(کا) هینو وېت نېیەن، خۊ (کاڎان) هینو وېتەن
ئی پەندۍ ئینا ئاستێ بەرزی کومەڵی و مەعریفینە، تەجروبێ وەڵینەکامانە کە بەرهەمش ئی حیکمەتەنە، ئینە بە ڕاسی حیکمەتەن، دەرسەن پەی گرڎ کەسێ، فېربېیەی ئەتەکێتو واردەین.
ئی پەندۍ فېرمان کەرۊن هەکە مەشۊم وەرمۍ پەی ئانەیە بژیومۍ، نەک بژیومۍ پەی ئانەیە بوەرمۍ.
ئینسان حەزش جە واردەیەن، چېوێ سرووشتین، بەڵام ئانەی سرووشتی نېیەن زیاڎە خۊرین، فرە واردەین، چوونکوم پېسە مزانمۍ واردە پېویسەن پەی ژیوای، هەم لەزەتش چەنە بریۊن،
بەڵام فرەییش مەبۊن بە هۊکارو قەڵەوی و نەوەشی و زیاڎە مەسرەفی.
ئا کەسۍ کە زیاڎە ڕەوی جە واردەنە کەران باجەکەیش مڎان، دیارەن پەندەکېچ هەر ئەچاگۆ ئامێنە بېیەی، گەر کەسێ واردەی فرە بوەرۊن، نەوەش بگنۊن، پەنەش ماچان دەی برا (کا) کە هینو وېت نەبۍ، خۊ (کاڎان) ەکە هینو وېت بۍ!
هەرچن (کا و کاڎان) واردە و یاگۍ وڵاخینە، بەڵام پېسە پەندی بەکارشان ئاردېنە پەی ئا کەسا هەکە زیاڎە ڕەوی کەران.[1]