمانیە. هەر بۆیەش لە ڕێگەی ئەم نوسراوەوە هەڵپەساردنی هەموو کار و ئەرک و بەرپرسیارێتی خۆم لە سەرجەم ئۆرگانەکانی حیزبماندا هەتا دوای ڕیفراندۆم ڕادەگەیەنم. چونکە پێم وایە ئەمڕۆ ڕۆژی کوردایەتی و کوردستانی بوونە، نەک شەڕە دەم و چەلەحانێی حیزبایەتی بچووک و بەرتەسک.
بە دڵنیاییەوە بەڕێزتان هەر ئیجرائاتێکی حیزبی بەرامبەر بەندە بنوێنن قوبوڵی دەکەم و، نە موناقەشەی ئیجرائاتەکانتان دەکەم و نە حوکمیشتان (تەممیز) دەکەم. بەڵام لە بڕیاری خۆم پەشیمان نابمەوە.
هەر کات پڕۆسەی ڕێفراندۆم کۆتایی پێ هات، دیسانەوە لەخزمەتتاندا دەبم و ئەرکی حیزبی خۆم (هەر وەک هەمیشە) زیاد لە پێویست جێبەجێ دەکەم.
دواجار لەم هەلە مێژوویەدا ڕێگەی براتان بدەن با تەنیا کورد و کوردستانی بم و هیچیتر. من لەمڕۆوە پارتی نیم، هەتا کۆتاییهاتنی پڕۆسەی ڕیفراندۆم.
شەکاوەبێت ئاڵای سەربەخۆیی خاکی پیرۆزی کوردستان.
لەگەڵ ئەوپەڕی ڕێزمدا.
ئاری محەمەد هەرسین
#04-01-2017#

بۆ ڕای گشتی
ئەمشەو ئەکاونتی فەیسبوکی خێزانم سروە ساڵح لە لایەن خەڵکانی نەفس نزمەوە هاک کراوە و، دیارە ئەم جۆرە کەسانە گەیشتونەتە بنکڕی ئەخلاقی ئینسانیان بۆیە بەم جۆرە مونافەسەی سیاسی ئەکەن. لێرەوە داواکارم لە هەڤاڵان، دۆستان وکەسانی خاوەن ئەخلاقی بەرزی کوردایەتی و نیشتیمانپەروەر ئەکەم گوێ بە هیچ پۆستێک و وێنەیەک نەدەن کە لەم ئەکاونتەوە بڵاو ئەکرێتەوە. لە ئێستاوە ئەو ئەکاونتە دوور و نزیک هیچ پەیوەندیەکی بە خێزانی بەندەوە نیە.
ئاری محەمەد هەرسین
#11-05-2018#