کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: یەرەسەڎ و نەوەڎ و یەرەمە
* مانگەو (06) ئی ساڵۍ، پارتو دیموکراتو کوردەسانی دوۍ بەڵگەنامېش تەسلیمو داگیرکاری ئېراقی کەردۍ پەی بەجائاردەی پێمانەکاش چەنی کورڎی، بەڵام وستېشا پەشتەو گۊشاشا.
* تاریخو (#15-06-1961#ز.) هۊتەرەو بارزانییەکا پەی سەرو خېڵو زېباری و تاکو(#19-06-1961#ز.) درېژەش کېشت، ناچاریۍ سەردارەکۍ زېباری پەناشان پەی تورکیای بەردە.
* مانگەو (07) ئی ساڵۍ، کۊمەڵەو ژیونایۆ کوردەسانی (کاژیک) کتېبو کاژیکنامەیش بەرشنی.
* تاریخو (#30-07-1961#ز.) پارتو دیموکراتو کوردەسانی یاڎئاوەریێش پېشکەشو عەبدولکەریم قاسمی کەرد، تاکو مافە نەتەوەییەکانو کورڎی سەلەمنۊ، بەڵام بېهودە بی.
* تاریخو (#31-08-1961#ز.) بەرشنییەی بەیانێ جە لاو کاژیکیۆ، کە ڕەخنەش جە شېوازو شۆڕشو ئەیلوولی گېرت.
* مانگەو (09) ئی ساڵېوە تاکو وەهارو 1962ز. ڕزگارکەرڎەی بەشێ فرەو ناوچەکانو بادینانی.
* تاریخو (#06-09-1961#ز.) پارتو دیموکراتو کوردەسانی یاداشتێش تەسلیمو داگیرکاری ئېراقی کەرڎە، تاکو مادەو (3) دەستووری کاتی جابەجا بکەرۊن، مادەکەنە ئامان: کورد و عەرەب دلۍ ئېراقینە هامبەشېنۍ.
* تاریخو (#06-09-1961#ز.) بە یاڎو شۊڕشو جەنگو وەربەرەو سرێ شارو سلېمانی، پارتی جە شارو سلېمانی وېنیشاندایێش سازنا.
* تاریخو (#08-09-1961#ز.) کۊمەڵەو ژیونایۆ کورڎی (کاژیک) بەیانێ تەرش بەرشنی، دلۍ بەیانەکێنە داواش کەرڎەبۍ کە شۆڕش پەی کاتێ گونجیاتەری دما وزیۊن.
* تاریخو (#11-09-1961#ز.) شەهیڎ بییەی حەمە تەلانی، یەکەمین شەهیڎو شۆڕشو ئەیلوولی.
* تاریخو (#11-09-1961#ز.) هۊتەرەو ڕژېمو ئېراقی پەی سەرو پانیشتو کوردەسانی کە ئەنجامەنە شۆڕشو ئەیلوولی هورخېزیا، شۆڕشەکە سەرەتا ناوچەو بازیانی نزیک بە شارو سلېمانی سەرش هوردا.
* تاریخو (#16-09-1961#ز.) هەواپڕەکۍ داگیرکاری ئېراقی ناخافڵێنە ناوچەو بارزانیشان بۊمباواران کەرد، ئەنجامەنە بارزانی و چن سەڎ پېشمەرگێوە لوێ پەی ناوچەکانو ئاکرێ، ئامێدی، دهۊک، زاخۊ.
* تاریخو (#17-09-1961#ز.) کۊچی دمایینو نویسەر مەحمووڎ ئەحمەڎ جە سلېمانی.
* تاریخو (#24-09-1961#ز.) عەبدولکەریم قاسم بانگشدا کە شۆڕشو کورڎی سەرکوت کریا.
* تاریخو (#01-10-1961#ز.) جەمال نەبەز، جە پیشەو مامۊسایی وېش کەنارگېر کەرد.
