دوایی کۆتاهاتنی یاری نێوان تیمی بالەی یانەی پێشمەرگە و حەبانیە لە چوارچێوەی یارییەکانی جەولەی یەکەمی کۆبوونەوەی یەکەم لە خولی نایابی بالەی یانەکانی ئێراق و بردنەوەی کوڕانی پێشمەرگە لە بەرانبەر یاریزانانی حەبانیە، لیژنەی هەڵسەنگاندنی باشترینەکان و چاودێری یارییەکانی خولەکە باشترینەکانی یاری نێوان هەردوو تیمی دیاری کرد کە تێیدا یاریزان ئەسیل جەمیل یاریزانی ژمارە 17 بە بەدەست هێنانی 7 خاڵ بووە باشترین یاریزان هەروەک د.عەلی تەها بە باشترین ڕافع و منزر خەلدوون بە باشترین یاریزانی سەربەست (لیبرۆ) دیاری کران.
منتزر محەمەد بە باشترین یاریزانی پێگەی 4 لە یاریگەدا دیاری کرا و ئەسیل جەمیل یش باشترینی پێگەی 2 (خلفی) بوو.
لە پێگەی بەربەست (بلۆک) هیوا حسێن یاریزانی هێڵی پێگەی 3 (سەنتەر) باشترین یاریزانی یاری نێوان پێشمەرگە و حەبانیە بوو، دواجار محەمەد مەحمود بە باشترین یاریزانی پێگەی 3 (سەنتەر) دیاری کران.
بەو شێوەیەش شەش یاریزانی یانەی پێشمەرگە لە باشترینەکان بوون لەو یاریەدا.
[1]