پۊختێوە جە تاریخو هۆرامانی و سرووشتو ژیوای خەڵکەکەیش
بەشۍ: ویسەمە
نویستەی: #ئیبراهیم میکە عەلی#
سەردەمو حوکمڕانی جافر سانینە چڼ قومیاێوە قومیێنیٛ پیٛسەو:
*سەرهوردای جوڵیایۆ مەشروتەوازا هەکە جافر سانیچ هەوادارو ئا جوڵیایۆ بېیەن، ساڵەو (1914) عیسایی .
*هامسەردەمو ناسرەدین شاو قاجاری بېیەن هەکە ئا سەردەمە کاریگەریش بېیەن سەرو گردو ئیٛرانیۆ، ساڵەو (1313) کوٙچی .
*سەردەمو حکو جافر سانینە عوسمانیەکیٛ تەپشاکوان سەرو وەرنیشتو ئیٛرانی جە ساڵەو ( 1914) عیسایینە.
*پەلاماردای ئیٛرانی لاو ڕوسیای و ئینگلیزیۆ وەختێنە هەکە عوسمانییٛ و ئاڵمانەکیٛچ ئیٛرانەنە بیٛنی ساڵەو (1915) عیسایینە .
*هورگیسیای یوەم جەنگی جەهانی ساڵەو (1914) عیسایی .
*مەڕیای هامپەیمانەکا و بەلشیفیەکا ڕوسیانە، (1917) عیسایی .
*کوتایی قاجارەکا و سەرەتاو سەردەمو پەهلەوی یوەمی (ڕەزاخان) .
*سەرهوردای کوردەکا و داواکاری دروسکەردەی دەوڵەتی، بەتایبەت شیٛخ مەحمودی بەرزنجی هەکە هامسنورو جافر سانی بېیەن .
*بەرپابېیەی شوڕشی جە هۆرامان و کوردەسانەنە (سمکوٙی شکاک) .
*دەسبەکاربېیەی پەهلەویەکا.
ڕووبەڕووبېیەیۆ چەنی خیٛڵ و ئیٛلەکا سەرانسەرو ئیٛرانی لاو دەوڵەتی پەهلەویۆ.
میانو ئا قوٙمیایانە و دلیٛ ئا گیٛجاویٛنە جافر سان حکومەتو دەسەڵاتی سەربەویٛ هورسوڕنیٛ و دەسەڵاتەکەش یاسا و تەشکیلاتی ئیداریی و سوپا و نائیبولحکومە و مونشی تەحریراتش بېیەن، هەکە نامیٛش عینایەت بەگ بېیەن.[1]