کورد دلۍ چەرخەکا تاریخینە
بەشۍ: حەفتا و یەرەمە
نویستەی: #هاوڕێ باخەوان#

ساڵەو (1160ز): ئیبنولئەسیر خاوەنو کتېبو (الکامل فی التاریخ)ی، ئەچی ساڵېنە ئامان دنیاوە دلۍ جزیرەو ئیبن عومەرینە. عەینو ساڵېنە شېخ عودە کوڕو موسافیری سەردارو ئایینو کوردە ئێزیدییەکا کۊچی دمایینش کەردەن.
ساڵەو (1166ز): شېخ عەبدولقادری گەیلانی ئەچی ساڵېنە کۊچی دمایینش کەردەن.
ساڵەو (1168ز): قەڵاو زەڵمی بە فەرمانو بابا ئەردەڵانی وەشەکریێنە. هەر ئەچی ساڵېنە ئاق سونگوری دوەم تاکو ئی ساڵۍ فەرمانڕەوایی دۆڵەتو ڕەوادیش کەردەن.
ساڵەو (1169ز): ئەچی ساڵېنە شېرکۆ کە مامۊ سەلاحەدینی ئەیوبی بېیەن کۊچی دامیینش کەردەن و دمای ئاڎیی سەلاحەدین بېیەن بە جانشینش.
ساڵەو (1172ز): نەجمەدین ئەیوبی ئەچی ساڵېنە سەرو ئەسپەکەیشۆ کۆتەن و مەردەن.
ساڵەو (1173ز): نورەدین زەنکی ئەچی ساڵېنە جە شام کۊچی دمایینش کەردەن. هەر ئەچی ساڵېنە فەرمانڕەوایی ئەیوبی دلۍ میسرینە مەرزیانەرە.
ساڵەو (1176ز): ئەچی ساڵېنە سەلاحەدینی ئەیوبی چواردۆرو قاهیرەیرە شوورێوەش وەشەکەردېنە بە درېژایی (29300) گەزا.
ساڵەو (1181ز): ئەچی ساڵېنە ئیسماعیل زەنکی کۊچی دامیینش کەردەن.[1]