$باشووری کوردستان$=KTML_Photo_Begin=https://www.kurdipedia.org/files/relatedfiles/2010/8075/0007.JPG=KTML_Photo_Alt=گوڵان، تایبەت بە 31ی ئاب=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/8075/0007.JPG=KTML_Photo_End=
- هێزەکانی #پارتی دیموکراتی کوردستان#، شانبەشانی هێزەکانی ئەنفالی ڕژێمی بەعسییان، هێرشیان کردە سەر شاری #هەولێر# و لە دەستی هێزەکانی #یەکێتیی نیشتمانیی کوردستان#یانیان سەندەوە، لەم هێرشەدا داگیرکەر چەندین ماڵ و بنکەی ئۆپۆزسیۆنی #ئێڕاق#یی ڕووخاند و نزیکەی 100 کەسیشی لێ کوشتن، لە ئەنجامدا شارەکەیان گرت و هێزەکانی یەکێتیی نیشتمانیی کوردستان یان لێدەکرد. سەرچاوەکان وا ڕادەگەیەنن کە 45 هەزار سەرباز و 300 تانک و 200 تۆپی قورس لەو هێرشەدا بەشداریی کردووە.[1]
- تاڵانکردنی سەرجەم مەڵبەندە کوردییەکانی شاری هەولێر لەلایەن د.ق، هەروەها دزینی هەرچی کۆمپیوتەرەکانی ئەو شارە هەیە.[2]
- گیرانی #فوئاد مەعسوم#ی ئەندامی سەرکردایەتیی یەکێتیی نیشتمانیی کوردستان و چەند لێپرسراوێکی بەرزی تریان لەلایەن هێزەکانی پارتی دیموکراتی کوردستان.[4][5]
$دەرەوەی کوردستان$
- بەبۆنەی چوونەناوەوەی هێزەکانی ئێڕاق بۆ نێو هێڵی 36ی پانی، قەیرانێکی ڕامیاریی گەورە لە نێوان ئێڕاق و #نەتەوە یەکگرتووەکان# و ئامریکادا دەستی پێکرد.[3]

ناونیشان: 31 ئاب گۆڤارێکی ڕۆشنبیری سیاسی گشتی یە
ژمارەی 1 - بەفرانباری سالی 2696ی کوردی

ئەم فيلمە دۆکيۆمێنتارييە چەند بەڵگەيەک لەخۆدەگرێت کە دەيسەلمێنێ بۆچی بارودۆخی 31ی ئابی ساڵی 1996 ڕەخساو، پێويستيی مێژوويی ئه و ڕۆژە چی بوو. [1]

​31ی ئابی شەکرە شار نابێ بەبێ دەنگی تێپەڕبێ.
#ئومێد خۆشناو#
ئەگەر قسە بکەین لەسەر 31ی ئابی وەرچەرخان، بێشک دەبێ باسی 30 ڕۆژەکەی تری مانگی ئابی ساڵی 1996 بکەین، هەڵبەت دەبێ باسیش لە دواڕۆژی مانگی ئاب واتە 31ی ئاب بکەین کە، لە دوای ئەو ڕۆژە چ هات و چی ڕوویدا، واتە 1ی ئەیلوول هەڵاتنی ڕۆژێکی نوێ و تازەی وەرچەرخانەکە بوو.
ئیتر کێ ئامادەیە و دەیەوێ لەسەر ئەو ڕووداوە قسەبکەین من ئامادەم لەگەڵی دیبەیت بکەم.
لای من ڕۆژێکی پیرۆز و مەزن و وەرچەرخانە و دەستی پیلانی بڕی و تا بە ئەمڕۆ دەگەین سوودەکانی 31ی ئاب هەر لە زیادبوونن.
ئەگەر 31ی ئاب نەبا، ئێستا شتێک نەبوو بەناوی قەوارەی سیاسی و دەستووری #هەرێمی کوردستان# و دەستکەوتی خەباتی گەلی کوردستان.
ئەگەر 31 ئاب نەبا ئێستا جڕ و جامشتەکانی وەک حەسەن پلایس و ئاغای مەتەڕی و ڕاکان حاکم بوون.
ئەگەر 31 ئاب نەبا ئێستا #هەولێر# هەر گوندە گەورەکەی جاران دەبوو، نەک شار شەکری ئێستا.
ئیتر دەسکەوتەکانی 31ی ئابی شەکرە شار دەیان و سەدان دەسکەوتن، بەڵام کێ هەیە یەک دەسکەوتی 64 و 66 و 83 و 16ی ئۆکتۆبەری خیانەتکارم پێ بڵی ئەی خەڵکینە... [1]

