کوڕێ سەعید ماملێ ل ساڵا 1941 ل باژێڕێ #مەهاباد# ژدایکبوویە، د ژیێ زاروکیدە بابێ خوە ژدەست ددەت و دگەل برایێن خوەدە دمینیت. لێ پشتی هەیامەکێ کورت دوو برایێن دن یێن وێ ماڵباتێ (کاک هاشم و کاک حسێن) د ماوێ ساڵەکێ دە ژبەر نەخوەشی جانەمەرگ دبن و جەعفەر تەڤێ برایێ مەزنێ ماڵباتێ #موحەمەد ماملێ# ژیانا خوە بسەر دبەت.=KTML_Photo_Begin=https://www.kurdipedia.org/files/relatedfiles/2017/138436/0001.JPG=KTML_Photo_Alt=جەعفەری ماملێ=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2017/138436/0001.JPG=KTML_Photo_End=
ژبەر سەختی یا ژیانێ، واز ل قوتابخانە و خوەندنێ دهینیت و ژبو گوزەرانا خوە بەرێ خوە ددەت کار و کارکەریێ. لێ وەکە دیار دەنگێ زوڵاڵ و خوەش میراتەکێ زور یێ ب نرخە کو خوەدێ ب #سەعیدی ماملێ# و تەڤایا ئەندامێن ماڵباتا وی دبەخشیت.
هەر ژبەر ڤێ چەندێ هونەرمەند (جەعفەری ماملێ) ل دەستپێکا گەنجاتیا خوەدە دەست ب گوتنا قەتار و هەلبەستێن #وەفایی# کرییه، گەلەکێ ژێهاتی و خودان شیان بوویە دڤی کارەی دە.
د ژیێ 19 ساڵیێ دە تەڤی حەلیمه خانمێ ژیانا هەڤژینیێ پێکئانییە، بەرهەمێ ژیانا نوو یا وانا کوڕەک و سێ کەچک ب ناڤێن (بەختیار، وەفا، سەفا و سەحەر) بوونە.
ژبەر کار و بازرگانیێ چەند ساڵەکان ل باژێڕێ #سەردەشت# ژیایە. ل هندەک کۆمبینێن هونەریدە پشکداری کرییە و هەتا وی دەمێ کوو برایێ مەزنێ وی ماموستا محەمەد ماملێ دژیان دو مابوو خوە تێکهەلی بواری هونەری نەکر و ب تەنێ ل کۆڕ و کۆمبینێن دۆست و هەڤالان دە ئاهەنگ دگێڕا.
هەلبەستا وەفایی، جانانه، قەتار ناوئاخێنی پشکا زورا سترانێن ڤی هونەرمەندەینە، پشکا زورا بەرهەمێن وی لدەف خەلکی هاتینە تۆمار کرن.
ل ساڵا 1992 تەڤی هندەک ل ژەنیارێن باشوورێ کوردستانێ، بەرهەمێ (فرمێسکی شەو) ل باژێڕێ مەهاباد تومار کرییه. ساڵا 1995 ل ساڵیادا مامۆستا (وەفایی) دە ل باژێڕێ مەهاباد پشکداری کر، کو ب گووتنا هەلبەستێن وی وەکە ستران پێشوازیەکە زۆر ژێ هاتە کرن.
ل ساڵا 1999 ز ژئالێ ئەنجوومەنەکە فەرهەنگی یا کوردی ل وڵاتێ سویدێ هاتە بانگهێشت کرن ل گلوبنا باژێڕێ ستۆکهۆڵم و پشتڕە ل چەند باژێڕێن دن کۆنسێرت بەڕێڤە برن. هەروەسا ل چەندین کۆنسێرتاندە ل باشوور و ڕۆژهەڵاتێ کوردستانێ پشکداری کرییە.
هونەرمەند جەعفەرێ ماملێ هەیا ڕوژا وەغەرا داوییا خوە ل باژێڕێ مەهاباد یێ نیشتەجێ بوو. ڕێکەفتا #17-02-2020# ل مەهابادێ وەغەرا داویێ کر. [1] [2]