کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی پەڼج سەڎ و سېڼزەهەمە
* تاریخو (22-03-1995ز.) تەلەفزیۊنی هۊڵەندی دەمئەژمار (23:30) کە باسو هۊتەرەکې تورکیای مەکەرې، چەکدارې جامانە سوورې پارتیش نیشانە دێ، کە چەنی ژەندرمە تورکا دلې شارو زاخۊینە مەسووڕیېنێ.
* تاریخو (23-03-1995ز.) بە دەسۋستەی وەڵې کۊمیتەو ئاشتی و پەشتگیری نیشتیمانی کورڎەسانی و هامکاری ئۊرگانو فینلاندی پەشتگیری کوردی و جەمێ هاموەلاتیا کورڎەسانی، ڕاپیمایێ دژو ئامای دلې داگیرکاری ترکی پەی پانیشتو کورڎەسانی جە شارو هیلیسینکی وەردەمو باڵیۊزو تورکیاینە ڕېکۋزیا.
* تاریخو (24-03-1995ز.) کۊنگرەو نیشتیمانی کوردی جە ئەمەریکا کۆنفرانسێش بەست، پەی چەنەکۊڵیای جە جەنگی براکوشی، کە میانو پارتە کورڎەسانیەکانو پانیشتو کورڎەسانینە گەرم بې.
* تاریخو (25-03-1995ز.) ئارۊ، ششەمین ڕۊ هۊتەرەکې تورکیاینە و ماچان (25) ویس و پەڼج بنکې پەکەکەیشا کاولې کەردېنې و (168) پېشمەرگېشان کوشتېنې.
* تاریخو (26-03-1995ز.) کۊمەڵەو هامکاری جە ئەڵمانیا، نامێوە ناڕەزاییەش پەی مەکتەبی سیاسی یەکیەتی نیشتیمانی کورڎەسانی کیاستە، جە بارەو ژەنتەی بەرەو ڕادوینو حېزبو دیموکراتو کوردەسانو ئېرانی.
* تاریخو (27-03-1995ز.) دەسگېرتەی سەرەرەو باڵەخانەو پەرلەمانو پانیشیو کورڎەسانی جە شارو هۆلېری بە دەسو هېزەکانو یەکیەتی نیشتیمانی کورڎەسانی جە گەرمەو جەنگی براکوشینە.
* تاریخو (28-03-1995ز.) ئیقباڵ حاجی، وەرپەرسو ڕېکوزیاو هونەرکارانو بەهرەدارا کورڎەسانی، نامێوەش ئاراسەو سکرتېرو نەتەوە یۊگېرتەکا کەردە پەی ئانەی کیانیاو وېش بکیانۊ پەی یەرەمین کۊنگرەی نیشتیمانی کورڎەسانی.
* تاریخو (31-03-1995ز.) دەزگای کەلتوری و ڕۊشنویری کوردی جە دانیمارک، نامێوەش ئاراسەو سەرکۊمارو فینلاندی کەردە، پەی ئانەی ڕا بڎان کۊنگرەی نیشتیمانی کورڎەسانی چاگە ببەسیۊن، هەم نامێوەشان ئاراسەو سکرتېرو نەتەوەیۊگېرتەکا کەردە پەی ئانەی کیانیێوە وېش بکیانۊ پەی کۊنگرەی.
* تاریخو (00-04-1995ز.) مەرزنارەی کۊنگرەو گەلو کورڎەسانی جە لەندەن.
* تاریخو (02-04-1995ز.) سەرەبڕیەی (7) حۆت هیتیارە هەژارا پانیشتو کورڎەسانی بە دەسو جەندرمەکانو ترکی، کە خەڵکو دەگاو (چیی) ناوچەو دۆسکی بېنې و دلې دەگاو (مەیدانێکی ڕێوی) نزیک بە سەرسەنگی هەرمانە مەکەرېنې.
* تاریخو (03-04-1995ز.) ئەڵمانیا ناڕەزایی وېش وەراوەر هۊتەرەکې ترکی پەی سەرو کوردی نیشانە دا.
* کۊمەڵەو هامکاری جە ئەڵمانیا، نامێوە ناڕەزاییەش بە کوردی و ترکی سەرو هۊتەرەکې ترکی پەی سەرو کورڎەسانی وەڵاکەردۆ.
* تاریخو (07-04-1995ز.) سۊچنای مزگی و مەڵبەڼو ڕۊشنویری ترکی دلې شارو هێنگلۆی هۊڵەندینە.
* تاریخو (07-04-1995ز.) کۊمەڵەو هامکاری جە ئەڵمانیا، نامێوەش پەی هېڵمەت کۊڵی و کلاوس کینگڵی جە بارەو هۊتەرې ترکی پەی سەرو سەرنیشتو کورڎەسانی کیاستە.
* تاریخو (08-04-1995ز.) ئارۊ یەکەمین دەسەو ئا (35) هەزار سەربازە ترکە کە هۊتەرېشا کەردېبې سەرو پانیشتو کورڎەسانی کېشیێوە.
* تاریخو (10-04-1995ز.) مەسعود بەرزانی پانەی ڕازی بی کە ترکیا دەسەڵاتو وېش سەرو ناوچە سنووریەکارە بسەپنۊ.
* تاریخو (11-04-1995ز.) شالیارو بەرو هۊڵەندای (فان میرلۆ) ئانەش یاونا، کە دلې دەسورو هۊڵەنداینە، ئانە ئامان کە گلېربیەیۆ و نیشاندای ویروباوەڕی ئازاڎەن و ئېمە نمەتاومېن ڕا جە کوردی بگېرمېن پەی بانگدای پەرلەمانەکەیشان سەرو خاکو هۊڵەندای.
* تاریخو (11-04-1995ز.) دەنگوباسو بانگدای پەرلەمانو سەرنیشتو کورڎەسانی کۆتەرە، کە مەشیێ جە برۊکسڵ پایتەختو بەلجیکای بانگش دریێ، بەڵام وەرو ناڕەزایی بەلجیکی فاڕیاوە پەی شارو (لاهای _ دەنهاخی)، پایتەختو هۊڵەندای.
* تاریخو (12-04-1995ز.)، تورکیا باڵیۊزو وېش جە دەنهاخ، پایتەختو هۊڵەندای چڕییۆ پېسە ناڕەزایێ دژو بانگدای پەی پەرلەمانو سەرنیشتو کورڎەسانی سەرو خاکو هۊڵەندای.
بەشێ جە کتېبو هاوڕێنامەی، نویستەی #هاوڕێ باخەوان#، هۊرگېڵنای پەی سەرو زوانی هۆرامی: #ئەسعەد ڕەشید#. [1]