ڤیدیۆ: بارزانی چۆن بەعسی هێنا و تاڵەبانی بارزانی چۆن باسی 31ی ئاب دەکات؟
ساڵی ئامادەکردنی ڤیدیۆ: 2022
ئامادەکردنی ڤیدیۆ: پەیجی دیپلۆماتیک پرێس لە فەیسبووک. [1]

کاتێک یادی خیانەتی 31ی ئاب دەکەینەوە، بۆچی برادەرانی پارتی ئەوەندە قەڵس دەبن، لەکاتێکدا ئەو ڕۆژە لە مێژووی کورددا بەخیانەتێکی حاشا هەڵنەگر تۆمارکراوە و کەسیش ناتوانێت نکوڵی لێبکات، باشترە پارتی بزانێت یادکردنەوەی ئێمەش بۆ بریندارکردنی لایەنی بەرامبەر نییە بەو خیانەتە، ئەوەندەی بۆ ڕێزگرتنە لە خوێنی ئەو شەهیدانەی کە بەناحەق خوێنیان ڕژاوە و تائێستاش زۆریان تەرمەکانیان نادیارە.
راگەیەندراوەکەی مەکتەبی سیاسی پارتی ئەوە دەردەخات، کە پارتی حکومەتی بەعسی زۆر لە خوێنی شەهیدانی یەکێتی و هاونیشتیمانیانی خۆیان پێ باشترە.
باشترە پارتی و شوێنکەوتەکانیان لەوە تێبگەن یادکردنەوەی خیانەتی 31ی ئاب، بۆ بیرهێنانەوە و دەرس وەرگرتنە بۆ نەوەکانی داهاتوو کە ناکرێت و نابێت لە پێناو دەسەڵات و یەکلایکردنەوەی کێشەی حزبی هەرگیز پەنا بەرین بۆ دوژمنانی گەلەکەمان، چونکە ئەوان دوژمنی گەل و خاکی کوردستانن و خۆیان مەڵاسداوە و هەمیشە باوەشیان کراوەیە بۆ ئەو کەس و لایەنانەی کە ئامادەن گەلەکەمان بفرۆشن.
لە بیریشمان نەچێت ناوچەکە بەگۆرانکاری گەورەدا تێدەپەرێت و بێباک بوون بەرامبەر ئەوەی دەگوزەرێت مەترسی گەورە لەسەر هەرێمەکەمان و چارەنوسی میللەتەکەمان دروستدەکات.
حەق وایە لە یادی ئەم خیانەتە گەورەیەدا بۆ جارێکیش بێت بەرژەوەندی میللەت بخەینە پێش بەرژەوەندیی تەسکی حزبی و بنەماڵەوە، ئەگینا خیانەتکردن و نۆکەری بۆ بێگانە دەبێتە نەریت و بە ڕووداوەکانی ئەم دواییەشەوە ناوەستێتەوە و بەردەوامی دەبێت، کە ئەوەش تەنها لە سوودی ئەو گەلەگورگانەیە کە بە دیارمانەوە وەستاون.
بۆیە تکایە میللەت لەوە زیاتر نیگەران مەکەن، میللەتەکەمان ناچار مەکەن کە بۆ مانەوەی شکۆی خۆی و پاراستنی ئەوەی کە ماوە هەڵوێست وەربگرێت و بە یەکجاری بتانخاتەوە باوەشی گەلەگورگەکان، چونکە هیچ هێز و دەسەڵاتێک ناتوانێت لەبەردەم هێزی گەل خۆی ڕابگرێت.بە هیوای ئەوەی کە خیانەتکاران دەرسیان وەرگرتبێت لەو کارە قێزەونەی کە ئەنجامیانداوە.
دروود بۆ گیانی پاکی هەموو ئەو پێشمەرگە و کادر و هاووڵاتییانەی کە لە 31ی ئابدا به دەستی غەدر شەهید و بێسەروشوێن کران، دروود بۆ سەرجەم شەهیدانی ڕێگای ڕزگاریی و ئازادیی کوردستان.
#لاهور شێخ جەنگی#
هاوسەرۆکی یەکێتیی نیشتیمانیی کوردستان

[1]ڤیدیۆ: پێش 31ی ئاب خەڵکی هەولێر ئۆتۆمبێلەکانیان دەبردە سەربان!
ساڵی ئامادەکردنی ڤیدیۆ: #31-08-2023#
ئامادەکردنی ڤیدیۆ: پەیجی کوردستان 24 لە فەیسبووک. [1]

ناونیشان: جیاوازی لەنێوان 31ی ئاب و 16ی ئۆکتۆبەردا
لە کتێبی (#لە کوردایەتییەوە بۆ دابەشکردنی کوردستان#)
نووسەر د. #فایەق گوڵپی#

