ناونیشانی بابەت: سۆران حەمەڕەش، نووسەر و زمانزان: ڕۆژێک دێت لێکۆڵەرانی جیهان ڕوو بکەنە کوردستان بۆ لێکۆڵینەوە لە زمانی کوردی
#سۆران حەمەڕەش#، نووسەر و مێژوونووس و زمانزانی کوردی، لە نووسینێکدا، ئاماژە بەوە دەکات، نوێترین لێکۆڵینەوەی زانستیی جیهانی پشتگیری لە ئەنجامەکانی پەرتووکی ”مێژووی بزر و نەگێردراوەی کورد“ دەکات، کە خۆی نووسەری ئەو پەرتووکەیە.
دەشڵێت: بەپێی لێکۆڵینەوەی، تیمێکی نێودەوڵەتی زمانناس و جیناتناسانی پەیوەست بە پەیمانگای ئەنترۆپۆلۆژیای پەرەسەندن. ماکس پلانک سەبارەت بە سەرچاوە و بڵاوبوونەوەی زمانە هیندۆئەوروپییەکان، کوردستان دادەنێت.
دەشڵێت: بەشێوەیەکی زۆر ڕوونتر لە پەرتووکەکەمدا (مێژووی بزر و نەگێڕدراوەی کورد) ئاماژەم بەوە کردووە کە زمانی هیندۆئەوروپی لە #کوردستان#ەوە بە جیهاندا بڵاوبووەتەوە و تەنانەت نەخشەی کەوانەی بەپیتم خستۆتە ڕوو کە ئەوە سەرەتای شارستانییەتەکەیە و زمانەکەش و کوردستان لەناوجەرگەی ئەو کەوانە بەپیتەدایە.
سۆران حەمەڕەش، دەشڵێت: هەر وەک لە پەرتووکەکەمدا ئاماژەم پێداوە، دڵنیایتدەکەمەوە کە ڕۆژێک دێت لێکۆڵەران لە جیهانەوە ڕووبکەنە کوردستان بە مەبەستی لێکۆڵینەوە لە زمانی کوردی، ئەوەش بە ئامانجی تێگەیشتن لە پڕۆسەی درووستبوونی زمانی هیندۆئەورووپی. [1]