پاش دان پاشۆ
پېسە ئیدیۊمێ بە کەسێش ماچان هەکە خڎېش دێبۊ ڕەفېقێش و کۆتەبۊ چېرو هەژموونو ئاڎیۆ، واتا ڕەفتۍ و جم و جووڵېش پېسە ئاڎیشا پەنە ئامێبۊ، ئاڎ هەرچی کەرۊ، ئیڎیچ کەرۊش. بە فرەیی ئەڎا و تاتە بە یۊ جە کوڕەکاشان ماچاش، کە ئەنجامو تېکەڵیش چەنی ڕەفېقێ خرابی، وەرە وەرە ئاقیبەتش شەڕ بییەبۊ و ڕەفتۍ ئاڎیش مسێبا، واتاو ئانەی کە پاش دان پاشۆ، یانی فرە نزیک بییەنۆ چەنەش و هەر دەم پېوەرە گېڵێنۍ و نزیکۍ یۊترینۍ بیېنۍ. کاتێ سەرنجەمڎان کوڕەکەشان ڕەفتېش فاڕیێنۍ، هەرچن مۊچیاریش کەران، ئیسفاڎەش نییەن، ئیتر ماچان؛ تازە پاشدان پاو فڵانەکەسیۆ، چارەش نییەن.[1]