ناڤ: ئیبراهیم
ناسناڤ: حەزین
ناڤێ بابی: سەعید مەولود
ساڵا ژدایکبوونێ: 1917
ڕێکەفتا وەغەرا داویێ : #27-03-1970#
جهێ ژدایکبوونێ: #سلێمانی#
$ژیاننامە$
ئیبراهیم سەعید مەولود، بەرنیاس ب (ئیبراهیم حەزین) ل ساڵا (1917) ل تاخەکێ کەڤنار یێ باژێڕێ سلێمانیێ بناڤێ (کانیی ئاسکان) ژدایکبوویە، ل ژیێ دوو ساڵیدە دایک و بابێ وی وەغەرا داویێ دکەن و دوو خوەشک هەنە ب ناڤێن (خەجیج و فاتم)، خەجیج ب (ئەجەخان) دهات نیاسین کوو وی دەمەی مالا خوە هەبوو، ئیبراهیم لدەف وێ ژیایە، پشتی هەیامەک خالەکێ وی کو خەلکێ گوندێ (#قولەڕەش#)یا #شارباژێڕ# بوویە، بناڤی (مەلا فەتاحی قولەڕەش) دبەتە دەف خوە، ل (9) ساڵیدا لدەف (حاجی مەلا سەید شەریف) ل (حوجرە) ل بازاڕە بچکۆل دادنێت هەیا فێری نڤیسین و خوەندنێ و بەرکرنا قورئانێ ببیت.
هونەرمەند ل وی تەمەنەی ل ڕییا کەش و ژینگەهێ حوجرێ، گوهو هەستێ وی ب ڤەخوەندنا مەولودا پێغەمبەر و مەولایە سەڵی و شیعرێن تەسەوف و سروودێن ئایینی ئاشنا دبیت و بەهرەیا دەنگخوەشیێ تێدا دەردکەڤیت.
ل ساڵا (1935) دگەل (مەلیحە تۆفیق) ژیانێ پێک دهینیت، دڤێ ژیانێ دە (11) زاروک هەبووینە، ب ناڤێن (بورهان، نەعیمە، حەلیمە، سوعاد، قادر، نەجات، ئەختەر، حەمەسەعید، سروە، شەهلا و سەڵاح).
ل ساڵا (1951) ئیبراهیم حەزین، بو جارا دووهەم هەڤژینیێ دگەل (سەلمە) دکەت و پشتی ساڵەک و نیڤان ژێک جودا دبن.
ئیبراهیم حەزین، ژبەر ژیان و کەسابەتێ جهێ ئاکنجی بوونا خوە ڤەدگوهازیت بو باژێڕوکێ (#چەمچەماڵ#) و باژێڕێ سلێمانی بجێ دهێڵیت، ل دەستپێکا ساڵا (1968 هەیا دوماهیکا ساڵا 1969) پشترە جارەک دن ڤەدگەڕێتە باژێڕێ سلێمانی، دەمێ کوو کو ل چەمچەماڵ بوو، دووکانەکە عەتاریێ هەبوو.
ل ڕێکەفتا 27-03-1970 ل باژێڕێ سلێمانی وەغەرا داویێ کر. [1] [2]