نامۍ: عەبدولکەریم
نازنام: بېیارۍ_ مودەریس
نامۊ تاتەی: محەمەد
ساڵۊ پېڎابېیەی: #1903ز#
ڕۊ مەرڎەی: #30-08-2005ز#
یاگۊ پېڎابېیەی: #تەکیە- خورماڵ# یام #گوێزە کۋېرە-مەریوان#
یاگۊ مەرڎەی: #بەغڎا#
$ژیۋاینامە$
مەڵڵا عەبدولکەریمو بېیارۍ
ئەشناسیاچ بە مەڵڵا عەبدولکەریمی مودەڕیس، ساڵەو (1903ز) جە دەگاو (تەکیە) ی سەر بە شارو خورماڵی ئامان دنیاوە. ڕایێ تەرە ماچۊ کە دەگێوە نزیک بە مەریوانی ئامان دنیاوە،
پەنەش ماچان (گوێزە کۋېرە) ، نامۍ تەمامەش (عەبدولکەریم محەمەد فەتاح)، سەرەتا بە قورئان و کتېبە ئایینیەکا دەسش پەنەکەردەن، دەمو جەنگی جەهانی یەکەمینە مزگی مەڵکەڼی جە شارو سلېمانی نیشتەجا بېیەن، دماتەر هەر ئەچی شارەنە سەرو دەسو زانای گۆرە (شېخ عومەر ئیبن قەرەداخی) ئیجازەو مەڵڵاییش گېرتەن.
دماتەر بېیەن بە مەڵڵاو مزگی دەگاو نێرگزەجاڕی، ئەچاگە سەرو داواو (شېخ عەلائەدین نەقشبەندی) تەشریف مارۊ پەی (بېیارۍ) کە بە ئەزهەری شەریف ئەشناسیان.
نازنامو (مودەریس) ی مەگېڵۊوە پەی ئا وەختەیە کە بېیارۍ بېیەن، ماوەو (25) ساڵا وانېش واتېنێ، چڼەها مەڵڵێ و عالمۍ نامڎارۍ و شارەزێ وەردەمشەنە یاوێنی پەنە.
ساڵەو (1960ز) تەشریفش بەردەن پەی مزگی حەزرەتو عەبدولقادری گەیلانی جە شارو بەغڎای، چاگە پېسە (مودەریس)ی مەرزیانەرە، زیاتەر جە (50) فەقیا خزمەتشەنە بیېنۍ، ئیجازەی زانستیشان وەرگېرتەن.
ئی زانا پایە بەرزە چڼین بەرهەمی بە پېزېش ۋستېنۍ دلۍ مەکتەبەی کوردی، دلېشانە تەفسیرو قورئانی و بابەتە شەرعیەکی، دیوانە شېعرۍ وېش چېرو نازنامو (نامی) نە، لەیەکۆدایۆ دیوانە شېعرەکا (مەولانا خالیدی نەقشبەندی، شېخ عوسمانی سیراجەدین، مەولەوی، نالی، مەحوی، فەقی قادرو هەمەوەندی ....هتد) .
پەی چڼن ساڵا پېسە سەرۆکو (ڕابطە علماء العراق) ی ساحېبو فتوای شەرعیۍ بېیەن.
ئی زانا گۆرە جە تەمەنو (104) ساڵینە، تاریخو (30-08-2005ز) کۊچی دمایینش کەردەن، هەر چاگە ئەسپەردە کریان.
بەرهەمەکی مەڵڵا عەبدولکەریمی:
1-باخچەی گوڵان
2-ۋاران؛ وارانی ڕەحمەت
3-بەھار و گوڵزار
4-بنەماڵەی زانیاران
5-تەرجەمەی بەھارستانی جامی (چاپ نەکران)
6-شەرحی تەسریفی زنجانی
7-تەفسیری نامی (دلۍ چن بەرگێنە)
8-سەناو سکاڵا
9-حەج نامە
10-خۆلاسەی تەفسیری نامی
11-دوو ڕشتە
12-دیوانی فەقێ قادری ھەمەوەند
13-دیوانی مەحوی
14-دیوانی مەولۊی
15-دیوانی نالی
16-ڕۆژگاری ژیانم
17-ڕۆژگای بەھەشت
18-ڕێگای پێغەمبەر
19-سەرچاوەی ئایین
20-سۆسەنی کۊسار
21-شەریعەتی ئیسلام (دلۍ چوار بەرگانە)
22-شەمامەیبۊندار
23-شەوچەرەی دڵدار
24-عەقیدەی مرضیةی مەولۊی
25-کەراماتی حەزرەتی ضیاء الدین (قدس سرە)
26-لیمۆی مەزەدار
27-مەولودنامە و میعراجنامە
28-مەکتووبات کاک ئەحمەدی شێخ
29-نامەی بەختیار
30-نامەی ھۆشېیار
31-شەمامەیبۊندار
32-نووری ئیسلام
33-نووری قورئان
34-وەنەوەشەی نازدار
35-وتاری ئایینیبۊ ڕۊژانی هەینی
36-یادی مەردان (دوۍ بەرگۍ) .
بەرھەمەکېش بە زوانی فارسی:
37-فوائدالفوائح
38-رسالە شمشیرکاری
بەرھەمەکان بە زمانی عەرەبی:
39-علماءنا فی خدمة علم و الدین
40-الصرف الواضخ للمبتدئین
41-الإسلام.
ئاماڎەکەردەی: ئەسعەد ڕەشید.[1]