قایمقامی شارۆچکەی #ئامێدی# ئاماژەی بۆ ئەوە کرد: ژمارەیەک پڕۆژەی خزمەتگوزاری لە سنووری شارۆچکەکە جێبەجێ دەکرێن و حکوومەت چوار ملیار و نیوی بۆ ئەو مەبەستە دابین کردووە.
وارشی سەلمان، قایمقامی ئامێدی ڕایگەیاند: لە سنووری شارۆچکەی ئامێدی ژمارەیەک پڕۆژەی خزمەتگوزاری جێبەجێ دەکرێن، #حکومەتی هەرێمی کوردستان# چوار ملیار و 500 ملیۆن دیناری بۆ ئەو پڕۆژانە دابین کردووە، دوای تەواوبوونیان کاریگەریان لەسەر ناوچەکە دەبێت، چونکە ئەو پڕۆژانە پێویستی دەڤەرەکەمانن بۆ زیاتر گەیاندنی خزمەتگوزاری.
قایمقامی ئامێدی دەڵێت: پڕۆژەکان هەمەجۆرن لەوانە درووستکردنی ڕێگای پیادە بۆ چەندین ناوچەی شوێنەواریی ئامێدی، درووستکردنی شەقام لە شارەدێی #سەرسەنگ# و پارکێکی نوێ لە شارەدێی سەرسەنگ.
وارشین سەلمان ئاماژەی بۆ ئەوە کرد: ئێستا پارکی دەروازەی ئامێدی لە قۆناغی کۆتاییە و دوای تەواوبوونی بەڕووی هاووڵاتییان و گەشتیاراندا دەکرێتەوە، ساڵی ڕابردوو چەندین پڕۆژە جێبەجێکراون، چونکە دوای سەردانی سەرۆکی حکوومەت زنجیرەیەک پڕۆژە لە ئامێدی جێبەجێکران. [1]