کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی پەڼج سەڎ و دواڼزەهەمە
* تاریخو (17-03-1995ز.) ئارۊ و سەوای، کوردەکې ئەڵمانیای بە مۆلۆتۆڤ هۊتەرەشان کەردە سەرو مزگی و بنکێ ڕۊشنویری و بازرگانی تورکی، پەرلەمانو ئەڵمانییای بڕیارێ خراپەش دژو ئا کوردا بەرەکەردە: پانەی کە کوردەکا ڕەوانەو ترکیای بکەرۊوە.
* تاریخو (18-03-1995ز.) یەکیەتی نیشتیمانی کورڎەسانی ئېزگەو دەنگو حېزبو دیموکراتو کوردەسانو ئېرانیش بە فیتو ڕژېمو ئېرانی جە شارو کۊیەی وستەرە.
* تاریخو (18-03-1995ز.) دلې هۊڵو بارەگاو مدرگاو ئاشتی جە هێلسنکی، بە یاڎو حۆتەمین ساڵڕۊ کارەساتو هەڵەبجەی نیشتەرێ ماتەمینی بە سەرپەرەشتی کۊمیتەو ئاشتی و پەشتگیری نیشتیمانی کورڎەسانی سازیا، دلېشەنە کۊمەڵێ کوردې و دۊسانو فینلاندی ئاماڎې بېنې.
* تاریخو (18-03-1995ز.) پەی یاڎو هەڵەبجەی، تاتەو تارێ جە سوید کۊنیشتێش سەرو چەکی کیمیایی سازنا، دلېشەنە باسش جە کاریگەریەکانو چەکی کیمیایی و زەرەرو ئا چەکەیە دلې شارو هەڵەبجەینەو ناوچە کیمیاوارانەکانو تەرو کورڎەسانینە باس کەرد.
* تاریخو (20-03-1995ز.) ئارۊ، (35) سی و پەڼج هەزار سەربازې تورکی بە پاڵپەشتی تانک و باڵەپڕا بە درېژایی (120) کیلۊمەترا و بە قووڵایی (40) کیلۊمەترا، هۊتەرەشان کەردە سەرو پانیشتو کورڎەسانی پەی دایوەنەی بنکەکانو پارتو کرېکارانو کورڎەسانی پەکەکە، کە نزیکەو یەرې هەزار پېشمەرگېشا چا ناوچەنە بېنې و پارتە کورڎەسانییەکې پانیشتی ناڕەزایی وېشان پانەی نیشانەدا کە ئانە دژو سەروەری خاکو ئېراقییەن.
* تاریخو (21-03-1995ز.) کلینتۆن، سەرکۊمارو ئەمەریکای بە تەلەفون قسېش چەنی تانسۆ چیلەرې کەردې و پەنەش واتە: کە ئا هۊتەرې هەرمانێ عالەنە و دژو تیرورزمینە، بەڵام تکاتان وەنەکەرون ژیوای مەدەنی و ئاوارە کوردەکانو ئېراقی بپارېزندې.
* تاریخو (21-03-1995ز.) کەی. ئێن، سی، ئی هۊتەرې تورکیش تۊمەتبارە کەردەو پارتو دیموکراتو کورڎەسانیچ ماچۊ تورکیا ئېمەش ئاگادارې نەکەردېنمێ و ئېمە ناڕازیېنمې. یەکیەتی نیشتیمانی کورڎەسانیچ ناڕەزایی وېش پەی ئا هۊتەرې نیشانە دا.
* تاریخو (21-03-1995ز.) حۆتێوەن هەر پەلامارەو بۊمبای ئاییرین پەی سەرو ئەرەمەرزیاکانو ترکی جە هەر چواردە ویلایەتەکانو ئەڵمانیای سەرەمڕەن و پەکەکەیچ وەرپەرسیاری وېش ئەچا پەلامارا نیشانە نەڎان.
* تاریخو (21-03-1995ز.) پەی یەکەم جاری تاریخەنە، کوردەکې تاواشان دلې شارو جنێڤو سویسرای، دلې هۊڵو کۊشکەو نەتەوەیۊگېرتەکانە، ئاهەنگەو نەورۊزی بگېڵنان، ئەچا ئاهەڼگەنە گەلێ کیانیاکانو دۊڵەتانو دۊسانو کوردی و هەرمانبەدەسانو مافو مروڤی و کیانیاو گەلانو یۊگېرتەیچ ئاماڎې بېنې، داگیرکارانو کورڎەسانی، گەلێ حۆلېشا دێ کە ئاهەنگەکە چاگە نەکریۊ، بەلام حۆلې و تەقەلێکېشا دەردەشا نەواردە.
* تاریخو (21-03-1995ز.) ئەچی ڕۊ نەورۊزینە، تورکیا هەر سەرو هۊتەرەکې وېش سەرەمڕەن و (200) دوەسەڎ کەسېشان کوشتېنې و نەتەوە یۊگېرتەکې بە تورکیایشان واتەن کە مەشۊم ئەچا هۊتەرانە جیاوازی میانو چەکدارانو پەکەکەی و خەڵکی بېدیفاعی بکریۊن. باڵەپڕې تورکی دەگاو پڵنگانی ناوچەو ڕانیەیش بۊمباواران کەردەو کناچێ پەڼج ساڵېش کوشتە و ئا کوردې کە جە سەرنیشتۆ ڕەمێبېنې پەی پانیشتی، سوپاو ترکی بە قۊڵبەسی کیاستێ پەی تورکیای.
* تاریخو (22-03-1995ز.) هۊتەرەکې تورکیای ئارۊچ هەر سەرەمڕېنە و یەرې ڕوېن باڵەپڕې تورکیای خاکو کورڎەسانی مەوېچان. ئەچی یەرە ڕوەنە باڵەپرەکې هامپێمانا دیڎەوانی وېشان پەی سەرو هەرېمو هېڵەو (36) مدرنێنە.
* تاریخو (22-03-1995ز.) ئەمەریکا ماچۊ کە هۊتەرې تورکیای پەی سەرو کوردی بەزنای یاسای بەین نەتەوەیی نییەن، واتا پەشتگیریش چەنەکەرد.
* تاریخو (22-03-1995ز.) نەتەوەیۊگېرتەکې واتشان: ئی هۊتەرې تورکی یاردیەکېش پەی سەرو هەرېمو (36) پەکې وستېنې.
بەشێ جە کتېبو هاوڕێنامەی، نویستەی #هاوڕێ باخەوان#، هۊرگېڵنای پەی سەرو زوانی هۆرامی: #ئەسعەد ڕەشید#. [1]