کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و نەوەڎ و هەشتەمە
* تاریخو (00-04-1994ز.) زانای کورد پروفیسۊر ئازاد خانەقا دنیای زانستیەش بە ئاردەرەیێ تازە لەرزنا، کە ئاڎیچ بەرهەمئاردەی دۊمەڵانی بە تەرزێ نیای وېڕەس (دەسکەرد)، ئی هەرمانې وەرو ئېژایش (875) ڕۊنامە جەهانیا و چڼیین کەناڵە تەلەفزیۊنا باس کەدە.
* تاریخو (00-04-1994ز.) غازی زېباری، جیاتی کەریم سنجاری کریا بە وەرپەرسی گردینو ئاساییشو کورڎەسانی.
* تاریخو (00-04-1994ز.) جە ئەڵمانیا (13) سېڼزە کوردې دریێ داڎگا، بە تۊمەتو گېرتەی قونسوڵخانەو ترکی دلې شارو میونیخی.
* تاریخو (00-04-1994ز.) داگیرکاری ئېراقی، کیاستەی سوتەمەنیش پەی پانیشتو کورڎەسانی مدرنا، کە پانەیچە قیمەتو لیترێ بەنزینی جە (2) دینارېوە یاوا (15) دینارې.
* تاریخو (03-04-1994ز.) داگیرکاری ترکی، جە ئارۊوە ڕوانە (20) مێگاواتې کارەباش بە پانیشتو کورڎەسانی بەخشا، پېسە یاردی مرۊیی.
* تاریخو (03-04-1994ز.) کوشیای خاتو لیسی شمیتې، چەنی پارېزنەکەیش (پاسەبان)، نزیک بە شارەکڵەو عەربەتې، کە ژەنێ ئەڵمانییە بې و کیانیێ ئاژانسو دەنگوباسو فەڕەنسای بې. تۊمەتبارې ئا هەرمانې ئینې بېنې: زەکیە سەعید عەباس و ئیسماعیل حەمە.
* تاریخو (07-04-1994ز.) کڵېساو سلېمانی، قوداسێ ماتەمینیش بە بۊنەو کوشیای خاتو لیسی شمێتېوە ئاماڎە کەرد.
* تاریخو (12-04-1994ز.) کۊچی دمایینو ڕەسول مامەڼی، سکرتېری وەڵینو حسکی و وەر جە مەردەیش بی بە ئەندامو مەکتەبی ڕامیار یەکیەتی نیشتیمانی کورڎەسانی، کە زیاتەر جە سی ساڵا خەریکو حزبایەتی بې.
* تاریخو (12-04-1994ز.) کۊمیتەو کورد و نەمسای، تیمێ پزیشکیشان کیاست پەی پانیشتو کورڎەسانی و دەسشان بە هەرمانە کەرڎە، کە (8) دکتۊرې و پسپۊرێ بېنې.
* تاریخو (13-04-1994ز.) تاکو (14-04-1994)، باڵەپڕەکې داگیرکاری ئېرانی، دەگایەکانو چواردۆرو شارو سلېمانیشان بۊمباواران کەرڎە، بە بەهانې ئانەی ئا ناوچې بنکەکې حېزبو دیموکراتو کوردەسانو ئېرانیشان چەنەنې، ئەنجامەنە بی بە مایې شەهیڎبییەی کەسێ و زامڎاربییەی چوار نەفەرا تەری.
* تاریخو (14-04-1994ز.) دوې کۊپتەرې ئەمەریکیې، بە دایوەنەو دوې باڵەپڕە جەڼگیە ئەمەریکیا، نزیک بە شارەکڵەو ئاکرێ بە هەڵەت وزیێرە وار.
* تاریخو (15-04-1994ز.) قیمەتو ئازوقەی جە پانیشتو کورڎەسانی پی نۊعە بې: یەک کیلۊ برنج (25) دینارې، کیلوێ ڕەون (60) دینارې، کیلوێ قەڼ (33) دینارې، تاییت (60) دینارې، گۊشت ( 110) دینارې.
* تاریخو (00-05-1994ز.) فەڕەنسا کوردش هاگاڎارکەردۆ کە ئاساییشو ناوچەکەی بپارېزنان.
* تاریخو (00-05-1994ز.) بەپاو ڕاپۊرتەو ئەمنستی، ئەچی مانگېنە تەرسناکتەرین پاشېلو مافو مرۊڤی دلې پانیشتو کورڎەسانینە کریان.
* تاریخو (00-05-1994ز.) وەڵابییەیۆ ئا پاگەڼا کە گوایا یەکیەتی نیشتیمانی کورڎەسانی وەڤدێش بە سەرداری لەتیف بەرزنجی کیاستەن پەی بەغڎای پەی واتە و واچی چەنی ڕژېمی.
* تاریخو (00-05-1994ز.) چەکڎارەکې پانیشتو کورڎەسانی دەیان کەسېشا دمای دیلکەرڎەی جە یۊترینی گرۊڵیواران کەردې.
*تاریخو (00-05-1994ز.) قەڎەغەکەرڎەی هۊرواستەی وېنەو بارزانی و مەسعود بارزانی دلې شارو سلېمانینە بە فەرمانو یەکیەتی نیشتیمانی کورڎەسانی، کە کۊنترۊڵو شارەکەیشان کەرڎەبې.
* تاریخو (00-05-1994ز.) قۊمیای جەڼگی میانو چەکدارەکانو یەکیەتی نیشتیمانی کورڎەسانی و بزوتنەوەی ئیسلامینە جە ناوچەو هەڵەبجەی و کوشیای ژمارێ فرې جە پېشمەرگەکا یەکیەتی نیشتیمانی کورڎەسانی و لاشەکېشا دلې مێڎانو جەڼگەکەینە جیائاستې و ئیسلامییەکې بەنگەوازشان کەرد کە بەیان لاشەکاشان گلېرې بکەراوە.
* تاریخو (00-05-1994ز.) بە خېزیای جەڼگی براکوشی فەرمانبەرەکانو نەتەوە یۊگېرتەکا کوردەسانشان جیائاست و لوێ پەی ترکیای.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]