نامۍ: مەزهەر
نازنام: خالقی
نامۊ تاتەی: جەلالەددین
ڕۊ پېڎابېیەی: #09-09-1938#
یاگۊ پېڎابېیەی: #سنە#
$ژیۋاینامە$
مەزهەری خالقی دلۍ بنەیانێ ئایینینە جە شارو سنەی، وەرکۆتو کوردەسانی ئامان دنیاوە، تاتەش (مەردۊخی) و ئەڎاش (ئەردەڵانی) ەنە، قۊناغەو سەرەتایینە لوانەنە دلۍ هەرمانەی هونەریۍ، ئەوەڵجار بە گۊرانیۍ فارسیۍ دەم و گڵویش کریێنۆ، دماتەر چېرو دەسو (حەسەن کامگار) ینە زیاتەر پەرەش بە گۊرانیا و مەقاماتی دان. دلۍ شارەکانو (سنە، سەقز، تاران) ینە هەرمانەی هونەریەش کەردېنە. میانو ساڵەکا (1958-1979ز) نزیکۆ (200) گۊرانیېش تۊمارۍ کەردېنۍ. شېعرۍ گۊرانیەکاش هینۍ شاعېرە وەڵینەکانۍ پېسە (بېسارانی، مەولەوی، گۊران، پیرەمێرد، .....هتد) ، شېعرۍ بڕێ جە ئاوازە نایابەکاش هینۍ کەسی ئەشناسیاو هۆرامان و کوردەسانی (دکتور عابید سیراجەددینی) بیېنی. خالقی هەم پېسە مامۊسێوی جە شارو سەقزی دەرسش واتەنۆ، جە زانکۊ تارانی بەکالوریوسش جە فیزیانە و دماتەر ماستەرش جە ڕاوەبەری پیشەسازینە وەرگېرتەن، ئەچاگە چڼین بەرهەمۍ زەریف و بېوېنېش تۊمارۍ کەردېنۍ. مەزهەری خاڵقی خاوەنو دەنگ و سەدایێوە نەرم و ئارام بەخشین، دەنگش هینو وېشەنو یەنگۍ کەسی نمەکەرۊوە، ئاڎ وېش بە تەنیا مەدرەسێ هونەری جیاوازەن.
ساڵەو (1983ز) بە هۊکارو تېک شېیەی وەزعۍ و جە درېژەو جەنگو ئێراق_ئێرانینە وڵاتو وېش جیامازۊو ڕوە منیۊ پانیشتو کوردەسانی، پەی موددێ مەنۊوەو دماتەر ڕاو بېگانستانی مەگېرۊ وەر.
جە وڵاتو بەریتانیای، شارو لەندەنی نیشتەجا بېیەن، ئەچاگە دوۍ شریتۍ بە چن ئاوازۍ وەش و دڵگیرېش پېشکەشو هونەری کوردی کەردېنۍ.
مەزهەری خالقی جە لەندەن، سەرەڕاو هەرمانە هونەریەکاش، دلۍ میانە ئەدەبیەکانە خزمەتش کەردەن، ئەندامو مەڵبەڼو ڕۊشنۋیری کوردی بېیەن، پەی ماوەو یەرۍ دۆرا سەرۊکو ئا میانە کەلتووریەیە بېیەن بە شېوەی وېبەخشی.
خالقی ساڵەو (2002ز) گېڵانۆ پەی کوردەسانی و جە پانیشتەنە نیشتەجا بېیەن، میانێ کەلتووری و ئەدەبیش مەرزنانەرە بە نامۍ (ئادان) ی جە شارو سلێمانی، کە دمایی بە (ئینستیتیوتی کەلەپوری کوردی) ئەشناسیا.
ئاماڎەکەردەی: ئەسعەد ڕەشید.[1]