ئەوەی یەکێتیی لە 16ی ئۆکتۆبەری 2017دا کردی، لە شێوەدا لە 31ی ئابی 1996 پارتیی دەچوو، بەڵام لە ناوەڕۆک و ئەنجامدا ئەو دوو ڕوداوە جیاوازییان هەیە.
1- لە 31ی ئابدا یەکێتیی تەنگی بە پارتیی هەڵچنیبوو، دەیویست بە هاوکاریی سوپای پاسدارانی ئێران پشتی پارتیی بگرێت و لە حەوزەی شەقڵاوە و حەریردا بیخنکێنێت.
پارتیی داوای هاوکاریی سەربازیی لە حکومەتی عێراق کرد، ئەو حکومەتەی ئەنفال و کیمیابارانی دژی گەلی کورد ئەنجامدابوو.
لە 16ی ئۆکتۆبەردا پارتیی و هەندێک لە بەرپرسانی یەکێتیی، تەنگیان بە باڵی بنەماڵەی مام جەلال و عێراقییەکان هەڵچنیبوو، یەکێتیی داوای هاوکاریی لە هێزە چەکدارەکانی حکومەتی عێراق کرد، بۆ ئەوەی پارتیی لە #کەرکووک# دەرپەڕێنێت، هیێزی چەکداریی ئەو حکومەتەی کۆنترۆڵی کەرکووکی کرد، هێزی ئەو حکومەتە بوو کە ڕژێمی ئەنفالی ڕوخاند. ئەو حکومەتە یەکێتیی و پارتیی و حیزبە عێراقییەکانی دوای سەدام پێکیانهینا، سەرۆکی عێراقی فیدراڵ کورد بوو، جێگری سەرۆکی پەرلەمان کورد بوو، چەندیین وەزیری کورد لەو حکومەتەی عێراقدا پۆستیان هەبوو. چەندیین فەرماندەی سوپای عێراق و حەشدی شەعبیی کە بەشداریی هێرشەکەیانکرد کورد بوون.
2- 31ی ئاب دژی بڕیاری 688ی ئەنجومەنی ئاسایشی نەتەوە یەکگرتووەکان بوو کە بۆ پاراستنی گەلی کورد دەرکرابوو، دژی سیاسەتی ئەمریکا و هاوپەیمانە نێودەوڵەتییەکان بوو کە دوژمنی ڕژێمی سەدام بوون. 16ی ئۆکتۆبەر دژی دەستووری عێراق و بڕیاری 688 نەبوو، دژی سیاسەتی ئەمریکا و هاوپەیمانی دژی داعش نەبوو، ئەمریکا گڵۆپی سەوزی بۆ سوپای عێراق و حەشدی شەعبیی هەڵکرد هەتا دەست بەسەر سنووری مادەی 140 دەستووری عێراقدا بگرنەوە.
3- لە 31ی ئابدا سوپای عێراق بۆ ماوەی چەند ڕۆژێک لە هەولێر مایەوە، دوای ئەوە چۆڵیکرد و ڕادەستی پارتیی کرد، یەکێتیی لە هەولێر پاشەکشەیکرد و پارتیی کۆنترۆڵی هەولێری کردەوە.
یەکێتیی لە هەولێر دەرکرا و دەسەڵاتی لەو دەڤەرە نەما. لەو کاتەوە پارتیی دەستی بەسەر هەولێردا گرتووەتەوە. لە 16ی ئۆکتۆبەردا یەکێتیی لە کەرکووک دەرکرا، سوپای عێراق لە کەرکووک مایەوە، حکومەتی عێراقی فیدراڵیی دەستی بەسەر کەرکووکدا گرتەوە، حکومەتی عێراق کەرکووکی ڕادەستی یەکێتی نەکردەوە، یەکێتیی کەرکووکی لەدەستچوو.
4- لە ڕووی ئەنجامەوە 31ی ئاب و 16ی ئۆکتۆبەر بۆ یەکێتیی وەکو یەک بوون، لەبەرئەوەی لە هەردوو پرۆسەکەدا یەکێتیی هەولێر و کەرکووکی لەدەستچوو، بەڵام پارتیی لە هەردوو شەڕەکەدا وەکو حیزب قازانجیکرد، هەولێری دەستکەوتەوە، ڕکابەرەکەیشی لە کەرکووک دەرکرا.
5- دوای 31ی ئاب مەسعود بەرزانیی سەرۆکی پارتیی، لە کۆبوونەوەیەکی پەرلەماندا بەرپرسارێتیی بانگکردنی سوپای عێراقی لەئەستۆگرت، هۆکاری ئەو هەنگاوەی ڕونکردەوە. دوای 16ی ئۆکتۆبەر هەندێک لە بەرپرسانی یەکێتیی دەڵین ئەگەر لەگەڵ سوپای عێراق و حەشدی شەعبییدا شەڕمان بکردایە، خەڵکی کەرکووک زیانێکی گەورەی دەکرد و کۆمەڵکوژ دەکرا. [1]

