کورد دلۍ چەرخەکا تاریخینە
بەشۍ: سەڎ و دواڼزەهەمە
نویستەی: #هاوڕێ باخەوان#
ساڵەو (1758ز): ئەچی ساڵېنە عوسمانییەکۍ هېرششان کەردەن پەی سەرو گورجستانی، ژمارێ فرۍ کوردۍ دلۍ سوپاو عوسمانینە بیېنۍ. هەر ئەچی ساڵېنە حاریسی بەدلیسی شاعېر داستانە شېعرو لەیلۍ و مەجنونیش تەمامنان، کە (750) دېڕە هۊنیېنە و (24) بەشېنە.
ساڵەو (1759ز): یام (1778ز)، خانای قوبادی کۊچی دمایینش کەردەن.
ساڵەو (1760ز): ئەچی ساڵېنە قاجارییەکۍ بە تەمامی دەسشان گېرت ملو ۋەرکۆتو کوردەسانیرەو بنەیانەو ئەردەڵانییەکاشا جە فەرمانڕەوایی ۋستۍ. هەر ئەچی ساڵېنە، یام ساڵەی دمایینەنە سەلیم پاشاو بەکر بەگی، بی بە میرو بابانی، ئی میرە تاکو ناوچەکانو (هۆلېر و هەریر)یچش چېرو دەسانە بېیەن. هەر ئەچی ساڵېنە مەحموڎ پاشا کوڕو خانە پاشای دلۍ جەنگێنە کوشېیان، کە چەنی سڵێمان پاشای کەردەنش.
ساڵەو (1761ز): زانای ئایینی ناوچەو سلێمانی (شېخ مارفی نۆدێ) ئەچی ساڵېنە ئامان دنیاوە، نامبریا تاتەو حاجی کاک ئەحمەڎی شېخیەن. هەمدیسان ئەچی ساڵېنە سڵێمان پاشا بېیەنۆ بە میرو بابانی.
ساڵەو (1762ز): ئەچی ساڵېنە پاشاو بەغڎای سەرو مەحموڎ پاشاو بابانیرە سەرمەگنۊن دلۍ ناوچەو (نارین)ینە. هەر ئەچی ساڵېنە ئەحمەد پاشا کوڕو خالید پاشای مەبۊن بە میرو بابانی.[1]