کورد دلې چەرخەکا تاریخینە
بەشەی دوەسەڎ و نەوەڎ و حۆتەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1921ز.):
* مانگەو (10) ئی ساڵېنە، جەنگێ میانو پېشمەرگەکا سمکۆی و ئێرانینە جە (یەزدیکان) ڕوەشدێنە.
* مانگەو (10) ئی ساڵېنە، مستەفا پاڎشاو یاموڵکی جە ئەستەمبوڵۆ گېڵانۆ پەی سلېمانی.
* تاریخو (#06-10-1921#ز.) هېزەکانو ئیسماعیل خانو سمکۆی هېرششان کەرد پەی سەرو شارو مەهابادی بە تەماو ڕزگارکەرڎەیش، شارەکە ئا کاتە (550) ژاندرمې ئێرانیش چەنەبېنې، چانېشا (200)شا کوشیێ.
* تاریخو (#19-10-1921#ز.) سکرتێرو مەندوبو سامی جە بەغڎا، نامێوەش پەی فەرمانداری ڕامیاری سلېمانی کیاستەو دلېشەنە ماچۊ: ڕامیاری ئارۊ ئېمە وەراوەر بە سمکۆی و وەرکۆتو کوردەسانی ئانەن کە هیچ جۊرە دەسۋستەنێوە جە لاو ئېمۆ نەکریۊ.
* تاریخو (#20-10-1921#ز.) پێمانێ میانو فەڕەنسای و داگیرکەری تورکینە مۊرە کریا، بە پاو ئا پێماڼامەیە فەڕەنسا ناوچەو سیلیسیایش چۊڵکەرد وەراوەر بە چن دەسکۆتێ دارایې.
* تاریخو (#20-10-1921#ز.) سمکۆ چەمش کۆتەن بە مستەفا یاموڵکی جە چەهریق.
* دلېڕاسەو مانگەو (11)ینە، داگیرکەری ئێرانی هېرشێ گۆرېش پەی سەرو سمکۆ و پېشمەرگەکاش کەردېنە، ئەنجامەنە مەڕیێ.
* تاریخو (#29-11-1921#ز.) حەسەن زیرەکی گۊرانیواچ جە شارو بۆکانی ئامان دنیا.
* مانگەو (12) ئی ساڵېنە، ڕەزا خانی پەهلەوی تەمامو هېزەکانو ئێرانیش جەمې کەرڎێ و ئاژاولې و دوەبەرەییش میانشانە ناست.[1]