کورد دلې چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و حەڤڎەهەمە
* تاریخو (#04-03-1975#ز.) تاکو (#06-03-1975#ز.)، گلېربییەیۆ کیانیاکا ئۆپېکی، ڕېکۋزیاو ئا دۆڵەتا کە نۆتە کیانا پەی بەرو وەڵاتیشا جە جەزائیر، کە چاگە (هەواری بۆمدیانی) سالارو جەزائیری تاواش شاو ئېرانی و سەدام حوسێنی فرە جە یۊی نزیکې بوزۊوە.
* تاریخو (#05-03-1975#ز.) ئەفسەرێ پایە بەرزی ئېرانی، ئاما پەی لاو بارزانی و پەنەش وات: ئېران و ئېراق ڕېکې مەگناو ئېران مەرزو وېش وەردەمو پېشمەرگەکانە مەوزۊرە و مەبەسۊش.
* تاریخو (#06-03-1975#ز.) ڕېککۆتەنامەو جەزائیری میانو سەدام حوسێن و شاو ئېرانی مۊرە کریا، پانەیچ سەدام حوسێن دەسبەردارو نیمەو شەتولعەرەبی بی پەی ئېرانی، وەراوەر پانەیە هەرەسە بە شۆڕشو ئەیلوولی جە پانیشتو کورڎەسانی ئاریا و دمای چن ڕوێ (120) سەڎ و ویس هەزار پېشمەرگې چەکشا نیارەو ئاشبەتاڵ کریا.
* تاریخو (#07-03-1975#ز.) دمای ئانەی کە باڵەپڕەکې ئېراقی تەرسەو دژەئاسمانیەکا ئېرانیشا نەمەنېبې، بە ئارەزو وېشا سەرو گەڵاڵە و چۊمان و ناوچە ڕزگارکریاکارە فڕک و هوڕشا بې.
* تاریخو (#08-03-1975#ز.) داگیرکاری ئېراقی، حېزبو دیموکراتو ئېرانیش هاگاڎارکەردۆ کە سەرجەمو ژڵېوە ڕامیار و بانگەوازیەکانو وېشان دلې ئېراقینە مدرنان و ئام و شۊ وەرکۆتیچ نەکەران.
* تاریخو (#08-03-1975#ز.) و ڕوا دماییچ، بەجارێ بار و دۊخو پانیشتو کورڎەسانی تېکشی و دەنگ و باسو هەرەسەو شۆڕشو ئەیلوولی گرڎیاگێش گېرتۆ.
* تاریخو (#09-03_1975#ز.) مەڵڵا مسەفای بارزانی و چن سەردارێ پارتی کوردەسانۆ لوێ پەی تارانی پەی دیڎارو شاو ئېرانی.
* تاریخو (#12-03-1975#ز.) بارزانی و دکتور مەحمووڎ عوسمان و موحسېن دزەیی چەمشان بە شاو ئېرانی کۆت، تاکو چارەسەرێ پەی ئا بار و دۊخەو کورڎەسانییە بنیارە، بەڵام شاو ئېرانی هیچش پەی نەکەردې.
* تاریخو (#13-03-1975#ز.) کۊبییەیۆ سەردارې پارتی و گرڎو سەرلق و هېزەکا پېشمەرگەی، گرڎ ڕاشان ئانېبې هەکە درېژە بە جەنگی و شۆڕشی بڎان وەراوەر بە داگیرکاری ئېراقی.
* تاریخو (#13-03-1975#ز.) گېڵایۆ بارزانی و وەفدەکەو پارتی پەی کورڎەسانی.
* تاریخو (#14-03-1975#ز.) تاکو (#16-03-1975#ز.)، کۊبییەیۆ سەرکردایەتی پارتی هەر سەرەمڕەبې.
* تاریخو (#15-03-1975#ز.)، هەر دوە شالیارا بەرو ئېران و ئېراقی، سەعدوون حەمادی و عەباسی خەلعەت، جە تاران، چېرو چەمڎاری (عەزیز بوتەفلیقە) شالیارو بەرو جەزائېری چەمشا بە یۊی کۆت و نیشتېرە و ڕېککۆتەنامەو جەزائیریشان کردەیی کەرد.
* تاریخو (#16-03-1975#ز.) پارتی برووسکێوەش پەی سەرکردەیی بەعسی داوەنە و ئاماڎەیی وېشان پەی چارەو گرفتەکەی بە واتە و واچ، نیشان دا.
* تاریخو (#16-03-1975#ز.) دلې کۊبییەیێ سەرکردایەتی پارتو دیموکراتو کورڎەسانی و تەمامو سەرهېزەکانو پېشمەرگەی بارزانی بانگشدا: کە پەنەوازەن نەخشێوە هۊتەرەبەردەی بەرەو ڕەواندزینە بەکاربریۊ.
* تاریخو (#18-03-1975#ز) مەکتەبی ڕامیاری پارتو دیموکراتو کورڎەسانی بڕیارو ئانەیشدا کە درېژە بە کۊششی بڎاوە.
* تاریخو (#19-03-1975#ز.) بارزانی و مەکتەبی ڕامیاری بڕیارو چەک نیارەیشان دا، پانەیچە هەرەس بە شۆڕشو کورڎی ئاما، ئانەیچە جە لاو چن کەسێوە نامې نریا (ئاشبەتاڵ).
* تاریخو (#19-03-1975#ز.) تاکو (26-03-1975ز.) بنەیانەو بارزانی و سەرانو پارتی لوێ دیمو ئېرانی.
* تاریخو (#20-03-1975#ز.) ڕەشید سندی، کە یۊ بې جە سەرهېزەکانو پېشمەرگەی بڕیارو تەقە مردنایش دا.
* تاریخو (#20-03-1975#ز.) بارەگاو بارزانی برووسکەش پەی گرڎو فەرماندەو هېزەکا کیاست کە واز جە جەنگی باران.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]