بەرنیاسم ب سەردار هێتوتى، ل رێکەفتى 25-08-1984 ل گوندێ هێتوتێ سەر ب دەڤەرا مزیریان ل سنوورێ ناحیا دێرەلۆکێ ژ دایکبوومە، ژیانا زارۆکینیێ ل دەڤەرێن ئازاد یێن لژێر دەستێ پێشمەرگە من دەربازکرینە و ل ئەنفالێت ڕەش دا و ل رێکەفتى #28-08-1988# ئاوارەى وەلاتێ تورکیا بوومە و ل کەمپا مۆشێ مە ژیان دایە دەستپێکرن و پاشان ل هەیڤا تیرمەها 1989 بەرەڤ وەلاتێ ئیرانێ چووینە و ل ئوردیگایێ زێوە مە دەست ب ژیانێ کرییە، و ل دەستپێکا ساڵا 1999ێ ب تمامى ڤەگەریاینە کوردستانێ و ل سەنتەرێ ناحیا دێرەلۆکێ یا سەر ب قەزا ئامێدیێ ئاکنجى بوینە و ل ساڵا 2021ێ وەرە ل سەنتەرێ دهۆکێ دژیم.
$قوناغێن خاندنێ:$
خاندنا خۆ یا سەرەتایى ل (قوتابخانا زێوە) من دەستپێکریە و دوو سال ژى ل ناڤنجیا من ل (قوتابخانا مهاجرێن زێوە) خاندیە و پاشان هاتینە کوردستانێ و ل دێرەلۆکێ ئاکنجى بووینە و هەر ل دێرەلۆکێ قوناغا ناڤنجى ل قوتابخانا (دوواناڤنجیا دێرەلۆک یا تێکەل) من ب دوماهیئینایە و قوناغا ئامادەیى ژى ل قوتابخانا (ئامادەیا دێرەلۆک یا تێکەل) من بدوماهى ئینایە.
پشتى ل ئامادەیى خلاسبوویم بەرەڤ باژێرێ سلێمانیێ چوویمە و ل وێرێ من دەستدایە خاندنێ د بیاڤێ ڕۆژنامەنڤیسیێ دا و ل پەیمانگەها تەکنیکى یا سلێمانیێ ل ساڵا خاندنێ (2004-2005) هاتیمە وەرگرتن و د دەمێ دوو سالان دا من باوەرناما دبلۆمێ وەرگرتیە.
ل ساڵا (2012-2013) بەرەڤ زانکۆیێ چوومە ل بەشێ (ئابوورێ) یێ کولیژا کارگێرى و ئابوورى سەر ب زانکۆیا نەورۆز ڤە من دەست دایە خاندنێ و ل ساڵا 2016 شیامە باوەرناما بەکالوریۆسێ وەرگرم.
ل ساڵا 2019 بەرەڤ زانکۆیا ئۆرمیێ ل رۆژهەلاتێ کوردستانێ-ئیران، چوومە و شیامە ب پلەیا نایاب باوەرناما ماستەرێ دبیاڤا ئابوورا وزێ دا بدەستڤە بینم.
$کارێن نوکە ئەنجام ددەم:$
هەر ژ ساڵا 2004 هەتا نوکە ب بەردەوامى دناڤا کارێ راگەهاندن و ڕۆژنامەڤانیێ دا.
ل ساڵا 2021 هاتیمە د مەیدانا پەروەردەهیێ دا و بۆمە مامۆستایێ زانکۆیێ و ل پەیمانگەها تەکنیکى ڕواندز یا تایبەت لقێ زاخۆ، و پەیمانگەها تەکنیکى دهۆک یا تایبەت کارێ مامۆستایەتیێ من کرییە و نوکە ژى یێ بەردەوامم.
دەستەکا نڤیسەرامە ل گۆڤارا (سیلاڤ)، کو گۆڤارەکا هەیڤانەیە ل ئامێدیێ دەردکەڤیت.
رێڤەبەرێ نڤیسینێ مە ل گۆڤارا (کوردکیدس).
بەرپرسێ ناڤەندا (پەراڤ) بۆ گەشەپێدانا ئابوورى مە.
بەرپرسێ پشکا شوێنەوارانم ل سەنتەرێ (قۆبەهان) بۆ ڤەکولینا بەلگەنامە و دەستنڤیسان ل بەهدینان کو سەنتەرەکێ خۆبەخشە.
$کارێن رۆژنامەڤانیێ یێن پێشتر من ئەنجام دایى:$
سەرنڤیسەرێ کۆڤارا (لینک) م هەر ژ ساڵا 2009.
سەرنڤیسەرێ کۆڤارا (سەرمایە) مە ل ساڵا 2024، تایبەتە ب ئابوورێ ڤە.
$کارێ منێ دیتر یێ میدیایێ ب ڤى رەنگینە:$
-بێژەر و نوچەسازێ رادیۆیا نەوا بووم.
-پێشکێشکارێ بەرنامێ (چرا) بووم ل رادیۆیا سیلاڤ ل ئامێدیێ.
-بەرهەڤکەرێ بەرنامێ (رۆژا بلند) بووم ل رادیۆیا دەنگێ کوردستان ئامێدیێ.
