کورد دلۍ چەرخەکا تاریخینە
بەشۍ: هەشتا و یەکەمە
نویستەی: #هاوڕێ باخەوان#

ساڵەو (1401ز): تەیموری لەنگ ئەچی سەدەنە کوردەسانەرە گېڵانۆ، هەرچی ئاوەڎانیێ ئامابۊ ڕاش، کاولش کەردەن. هەر ئەچی ساڵېنە سەی ئەحمەڎ سەردارو لوڕستانی کۊچی دمایینش کەردەن.
ساڵەو (1404- 1447ز): ئەچی فەترەنە خېڵو قەرەقۆینلۆ- بەرخی ڕەشی تورک، ئامێ دلۍ کوردەسانی.
ساڵەو (1405ز): تەیموری لەنگ ئەچی ساڵېنە مەردەن.
ساڵەو (1411ز): ئەچی ساڵېنە نویسەرو عەرەبی قەلقەشەندی باسو هۊزەکانو لوڕ و شول و شوانکارەی مەکەرۊن، ماچۊن: لوڕ دۋۍ تیرېنۍ، گۆرە و گولانە، یەکجار فرېنۍ و فرېچشان وەڵێ بیېنێ و پاشا و میرۍ وېشان هەنۍ و بەشی فرەشان دلۍ وەڵاتو شام و میسرینە مەژیوان.
ساڵەو (1415ز): موسوڵمانەکۍ گۊڕەو شېخ عودەی پیای ئایینی ئێزیدییەکاشا تېکەدێنە.
ساڵەو (1417ز): میرنشینەکانو (بەدلیس و ئازیزان) بە هۊکارو هامڕایی چەنی تورکەکا، پاڵشان دا تورکەکاوە. هەر ئەچی سەردەمەنە قەرە یوسف دەسش گېرتەن سەرو میرنشینو بەدلیسیرە. چی ساڵېنە شاعېری کورد مەلاو باتێ دلۍ دەگاو باتێ ئامان دنیاوە جە ناوچەو هەکاری سەرینی.
ساڵەو (1419ز): حاجی بەگ شېخ بەهلول، بەگ و میرو دونبولی ئەچی ساڵېنە کۊچی دمایینش کەردەن.[1]