دەزگەھا خێرخوازیا بارزانی ئیرۆ #07-04-2026#ێ، د داخویانیەکێ دە راگھاند کو ئەو بەرپرسیاریا ھەموو لێچوون و پێدڤیێن ژیانێ یێن دو زارۆکێن سێوی (مەلین و دلین) یێن کو دایک و بابێ وان د ئێرشەکا درۆنی دە ل گوندێ زەرگەزەوی شەھید ببوون، دگرە سەر خوە.
پشتی شەھیدبوونا ھەڤژینێن ب ناڤێن #مووسا ئەنوەر ڕەسوڵ# و #مژدە ئەسعەد حەسەن# د ئەنجاما ئێرشەکا درۆنی دە ل پارێزگەھا ھەولێرێ، ھەر دو زارۆکێن وان مەلین و دلین بێ دایک و باب مان. دەزگەھا خێرخوازی یا بارزانی وەکی ئەرکەکی مرۆڤی و نەتەوەیی راگھاند کو ئەڤ ھەر دو زارۆک ب ئاوایەکی ماییندە د پرۆژەیا “عەزیزان” دە (کو تایبەتە ب خوەدیکرنا سێویان) ھاتنە وەرگرتن.
دەزگەھا بارزانی ژ بۆ دابینکرنا پاشەرۆژەکا ئارام ژ بۆ ڤان ھەر دو زارۆکان، ئەڤ بریارێن ل ژێر دان:
– دەزگەھ دێ ھەموو خەرجی و پێدڤیێن رۆژانەیێن خوەدیکرنا وان بگرە سەر ملێ خوە.
– ھەموو لێچوونێن خوەندن و تەندورستیێ یێن ھەر دو زارۆکان دێ وەرن دابینکرن ھەتا کو ئەو دگھیژن تەمەنێ سەربخوەبوونێ.
-مەلین و دلین دێ د بن چاڤدێریا ماییندەیا ڤێ پرۆژەیێ دە بن دا کو چ هەستێ تەنێتیێ نەکن.
د داویا داخویانیا خوە دە، دەزگەھا خێرخوازی یا بارزانی ئێرشا ل گوندێ زەرگەزەوی شەرمەزار کر و تەکەز کر کو ئەو دێ ھەر تم وەکی سیوانەکا میھرەبان ل جەم لێقەومیان بن. دەزگەھێ راگھاند: “ئەم ناھێلین زارۆکێن ڤی نشتمانی پشتی ونداکرنا دایک و بابێ خوە، هەستێ تەنێتیێ و بێدەرەتانیێ بکن.” [1] [2]
$تێبینی:$ بابەت ب ژێدەرێ ئاماژە پێکری هاتیە نڤیساندن و کوردیپێدیا توو دەستکارییەک نەکرییە.
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (کرمانجی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئەم بابەتە 25 جار بینراوە
ڕای خۆت دەربارەی ئەم بابەتە بنووسە!