ئازاد کەریم مام عەلی یێ بەرنیاس ب ئازادە ڕەش ، ل #22-11-1965# ل گوندێ شێخ هۆمەر سەر ب باژێڕوکێ #تانجەرۆ# ژدایک بوویە.
مەها 10یا ساڵا 1981 پەیوەندی کرییە ب هێزا پێشمەرگە و ل دەڤەرا شارەزوور یا سەر ب هەرێما 5یا #قەرەداغ# دەڤ شەهید حەمە سەعید سێتەڵانی، دەستپێکا ساڵا 1982 گەشتییە ناوزەنگ و ناڤەندا کۆمەڵەیێ، لسەر داخوازا #مام جەلال تاڵەبانی# وەکە بچوکترین پێشمەرگەیێ شوڕەشێ ل ڕییا دەنگێ شوڕەشا ئیراقێ (#دەنگێ گەلێ کوردستان#) هاتە ناساندن. دوماهیکا ساڵا 1982 ڤەگەڕیا دەڤەرا قەرەداغ و بەردەوام بوویە ل خەباتێ.
لە #21-09-1984# تەڤی شەهید گژەی حەسەن بەلاش کەتینە بەر ئێرشا کۆپتەرێن تانجەرۆ، گژە شەهید دبیت و ئازادە ڕەشیش بسەختی بریندار دبیت. هەیا دوماهیکا ساڵا 1985 بەردەوام بوویە و پشتڕە پەیوەندی کرییە ب (ئاڵای شۆڕش) . ل ڕوژ #21-07-1986# ژئالێ ئیستخباراتا بەعس ل دەمێ ئەنجامدانا چالاکیاندە ل #سلێمانی# و ل جادەیا پیرەمێرد دکەڤیتە بۆسەیێ و ب چەکیڤە دهێتە دەستەسەر کرن.
پشتی هەیامەکێ زۆر ل زیندانێن بەعسێ ب لێبوورینا گشتی د ڕوژا #16-09-1988# ئازاد دبیت. پشتڕە بەردەوام بوویە ل چالاکی یێن سیاسی هەیا بەرێ سپێدا #07-03-1991# لدیف نەخشەیەکێ بەرنامە بو داڕێژرا لبەر دەرگەهێ ماڵا خوە ل فولکەی دەستارەکە ل باژێڕێ سلێمانی ئێکەم فیشەکا بانگەوازا ڕاپەڕینی دەست پێ کرییە. لدیف وی نەخشەیێ کوو دانا بوو ب هەڤالینیا شێخ وەهاب و شێخ عومەرو شێخ کەریم تیماری و شەهید خالیدێ مەلا عەلی و دکتور نەبەز خالید و یاسین سالەی کەریمان و نەسرەدین و هەموو ئەو ژن و زەڵامێن چاڤنەترس ڕێک ئێخستبوو و ب پشتەڤانیا خەڵکی خەباتا ڕاپەڕینێ دەست پێکر و سەرکەتن.
پشتڕە وەکە کادرەکێ سەربازی و ئیداری لناڤا مەکتەبا عەسکەری و پشتڕە فەرماندەیی گشتی و بەرپرسیارێ ئیدارەیا مەڵبەندا پێشمەرگە درێژە ب کارێ خوە دایە. هەیامەکێ زوریش بەرپرسیارێ لیژنەیا زەڤییان بوویە . هەروەسا ئەندامی لیژنەیا خانەنشینی یا پێشمەرگەی بوویە . تەڤی خەبات و تێکۆشانێ وەکە هونەرمەندەک یێ بەردەوام بوویە ل کارێ هونەری و ل بوارێ موزیک و سترانان و هەروەها نڤیسینا هۆزانان و کورتە پەخشان و چیروکان . هەیا ساڵا 2011 ێ وەکە هونەرمەندەک بەردەوامە ل خەبات و کارێن خوە.[1]