بە سڵامەتی تووتەی
واتش: بە سڵامەتی تووتەی!
واتم: تووتە چی؟
واتش: چوون هەرچێ ئارۊ دەیش وەروو تەوەنا، تیکەنانەکەو هېزیش ویر نمەشۆوە، وەلێم بەشەرێ
تیکەکەت دەسەو ساناو جوابش بە تەوەنی مۮاوە!
تووتە، هەر وەرگێ وینۆ گەفۆش وەنە و لاشەو بۍ هەمیەتا گەلەو وېشا یام گەلەو ئەو دەگاکێن، وەلێم بەشەرێ وەرگا وەرمۮا گەلا یۆترینی!
تووتە وەختارێ بۊوەت بشناسۆ مەی لێسۆتەو قلیچکەیچش لەقنۊوە پەیت، کیسەیچت پەڕبۊ یام هاڵی پەیش بۍ هەمیەتا.
تووتە چەنی هیچ دزێوە کەین و بەینش نېیا و بێدەنگ نمەمەبۊ هەتا بەیاو و یانەکەیت تاڵان کەرا، وەلێم بەشەرێ!
تووتە: ئەر شەوێوە لفش نەبۊ ڕاو تووتەو هامساکەیش نمەۮەو لانەشەنە، وەلێم بەشەرێ!
تەنانەت ئەر ڕوێ ورەشیش ڕەنگا گرۆ ساحێبی تازەیشبۊ، وەلێم ئەر تۊ وینۆ دەرقاچت نمەگېرۆ !
تووتە: ئەر زانۆ گۊشتت نېیا بەهەر لەونێبۊ چەنی نانی وشکیت ساچۆ، وەلێم جیات نمازۊ!
جە گردی هەمیتدارتەر ئانەن ئەر بزانۆ وەشت مسیۆ وەفاۮار تەربۊ، وەلێم بازە بەشەرێ هارتەر.[1]