چن وانێ جە گوڵزارو ئەدەبیاتی
ئەڵقې دوەمە
ئی چنڎ وانیٛمە جە کتیٛبو (گوڵزارو ئەدەبیاتی)ینە هوٛر گرتیٛ، کە ئیٛژا م ابراهیم میکە علی هوٛرگیٛڵنان پەی زوانی هۆرامی.
ڕازەو:بنیاڎم بە چیٛش زینڎەن؟
* پەیم بەرکۆت خوڎا چنڎ بەڕەحما چەنی ئانزانەکاو جە وەخت وگوناح و بیٛ ئەمریشانە گوٛرج نمەگیٛروٛشا وەنەو (عیقاب)شا نمەڎوٛنەو عەمریٛو فرسەتشا پەنە مبەخشوٛنە تا بگیٛڵاوەو دڎان بنیا غەڵەت و ویٛشارەو ویٛشا شیاو غەزەبو خوڎای نەکەرا، چوون ئا فرسەتە فرەشە هەکە بە ئانزانیش بەخشان بە (ملائکە ) فریشتەکاش نەبەخشانو ئەر بیٛ ئەمریشا کەردەبوٛ گوٛرج (عیقاب)ش دێنیٛ پیٛسەو (ابلیس)ی کە قسیٛ خوڎایش ماڕاو سوجدەش پەی ئاڎەمی نەبەرد، پیٛسەو مکایلی کە چی ڕازیٛنە هەن بیٛ ئەمری خوڎایش کەردو گیانو ئا ژەنیٛشە نەکیٛشت هەکە خوڎای ئەمرە پەنە کەردەبیٛ، چوون ویٛش جە خوڎای بە ڕەحمتەر زانیٛ.
* ئەگەرەکەتی ئانزان جە وەختو بیٛ بیٛ هاگایی و گوناح کەردەینە خوڎای گیٛرتێ وەنە ئانە کەس بەهەشتی بە چەمیٛ نەوینیٛ.
* ڕاسی ئا قسیٛمە پەی بەرکۆت هەکە ماچوٛ: پەشتەو گرد پیێوی سەرکۆتەیۆ ژەنیٛوەی سەرکۆتی هەنە، پیٛسەو ژەنەکیٛ (سیمون)ی
*ژەنی ئەر گوٛشیٛ دڵیٛش بکەروٛوە میاوٛوٛنە چانەی پیاکەش پەنەوازیش بە ژەنیٛ هەن پەی سەرکۆتەیش ملوٛ سەختیەکاو ژیوایرە.
*ئانزان بەزەییش بوٛنە خوڎا فریشتڵیٛ مکەروٛ میٛمانش پیٛسەو بەزەیەکیٛ سیمونی پەی مکایلی.
*ڕاسی ئا قسیٛمە پەی بەرکۆت هەکە ماچوٛ: ئانەی لاو بەنڎەیۆ خیاڵا، لاو خوڎایۆ بەتاڵا، پیٛسەو خەیاڵەکەو کابرا دوٛڵەمەنەکەی هەکە شەرتەش ئانیٛ بیٛ چەنی (سیمونی و مکایلی) پاڵا ورازی واچی پاشەرتە پاڵاکیٛم بەشو ساڵیوی بکەرا، بیٛ خیاڵ چانە ئاڕوٛوە ئاخر ڕوٛ ژیوایش بیٛ.
*ئەگەرەکەتی ڕەحم نەبوٛ وەشەسیای نیا وەشەسیای نەبوٛ پیٛوەرە ژیوای نیا پیٛوەرەژیوای نەبوٛ ئاشتی نیا ئاشتی نەبوٛ ژیوای نیا، پیٛسەو ڕەحمەکەو سیمونی و ژەنەکیٛش پەی مکایلی، پیٛسەو ڕەحم و ئا ژەنیٛ هەکە دووە کناچڵە ئەڎا مەردیٛ و تاتاتە مەردە دوانەکەش گیٛرتیٛ ویٛو وەیش کەردیٛ.
شەوقی عەلی شەیدا. [1]