-بیژەر بووم ل رادیۆیا جەماوەرێ کوردستانێ.
-بێژەرێ سیاسى و ئابوورى بووم ل رادیۆیا هاموون.
-پەیامنێرێ دهۆک تیڤى بووم ل دەڤەرا ئامێدیێ.
-پەیامنێرێ رادیۆیا جەماوەر بووم ل ئامێدیێ.
-پەیامنێرێ رۆژناما خەبات بووم ل ئامێدیێ.
-پەیامنێرێ رۆژناما ئەڤرۆ بووم د لاپەرێ سیاسەتا کوردستان و عیراقێ دا.
-پەیامنێرێ رۆژناما ئاسۆ بووم ل ئامێدیێ و دهۆکێ.
-پەیامنێرێ ئاژانسا دیجلە هابەر بووم ل هەولێر و دهۆک و کەرکوکێ.
-ژ دەستەکا رێڤەبەرا مالپەرێ کوردستان-دەڤەرا ئامێدیێ بووم.
دەرچویێ خولا رۆژنامەگەریا کاغەزێمە ل ئیستەنبولێ بۆ کارێ رۆژنامەگەریێ بۆ ساڵا 2012.
دەرچویێ خۆلا سەندیکا رۆژنامەڤانامە دگەل رێکخراوا (ئایرێکس) یا ئەمریکى بۆ ساڵا 2011.
-ئەندامێ کارایێ سەندیکا رۆژنامەڤانێن کوردستانێ-تایێ دهۆکێ مە.
-ئەندامێ سەندیکا ئابوورناسێن کوردستانێ مە، تایێ دهۆکێ.
-ئەندامێ رێکخراوا ژینگەﮪ دوستى یا کوردستانێ مە.
-ئەندامێ رێکخراوا کەسک یا کوردستانى مە بۆ ژینگەهپارێزیێ.
-ئەندامێ سەنتەرێ دێرەلوک یێ رەوشەنبیریى مە.
-ئەندام و بەرپرسێ بازنێ رەوشەنبیریێ هێتوتێ بووم.
-د ناڤا سەنتەرێ رەوشەنبیریێ شێلادزێ دا ئەندام بووم.
-ئەندامێ سەنتەرێ قوبەهانم بۆ ڤەکولینێن بەلگەناما و دەستنڤیسان ل دەڤەرا بەهدینان.
$کارێن نڤیسینێ:$
راگەهاندن و رۆژنامەڤانیا دەڤەرا ئامێدیێ 1991-2013، ئەڤ پرتووک ل ساڵا 2015 گەهشتیە چاپێ.
شوینەوارێن ناحیا دێرەلۆکێ دیرۆک، ڤەکولین و سەرەدانێن مەیدانى، ل ساڵا 2020 گەهشتیە چاپێ.
قوتابخانا ڕۆژنامەڤانیا بەدرخانیان، ژ وەشانێن پارێزگەها دهۆکێ یە و ل ساڵا 2023 گەهشتیە چاپێ.
دێرەلۆک دیرۆک، جوگرافیا و پێکهات، ل ساڵا 2024 گەهشتیە چاپێ.
میدیانامە، ل ساڵا 2024 گەهشتیە چاپێ.
شوونگرێن بەردەست بۆ ئابوورا کوردستانێ، ل ساڵا 2025 گەهشتیە چاپێ.
$پەرتووکێن ب هەڤبەشى من نڤیسیى و هاتینە چاپکرن:$
ئێک ژ نڤیسەرێن ئینسکلۆپێدیا پارێزگەها دهۆکێ مە کو ش 9 بەرگان پێکدهێت.
ئازادیا رادەربرینێ و ڕۆژنامەگەریێ د چەند ڤەکۆلین و گۆتاران دا، ژلایێ رێکخراوا ستێپ بۆ دیموکراسى و هەلبژارتنان ڤە هاتیە چاپکرن.
$ماستەرنامەیا من:$
- تأپیر رانت نفت بر شاخص رقابت‌پژیری جهانی در کشورهای نفت‌خیز، ماستەر ناما منە کو ب زمانێ فارسى هاتیە نڤیسین و بەلاڤکرن ل ساڵا 2020.
$کارێن رەوشەنبیرى:$
چەند سمینارێن جداجدا لدوور کارێ رۆژنامەگەریێ و دیرۆکى ل دهۆک، سەرسنکێ، دێرەلوکێ، هێتوتێ و شێلادزێ من پێشکێش کرینە.
-چەندین ڤەکولینێن دیرۆکى، روژنامەگەرى، ئابوورى بو رۆژنامە و گوڤاران من بەرهەڤکرینە و بەلاڤکرینە.
-وەک رۆژنامەڤان ب دەهان نوچە و راپورت و دیڤچوون بو رادیۆ و تیڤى و ڕۆژنامە و گۆڤاران ل دهۆک، هەولێر، سلێمانى و کەرکوکێ من ئامادەکرینە. [1]
$تێبینی: ئەڤ بابەتە ب ڕێنڤیسا چاڤکانیێ ئیماژە پێکری هاتییە نڤیسین، کوردیپێدیا توو دەستکارییەک نەکرییە.$