ناڤ: ئەکرەم عەلی محێدین
ناسناڤ: ئەکرەمی مام عەلی
ساڵا ژدایکبوونێ: 1955
جهێ ژدایکبوونێ: #سلێمانی#
ڕێککەفتا وەغەرا داویی: #22-01-2002#
جهێ وەغەرا داویی: وڵاتێ سوید
$ژیاننامە$
ساڵا (1955) ل سلێمانی ژدایک بووویە. ساڵا 1977ێ ب پێنج چیرۆکان پشکداری ل (کۆمەڵەیا چیرۆکا ئاوس)دا کرییە. پەیمانگەها کشتوکاڵی یا (هونەریی) تمام کرییە.
لبەر کو ل قوتابیێن ئێکەم و زیرەک بوو.. ل کۆلێژا کشتوکاڵ ل ئەبوو غرێبێ هستە وەرگرتن، ل ساڵا 1983 دا باوەڕنامەیا خوە وەرگرت و پشترە ل زانینگەها (ئەسکی کەڵەک) وەکە موعید مژویلی وانە گوتنێ بوو.
ل ساڵا 1982 دا ژیانی هەڤژینێ پێکئانییە و کوڕەک بناڤێ زۆزک هەیە . =KTML_Photo_Begin=https://www.kurdipedia.org/files/relatedfiles/2010/3308/0001.JPG=KTML_Photo_Alt=ئەکرەم عەلی محێدین - ئەکرەمی مام عەلی=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/3308/0001.JPG=KTML_Photo_End=
ئەکرەمێ مام عەلی دەمێ کوو هەست ب وێ چەندێ کر کوو زولم و زۆرا ڕژێمێ لسەر خوە و نەتەوێ وی یا زێدەیە بەرەف شاخ کەتە ڕێ و ژیانا پێشمەرگاتیێ هەلبژارد، لێ پشتی چەندەکێ ب چەند ئەگەران ل وێرێ نەکاری خوە ڕابگریت و ل ساڵا 1986 ژیانا ئاوارەیی و هەندەران هەلبژارد و بەرەف وڵاتێ سویدێ کەفتەڕیێ.
لوێرێ ژبو ڕێڤەبرنا ژیانا خوە دەست بکار کرنێ کر. ساڵا 1992 کۆمەلا چیرۆکان بناڤێ (بازنەی خۆر) ل سویدێ چاپ و بەڵاڤ کر کو شەش کوورتە چیرۆک لخوە گرتبوون.
دەستەیا ڕێڤەبەریا ڕادیۆیا (ئاوات-هێڤی) بوو کو ل مالمۆیا سویدێ ب زمانێ کوردی دهاتە وەشاندن.
بەردەوام ل دژی شەڕێ میللەت کوژی ل باشوورا مەزندە و لدیف ئاریشەیێن گەرم و گوڕێن کورد ب گیان و نەفەسەکا مرۆڤ دۆستانە و کوردپەروەرانەوە تەنز ئامێز گوتار دنڤیسین و سەمینارێن جۆربجۆر ساز دکرن.
دەستەیا نڤیسەرێن بەڵاڤۆکا چراخان بوو ک ب کوردی ل سویدێ دهاتە چاپ کرن.. ب بەردەوامیش گۆشەیەکا تەنزئامیز تێدا هەبوو.
ئەندامێ دەستەیا نڤیسەرێن گۆڤارا (مەڵبەند) بوو کو ل لەندەنێ دەردچوو و لڤێرێ ژی سەرباری بابەت و گوتاران، گۆشەیەکە بەردەوام یا تەنزئامێز هەبوو.
ل مەهنامەیا (ژینی نوێ) و (پەیام) و (ڕۆژی نوێ) دا گوتار و بدیفداچوونێن ڕۆژنامەگەری بەڵاڤ دکرن.
ڕولەکە دیار ل پەروەردە کرنا زارۆکێن کورد ل سویدێ هەبووە، ب تایبەت ل بوارێ فێرکرنا زمانێ کوردی.
کۆمەک چیرۆک و پەخشانێن جۆربجۆرێن دن ب زمانێ کوردی و عەرەبی هەنە، کو پشکەکە زورا وانا نەهاتینە بەڵاڤ کرن. کۆمەکا چیرۆکان ل زمانێ عەرەبی و فارسی وسویدی کرینە کوردی .
ل ڕوژا #22-01-2002# ل وڵاتێ سویدێ ب نەخوەشی وەغەرا داویێ کر و هەر لوێرێ ژی هاتە بخاک سپاردن .[1]