دەسین و چەمین
دەسۍ و چەمۍ دوۍ ئەڼامۍ لاشەو بنیاڎەمینۍ، چەمۍ پەی دیەی ، دەسۍ پەی پۊڕنای هەرمان و کاری. هەرکەسێ دەسۍ و چەمۍ ساقېش بان، ئانە مەشۊم پەی ژیوای وېش و ژەن و زاروڵێش بەکارشان بارۊن، مەشۊم بگېڵۊ شۊنەو هەرمانېرە پەی ئانەی بە لەشی ساق کارو کاسبی بکەرۊن، نانی حەراڵ پېڎابکەرۊن. گەر کەسێ ئەچیمنە وەرو تەممەڵیاش و بۍ هازیش هەرمانە نەکەرۊن، ژیوایێ مەردانە پەی وېش نەکەرۊن، مەگنۊ چېرو لۊمەو خەڵکی، ڕەنگا پەی فەترێ یاردیش بڎان و وەیش بکەران، بەڵام ئانە تاکو سەر نییەن، چوونکوم شایانو یاردی نییەن، پەنەش ماچان خۊ کابرا دەسین چەمینەن، ئیتر چی کاسپی نمەکەرۊن و زەڕ پېڎا بکەرۊن.[1]