گیواۋو کەشا گرڎش دەرمانا
وەشڵەیم پاواڵێ براڵەش مێمانا
وەڵینې مەگېڵناوە واڵەو براڵێوە با جە هۆرامان و تەختی، دماو ئانەیە کە واڵەکې شوکەرۋنەو ملۋ یانەو وېش، دیاربۊ کەم دەسېبا پیاکەش داواش وەنە کەرۊ کە بلا پەی شارەزوری وەرزیەری هەرچیێشا پېڎاکەرد بەراشۆ پەی زەخیرەو زمسانی، واڵێ ملۊ ئیجازە جە براڵەی وازۆنەو بڕاڵە ماچۊ واڵێ گیان ئەر هەر ملدې پاییزێ گەلاوېژ زیا بەیدېوە، بڕاڵەیچ کە پایێز مێو هەسارەو گەلاوېژی مزیۊ گەناوە هەرچن مڎیۆ پەی گوڵیجێ بارو بنەو واڵێ نییا، چن ڕوێ هەر مڎیۊنەو عانێ زانۆ فاهیڎەش نییا سەعبانێ زوو مڎیۆ گڵیجێو کاوەو زرویرە وەزۊرە شارەزوور دەگاو دەگاو شارەزووری مەگېڵۆنەو ملۊ دەگێوە داواو ئاوێ جە ژەنې کەرۊ چاکاتەنە دەنگێ مێ گۊشش ماچۊ (گیواو و کەشا گرڎش دەرمانا وەشڵەیم پاواڵێ براڵەش مێمانا). چا عاڼە ئینەی مژنەوۆ ئاویش پەنە مەوریۊوەو دڵش گنۊ ترپە ترپ، ژەنەکېچ ماچۊ خاڵو ئاوکە بۊناخۆیتەوە؟ پیاکەیچ ماچۊ پەنەم مەورییۊوە ئی دەنگە کێن؟ ژەنەکې ماچۊ: خاڵۆ گیان ئەوە ژنێکی هۆرامییەو لەوکاتەوەی هاتوە ئەو گۊرانیە لەسەر زمانیەتی و بەبەژن و باڵای براکەیدا دەیڵێت، براڵەکە ماچۊ دەی ئانە واڵێ منەنە شۊنەو ئاڎێرە ئامانا، براڵە ملۊ یانەو واڵێ و بەیۊترینێ شاڎێ باوەو واڵێ ماچۊ: براڵە چی عەزیەتت کېشتەن، مانیانی، براڵەی وات واڵێ وەشەویسی مانیایی مەشناسۆ تۊ قەراربێ گەلاوېژ زیا بەیۆ، واڵێ وات دەی ئیسەیچ مانگەو خەلە و خەرمانینەو دوې ڕوێ تەر بارو بنە پېچمێو ملمێ پەی وەڵاتو عەشق و وەشەویسی، ئیتر هەرچیێشا بۊ بارو هەسەرېش کەراو ڕوەو هۆرامان مەگېڵاوە.
عەفان دەرەمەڕی.[1]