Nav û Paşnav: Zeyna Kaya
Nasnav: Rojîn Rojhat
Cihê Jidayikbûnê: #Şirnex#
Navê Dê-Bav: Vahîde – Mustafa
Dîrok û Cihê Şehadetê: #10-04-2018# / Xakurkê

ROJÎN ROJHAT
Hevrêya me Rojîn li navçeya Elkê ya Şirnexê, di nav malbateke ji eşîra Mamxuran de hate dinê. Ji ber hişmendiya kûr a malbata wê ya bi Kurdînî, bi girêdayîbûna xwe ya bi kokên xwe mezin bû. Bi taybetmendiyên çandî yên kevnar ên Botanê hate perwerdekirin, neçûyîna dibistanên dewleta Tirk ji bo xwe weke şanseke mezin û avantajek nirxand. Bi vî awayî ji amûrên asîmîlasyonê yên herî bi bandor ên dewleta Tirk nehat bandorkirin û bi nirxên ku wê afirandine mezin bû. Ji ber ku herêma wê yek ji qadên herî bi bandor ên Têkoşîna Gerîlayên Azadiya Kurdistanê bû, ji temenê biçûk ve gerîla nas kir. Ji ber polîtîkaya qirkirinê ya li ser gelê me û qirkirinên bêhejmar ên dewleta Tirk a ku xwest gelê me bitepisîne, bandor bû û tevlîbûna refên gerîla ji xwe re kir armanceke herî mezin.
Ji tevlîbûna gelek kesên ji derdora wê ya nêzîk jî bandor bû û bi awayekî gelekî bêsebir li benda roja tevlîbûna refên gerîla bû. Ji serdema ciwaniya xwe ve rastiya têkoşîna me nêzîktir nas kir, hewl da ku xwe li ser bingeha felsefeya jiyana Apoyî bi pêş bixe. Bi gerîlayên ku dît re nîqaşên vê kir, xwest jiyana gerîla ya ku li ser felsefeya Apoyî hatiye teşekirin bi hemû hûrguliyên wê têbigihîje. Ji aliyekî ve di vê lêgerîn û kûrbûnê de bû, ji aliyê din ve ji helwest, fedakarî û kesayetiya jidil ya gerîlayên ku bi wê re têkildar bûn bandor bû. Her wiha di pêvajoya şerê giran de, hesta tolhildana gerîlayên şehîd rakirin roj bi roj mezintir kir û xwedî wê têgihiştinê bû ku divê bi hişmendiyeke rast nêzîkî şehadetan bibe. Dizaniya ku ev jî bi domandina têkoşîna şehîdan a nîvcomayî û zindîkirina bîranîna wan a hêja re pêkan e. Li ser vê bingehê, fêm kir ku dem hatiye ku kûrbûnên xwe bigihîne encamekê, bi girêdayîbûna xwe ya bi xeyala xwe ya zarokatiyê, bi biryardariyeke mezin tevlî refên gerîla bû.
Di sala 2013’an de ji herêma Kato Jîrka tevlî refên gerîla bû, perwerdeyên xwe yên ewil li vir wergirt. Ji gerîlayên ku li vir nas kir gelek ceribandinên jiyanî û rêxistinî bi dest xist, bi jêhatîbûnê ev ceribandin di jiyanê de bi cih anî. Rastiya têkoşîna hevrêya me Şehîd Rojîn Gewda – Sureyya Aslan hîn bû, wê di her warî de ji xwe re kir mînak. Bi taybetî ji serkeftinên wê yên di hunera fermandariyê de bandor bû û li ser vê mijarê kûr bû. Bi vî awayî ji rojên ewil ên gerîlatiya xwe ve, bi helwest û biryardariyeke ku li gorî mîsyona pêşengiyê ya YJA Starê ye gihîşt asteke bilind.
Paşê derbasî Herêmên Parastinê yên Medyayê bû, li herêma Xakurkê tevlî perwerdeya şervanên nû bû. Bi saya ceribandinên ku li Bakurê Kurdistanê bi dest xistibû, di pêvajoya perwerdeyê de zorî nekişand, bi xwestekek mezin tevlî hemû perwerdeyan bû. Her çendî berê neçûbû dibistanê jî, di nav hawîrdora PKK’ê de xwe bi pêş xist û ev pêşketin domiya. Bi dersên dîroka Kurdistanê, dîroka jinê û dîroka partiyê re kete pêvajoyeke kûrbûnê ya kûr, ji van dersan ceribandinên mezin derxist. Her tiştê ku hîn bû di kesayetiya xwe de hewand, û kete pêvajoyeke guherîn û veguhêrînê. Her wiha bi hesasiyet û baldariyeke mezin nêzî dersên leşkerî bû, gelek taktîkên gerîla hîn bû. Di tevahiya pêvajoya perwerdeyê de bi fedakarî û kesayetiya xwe ya kedkar derkete pêş, bi van taybetmendiyan bû gerîlayeke YJA Starê ku ji aliyê hevalên xwe ve hate mînakgirtin.
Piştî qedandina perwerdeya xwe, dîsa li herêma Xakurkê tevlî xebatan bû û wê tempoya têkoşîna xwe hîn mezintir kir. Dilê wê her tim li gel gelê me yê li Rojava û Şengalê ku li dijî çeteyan ber xwe dida bû, xwest her tim li gel gelê xwe û di eniyên berxwedanê de cih bigire. Lê belê ji sala 2015’an û şûn de, li hemberî konsepta êrîşê ya topyekûn a dewleta Tirk a li ser gelê Kurd, bi biryardariyeke mezin têkoşîna xwe li qada xwe mezintir kir. Ji bo vê yekê, bi têgihiştina ku divê di taktîkên şer ên gerîla de pispor bibe, careke din tevlî pêvajoya perwerdeyê bû.
Bi girêdayîbûna xwe ya bi armanca xwe, bi coş, heyecan û xwesteke mezin tevlî vê perwerdeyê bû, di gelek taktîkan de pispor bû. Her wiha bi dersên îdeolojîk ên ku wergirt, kêmasiyên xwe yên di xebatên pratîk de fêm kir, van yek bi yek derbas kir û encameke mûcîzeyî bi dest xist. Di pêvajoya şerê herî giran de, ji bo derbasbûna eniyên pêş bi israr bû, bi helwesta xwe û tevlîbûna xwe ya çalak, bawerî da hevalên xwe û gihîşt armanca xwe. Hevrêya me ku di têkoşîna me de keda wê ya mezin hebû, bi rêhevaliya xwe ya bi hêz vê yekê xurt kir, nîşan da ku ew mîlîtaneke bêwestan a xeta jina azad e. Hevrêya me Rojîn ku xwest prensîbên jina azad di kesayetiya xwe de temsîl bike û xwedî jiyaneke li gorî vê yekê be, bi pratîka xwe ya bi hêz ev armanca xwe bi temamî bi cih anî.
Di 10’ê Nîsana 2018’an de, di êrîşa dijmin de gihîşt şehadetê. Hevrêya me Rojîn; weke berendamekî fermandariyê, ku pêşerojeke wê ya serkeftî hebû, bi girêdayîbûna xwe ya bêhempa ya bi nirxên azadiyê, bi kesayetiya xwe ya dilsoz û rast, her tim di têkoşîna me de zindî dimîne. Weke hevalên wê, em careke din soza xwe ya Azadiya Rêbertiya Azad û Kurdistana Azad dubare dikin. [1]