#ئێستا کچێک نیشتمانمە#
سڵاوێکی دوورو درێژ!
من ناوم (پرچ)ە
نیشتمانم سەری ژنێکە.
لە سێ لاوە گەمارۆ دراوم
بە حیجاب!
چەندین ساڵە زیندانیم
نە هەتاو ئەتوانێ
سەردانم بکاو
نە (با) و
نە ئەهێڵێ بچمە دەرێ و
ڕێگەش نادا
بە هیچ شیعرێ یان ئاوازێ
کە بێنە لام.
وەلێ ئیتر
من بە نەهێنی
لەگەڵ پەنجەکاندا ڕێکەوتووم
ئەمشەو زیندانەکە ئەبڕین
ئازاد ئەبم
لە دواییشدا
حیجابەکەیش ئەدەینە دەست
چەخماخەیەک
لەسەر بەرزترین لوتکە
بە بەرچاوی مێزەرەکانی دنیاوە
بیسوتێنێ!
#شێرکۆ بێکەس#. [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە.=KTML_End=
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 134