کومەڵگەها #تل عەزێر#
ئەڤ کومەڵگەهە دکەڤیتە باشوورێ ڕۆژئاڤایێ باژێڕۆکێ #شنگال#ێ، ئاکنجیێن ڤێ کومەڵگەهێ هەموو ئێزدینە، هەروەسا چەندین جهێن پیرۆزێ ئاینێ ئێزدیان دکەڤنە کومەڵگەها #تل عەزێر# و ساڵانە هژمارەکا مەزنا کەسان سەرەدانا وان جهێن پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە و خەلک ژ هەموو گوندێن ئێزدیان قەستا توافێ دکەن و هەر کەسەک خزم و هەڤال و نێزیکێن خوە داخواز دکەن، خەلکێ کومەڵگەها تل عەزێر لدیف ئامارێن بەری هاتنا #داعش#ێ ژبۆ شنگال ل ساڵا 2010 نێزی ( 20،000) بیست هەزار کەسان بووینە. ل ڕوژا #14-08-2007# تل عەزێر تویشی کارەساتەکا مەزن بوو ب هزارهان کەسان هاتن کوشتن و بریندار کرن ب سەدەمی ئەنجامدانا کڕیارەکا تەرۆرستی، هەرهۆسا لدەمێ هاتنا داعشێ ژبو شنگالێ ب هزارهان کەسان ژ کومەڵگەها تل عەزێر هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی ل ئیراق و شامێ یا ب ناڤ داعش، ل کومەڵگەها تل عەزێر هێمایێ ئاشتیێ و بەرخوەدانێ کچا ئێزدیا شەهیدە یا بناڤێ #جیلان بەرجەس نایف# و ل ناڤەڕاستا کومەڵگەهێ پەیکەرەک وەکە ڕێزگرتن بو وێ هاتیە دەینان. هەروەسا گەلەک خێزان ژ کومەلگەها تل عەزێر ئاوارەیێ #دهۆک# و #زاخۆ# و #سلێمانی# بوینە ئانکو کۆچکرینە بۆ وەڵاتێن ئەوروپی. (818) هەشت سەد و هەژدە کەس ژ کومەڵگەها تل عەزێر بووینە قوربانیێ دەستێ داعشا تەروریست، ئەو کەسێن کوو بوینە قوربانیێ دەولەتا ئیسلامی یا ب ناڤێ داعش 405 زەلام بوون 413 ژن بوون، 113 زەلام و 22 ژن هاتنە ئەنفالکرن، 150 زەلام و 148 ژن هاتن بێسەر و شوێن کرن، 142 زەلام و 233 ژن هاتن ڕزگار کرن ژ دەستێ دەولەتا ئیسلامی، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نها دا کومەڵگەها تل عەزێر گەلەک خزمەتگۆزاریێن سەرەکی د کێمن یانژی نینن وەکە ئاڤ و کارەب و رێکێن هاتن و چۆنێ، ل دەستپێکا ساڵێن 2019 و 2020 دە گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
Αυτό το στοιχείο έχει γραφτεί σε (کرمانجی - کوردیی سەروو) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 297