کورد دلۍ چەرخەکا تاریخینە
بەشۍ: دوەسەڎ و دەهەمە
نویستەی: #هاوڕێ باخەوان#
ساڵەو (1890ز): ئی تۊمارۍ پېوەس پی ساڵېوە ئینێ وەردەسەنە:
* موزیکژەن کا ڕەحیم کاکەیی، ئەچی ساڵېنە ئامان دنیا.
* شېخ نەجمەدین شېخ عەبدولڕەحمانی قەرەحەسەنی شاعېر ئەچی ساڵېنە ئامان دنیا.
* ئەچی ساڵېنە، مەلا موحەمەد کوڕو حاجی مەلا ڕەسوڵو دێلێژەی، ئەشناسیا بە فەیزی ئامان دنیا.
* مەلا موحەمەدی چروستانی ئەچی ساڵېنە ئامان دنیا.
* ئەچی ساڵېنە، عوسمانییەکۍ هېرششان کەردەن سەرو یەزیدیەکا، چوونکوم شۆڕششان هۊرگیسنابۍ، ئەنجامەنە ژمارێ فرېشان کوشیێ و پەرەسگاکېشا کەردۍ بە مزگی.
* ئەچی ساڵېنە، ئەسیری شاعېر دلۍ شارو کەرکوکی ئامان دنیا.
* موفتی زەهاوی شاعېر ئەچی ساڵېنە کۊچی دمایینش کەردەن.
* گولبانگیان، کە ڕانیارکاری دارایی سوڵتانی عوسمانی بییەن، یەکەم کەس بېیەن کە هەواڵو ئانەیش دان بە سوڵتانی کە نۆتە دلۍ پانیشتو کوردەسانینە هەنە.[1]