#ئێستا کچێک نیشتمانمە#
ئێوارەیە و لەسەر جادەی سەهۆڵەکە ڕاوەستاوم
نیشتمانی کۆن خەریکە دابچێت و ئاوا ببێ
تۆزێکی تر نیشتمانە تازەکەی خۆم
ڕۆزانا هەڵدێ و پێکەوە
وەک دوو پرسیاری نێر و مێ
تازە و تینوو
کەڵەگەتتر لە دروشم و
لە منارە و
چون (با)ی بێباک لە دیوار و
لە جوگرافیای حەرام و
دیرۆکی ترس.
هەر دوو بە جووت
قۆڵ لە قۆڵی یەکتریدا
گوڵ بە دەم و
هەتاو لە چاو
سەر بەرەو ژوور ئەبینەوە
بۆ ئەو باخچەی عەشق و خەونەی
نە زەرد ئەبێ و
نە پیر ئەبێ و
نە ئەیشمرێ!
#شێرکۆ بێکەس# [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە.=KTML_End=