کۆلاجین ڕۆڵێکی گرنگیی هەیە لە بنیادنانی جەستە، یارمەتیدەری پێست، قژ، نینۆک، ئێسک و جومگەکانە، هەر بۆیە گرنگە بایەخ بەو خواردنانە بدەیت کە یارمەتیی بەرهەمهێنانی کۆلاجین دەدەن لە جەستەدا، ماڵپەڕی Health Shot باشترین خۆراکەکانی بڵاوکردووەتەوە.

1. شۆربای ئێسک، سەرچاوەیەکی دەوڵەمەندی کۆلاجینە، باشتر وایە ئێسکی ئاژەڵی گەورە بەکاربێت.
2. ماسی، وەکوو ماسی ساردین، سەلەمون و ماکرێل سەرچاوەی کۆلاجینن.
3. مریشک، هەموو بەشەکانی مریشک سوودیان هەیە بۆ زیادبوونی کۆلاجینی جەستە، بەتایبەتیی لە پێست و ئێسکدا.
4. سپێنەی هێلکە، جگە لەوەی یارمەتیی کەمبوونەوەی کێشی جەستە دەدات، ترشی ئامینۆی تێدایە و یارمەتیی جەستە دەدات بۆ بەرهەمهێنانی کۆلاجین.
5. بێری، وەکوو ڕازبێری و شلیک، دژە ئۆکسانێکی زۆر باشن و ڕێگری دەکەن لە کەمبوونەوەی کۆلاجین.
6. میوە مزرەکان، وەکوو لیمۆ و پرتەقاڵ، ڕێژەیەکی زۆر لە ڤیتامین C لە پێکهاتەیاندا هەیە، سوود بە پێست دەگەیەنن. [1]