* مانگەو (12) ئی ساڵۍ، نەتەوە یۊگیرەکۍ، قەرارو ژمارە (1514) بەرکەرد، کە ماچۊ: گرڎ وەڵاتێ و گەلێ چېردەس، مافو سەربەوېییش هەن.
* مانگەو (12) ئی ساڵېنە، داگیرکاری ئېراقی ئەچی مانگېنە بۊمباوارانێ دڕڼانەو پانیشتو کوردەسانیش کەرد، بە تاییبەت دەگێکۍ زەرەرێ فرەشان وەنەکۆت.
* ساڵەو (1962ز.) چن تۊمارێ پېوەس پی ساڵېوە ئینێ وەردەسەنە:
* گۊرانی شاعېر، ئەچی ساڵېنە کۊچی دمایینش کەرڎەن.
* کۊچی دمایینو حاجی سەعید ئاغا، نامبریا ئەندامو ئەنجومەنو مەبعوسانو عوسمانی و ئەعیانو ئېراقی بۍ.
* ژمارەو پېشمەرگا شۆڕشو ئەیلوولی جە پانیشتو کوردەسانی یاوێ حۆت هەزار چەکدارۍ، کە هەریۊشان مانگانە (750)نفلسۍ ئېراقی یاردی وەرگېرۍ، بەڵام پېشمەرگەی ساحیب عائیلە یەرۍ دینارۍ هورگېرۍ.
* دکتور مەحموود عوسمان سۊرانی، بی بە ئەندامو پارتو دیموکراتو کوردەسانی.
* کۊتاو ئی ساڵې و سەرەتاو ساڵەو 1963ز.، بەعسییەکۍ کەریم قەرەنیشان کیانا پەی لاو بارزانی، ئی کەریمە ئەفسەرێ خەڵکو سلېمانی و دلۍ دەزگاو ئاساییشینە هەرمانە کەرۍ، مەڵامەتو لواکەیش ئانەبۍ هەکە بە بارزانی بیاونۊ کە بەعسییەکۍ نیازو کودەتایشان هەنە سەرو عەبدولکەریم قاسمیرە، دمای سەرکۆتەی کودەتاکېشا بارزانی جەنگ مدرنۊ و ئېڎۍ مافو کورڎی سەلەمنا، کەریم قەرەنی وەڵتەر پېوەڼییش کەرڎەبۍ بە بیرۆی ڕامیارییۆو ئاڎۍ سازیێبېنۍ، بارزانیچ بە داواکۍ بەعسییەکا سازیا.
* وەهارو ئی ساڵۍ، پڕایۆ بارزانی و چن پېشمەرگێ جە زێ بادینانیۆ پەی ناوچەکانو سیدەکانی، باڵەک، گەڵاڵە و ڕایاتی.
* تەمامیای بەستو دەربەڼیخانی، کە عەبدولکەریم قاسم بە ئاهەنگێ کەردشۆ.
* ئەچی ساڵېنە عەلی حەسەنیانی شاعېر- هاوار، بی بە ئەندامو حیزبو دیموکراتو کوردەسانو ئېرانی.
* وەڵاکەرڎەیۆ ڕازوانو زوانی کورڎی بە ڕووسی جە مۆسکۆ، بە دەسو قەناتی کوردۆی.
* ئەچی ساڵېنە، ئی. ئی. تسوکەرمان کتېبو ڕازوانو زوانی کورڎیش جە مۆسکۆ وەڵاکەردۆ.
* کۊچی دمایینو نویسەر و خاسکارو کورڎی نەجمەدین مەلا جە شارو سلېمانی.
* شۆڕش جە پانیشتەنە سەرکۆتەی یۊ شۊنەو یۊیرە بە دەس ئارۍ، هەرپەوکەی ئا خېڵۍ کە دژ بە شۆڕشی هەرمانەکەرېنۍ، بە ناچاری جیاشائاست و ڕەمێ.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]