کڕە چېشەن؟
کڕە، دلۍ زوانو ئیمەنە چن واتێوە جیاوازېش هەنۍ.
کڕەو چەڵتووکی؛ چېوێ شېوە خڕەن پېسە هارەی، بازنەو سەریش بە تووڵۍ مېوۍ وەش کریۊن، دماتەر بە چن دارێ نەرەی دلەکېش پەڕەکریۊوە، پەی هاڕای چەڵتووکی بەکارمێ، دیارەن وەڵۍ ئانەی ئاساو بێنە مێڎان، کڕە بەکارئامان.
کڕە؛ پەی کەرگێ هېڵەکەرۍ بەکارشماران کاتێ سەرو هېڵەکاشۆ مەنیشۊ پەی هورئاردەیشان و بەرئامای جووجەڵا، ماچمۍ کەرگەکۍ کڕە کۆتېنە سەرو هېڵەکاشۆ.
کڕە؛ دلۍ واتە و واچینە ئی واچۍ بەکارمێ و بە کەسێش ماچان هەکە فرە پەنەوایش بە چېوێ بۊن، واتا ئاتاجو چېوەکەی بۊن، یام نزمی و کەچی برمانۊ وەراوەرو ئا کەسەیۆ کە چېوەکەش ئینا لاوە، ماچمۍ کابرا کڕە کەرۊ، یام ماچمۍ ئڼە مەجبوورا کڕە کەرۊ.[1]