ناڤ: ئاراس
ناسناڤ: دکتۆر ئاراس
ناوی باوک: حەسۆ میرخان غەزالی
ساڵا ژدایکبوونێ: 1968
جهێ ژدایکبوونێ: #سلێمانی#
$ژیاننامە$
نوژدار و سیاسەتمەدار ئاراس حسۆ میرخان غەزالی، یێ بەرنیاس ب (دکتۆر ئاراس) ، نینەرێ کونگرەیێن یازدەهەم (1993) و دوازدەهەم (1999) بوویە و ساڵا 2010 ل کۆنگرەیا سێزدەمیندە ب ئەندامێ ئەنجومەنا سەرکردایەتیا #پارتی دیموکراتی کوردستان# هاتە هەلبژاردن.
ساڵا 1968 ل باژێڕێ سلێمانی ژدایکبوویە. ساڵا 1993 بەکالۆریۆس و ساڵا 1996 ماستەر و ساڵا 1998 دکتۆرایا دەرمانسازیی ل زانینگەها ئەسفەهان لە وڵاتێ ئیران وەرگرتییە. ساڵا 2009 ماستەرا کارگێڕیی ل زانینگەها لوبنانی-فڕەنسی لە #هەڤلێر# بەدەست خوەڤە ئیناندیە. ساڵێن (2000-2001) ل کابینەیا چارەمدا بوویە ڕێڤەبەرێ گشتی یێ ڕوەشنبیری و ڕاگهاندنا وەزارەتا پێشمەرگە و ساڵێن (2002-2011) ڕێڤەبەرێ گشتی یێ دیوانا چاڤدێری و داراییا حکومەتا هەرێما کوردستانێ بوویە. شەهرەزایی ل زمانێن کوردی، فارسی، تورکی و ئینگلیزیدا هەیە.
$خەباتنامە$
ئاراس حەسۆ میرخان ساڵا 1975 ل پشتی تێکچوونا شۆڕەشا ئەیلوولێ دگەڵ ماڵباتا خوە ئاوارەی وڵاتێ ئیرانێ بوویە. ساڵا 1982 تەڤلی ڕێزێن #یەکێتی قوتابیانی کوردستان# و ساڵا 1988 پەیوەندی ب هێزی پێشمەرگەیێ کوردستانێ ڤە کرییە و ل داستانا خواکوڕک پشکدار بوویە.
ساڵا 1995 بوویە فەرماندەیێ بەتالیۆنا شەهید عەلی حەسۆ و ل شەڕێ بەرگرییا #قەسرێ# ل سنوورێ پارێزگەها هەڤلێرێ زامدار بوویە. ساڵا 1997 ل شەڕی بەرگری ل هەرێما کوردستانێ ل دەڤەرا #ئامێدی# یا سەر ب پارێزگەها دهۆک ژبو جارێ ددوویان زامدار بوویە. ساڵا 2014 پشکدارییا شەڕێ دژبەری هێزێن داعشی ل بەرەیا #گوێڕ#-#مەخمور# ل سنوورێ پارێزگەها هەڤلێرێ کرییە.
ل ماوێ کارکرنا خوەدە لناڤا پارتی دیموکراتی کوردستان چەندین ئەرک و بەرپرسیاریەتی وەرگرتینە، وەکە: بەرپرسیارێ لێژنەیا ناوچەیا زانینگەها سەر ب مەکتەبا سیاسی ل ناڤبەرا قوتابی یێن پەنابەرێن زانینگەهو پەیمانگەهێن ئیرانێ (1990) ، جێگرێ بەرپرسیارێ مەکتەبا ڕێکخستنا پێشمەرگە (1998-2000) ، ئەندام مەکتەب ل مەکتەبا سەروک بارزانی (2000-2010). بەرپرسیارێ لقا شازدەیا دەوردورێ هەڤلێرێ (2011-2017) ، بەرپرسیارێ دەزگەها وەبەرهێنان یا پارتی (2020) و...هتد
نینەرێ کۆنگرەیێن یازدەهەم (1993) و دوازدەهەم (1999) بوویە و ساڵا 2010 ل کۆنگرەیا سێزدەمیندە وەکە ئەندامێ ئەنجومەنا سەرکردایەتیا پارتی دیموکراتی کوردستان هاتییە هەلبژاردن. [1][2]