#سەعدی ئەحمەد پیرە# ئەندامی مەکتەبی سیاسی #یەکێتیی نیشتمانیی کوردستان# ڕایگەیاند، #پارتی دیموکراتی کوردستان# کە باسی 16 ئۆکتۆبەر دەکات وا دەزانێت 31ی ئاب هیچ نەبووە، ئەمانە هەمووی قسەی بێکەڵکن.
قسەکانی سەعدی ئەحمەد پیرە لەمیانی لێدوانێکی ڕۆژنامەوانی بوو، کە باسی لەوەش کرد، ئەگەر #کەرکووک# بە شەڕ بگیرێت هەوڵدەدەین بە شەڕ وەریبگرینەوە، بەڵام بە هەڵبژاردن بیدۆڕێنین زۆر خراپ بەسەر کورد دەشکێتەوە.
سەعدی ئەحمەد پیرە ڕاشیگەیاند، یەکێتی و پارتی لە پێکهێنانی حکومەت و پەڕڵەمانیش بە یەکەوەن و ئێستا ڕێکەوتی #28-08-2023# بەرەو هەڵبژاردنی ئەنجوومەنی پارێزگاکان دەڕۆن، بۆیە بە قسەی بەرپرسێک مانای ئەوە نییە، کە نەتوانین بە یەکەوە بین.
سەعدی پیرە لەبارەی مووچەشەوە ڕایگەیاند، کێشەی مووچە چارەسەر دەبێت، بە ئاسایی وەریبگرن پەیوەندییەکانی نێوان هەرێم و بەغدا لەسەر بنەمای بودجەیە و هەموو شتێک چارەسەر دەبێت. [1]

لیوا شەفیق چاوشین شایەتحاڵێکی ڕووداوەکانی خیانەتی 31ی ئاب-ە و باس لە ڕۆژی ئەو خیانەتە گەورە دەکات و ڕایدەگەیەنێت، لە ڕۆژی 31ی ئاب دا پارتی چاوساغی هێزەکەی ئێراق بوو، پارتی دەستی ڕژێمێکی گرت کە چەندین تاوانی بەرانبەر کورد ئەنجامدابوو، تەنانەت پارتی ئەنفالکراوانی بارزانییەکانیشی لەبەرچاو نەبوو.

لیوا شەفیق چاوشین کە خۆی شایەتحاڵێکی ڕووداوەکانی خیانەتەکەی 31ی ئاب بووە و پێشمەرگەی یەکێتیی نیشتمانیی کوردستان بووە، لەوکاتەدا بەرگری لە هەولێر کردووە، لە چاوپێکەوتنێکدا دەڵێت: پارتی لە خیانەتی 31ی ئاب دا، دەستی ڕژێمێکی گرت و هێنایەوە بۆ هەولێر کە کورد لەسەر دەستی ئەو ڕژێمە کیمیاباران و ئەنفال و دەربەدەری و ماڵ کاولی زۆری بینیوە، تەنانەت پارتی ئەنفالکراوانی بارزانییەکانیشی لەبەرچاو نەبوو، ئەگەر خوێنی بارزانییەکانی لەبەرچاو بووایە، ئەو خیانەتەی نەدەکرد.

پێشمەرگەکانی یەکێتی بە هەندێک چەکی کۆن و لاوازی وەک ڕاجیمە و ئاربیجی توانیان ماوەی چوار دەمژمێر زیاتر تانکەکانی ڕژێمی بەعس ڕاگرن، بەڵام بەهۆی ئەو ژمارە زۆرە تانکەی ڕژێمی بەعس کە جامانە سووری بەسەرەوەبوو، شەڕەکە نابەرانبەر بوو، بۆیە هێزەکانی پێشمەرگە بڕیاری کشانەوەیان دا، لیوا شەفیق وادەڵێت.

دەشڵێت: 31ی ئاب خیانەتێکی مێژووییە، پارتی چاوساغی هێزەکەی ئێراق بوو، ئەگەر پارتی نەبووایە هێزەکەی ئێراق شارەزای ناوچەکە نەبوو، هەروەها لە ڕۆژی ئەو خیانەتە گەورەدا سەربازە ئێراقییەکان بە دەبابەوە هاتنە ناو بینای پەڕڵەمان، ئەو پەڕڵەمانەی بە خوێنی هەزاران شەهید هاتبووە کایەوە، هەروەها ئاڵای کوردستانیان داگرت و ئاڵای ئێراقیان لەجێگەی دانا.[1]