ناڤ: جەواد
ناسناڤ: حاکم جەواد
ناڤێ بابی: ساڵح
ساڵا ژدایک بوونێ: 1957
جهێ ژدایک بوونێ: باژێڕوکێ #ڕواندز#
ڕێکەفتا وەغەرا داویێ: #26-08-2019#
$ژیاننامە$
حاکم جەواد ساڵح نەورۆز ئەفەندی ساڵا (1957) ل ڕەواندز ژ دایکبووە. ساڵا (1983- 1984) کۆلێژا یاسا و ڕامیاری، پشکا یاسایێ ل زانینگەها بەغدایێ تمام کرییە و باوەڕناما بەکالۆریۆسێ بدەست خوەڤە ئینایە.
ساڵا (1984) بویە پێشمەرگە و ل ساڵا (1989) دا ئەندامێ دەستەیا دامەزرێنەرا (یەکێتیا مافپەروەرێن کوردستان)ێ بوویە ل چیا و دهەمان دەمدە ژبو هەیامەکی دادوەرێ شوڕەشێ بوویە. ل ساڵا (1996) بوویە ڕێڤەبەرێ ناحیا ڕەواندز، ساڵا (2001- 2002) ڕێڤەبەرێ ناحیا بالیسانێ بوویە، ئێکە ل نەڤیێن چەکسازێ ژێهاتی (#وەستا ڕەجەب#) . حاکم جەواد تێکوشەر و نڤیسەرەکێ بلیمەت بوویە، هەیا ل ژیانێدا مابوو دوو پەرتووک چاپ کرینە و ژبلی وانا ب دەهان و سەدان گوتار ل گوڤار و ڕوژنامە و سایتێن ئەلکترۆنی بەڵاڤ کرینە. حاکم جەواد لسەر وەسیەت و ڕاسپاردەیا #نەوشیروان مستەفا# پەرتووکەکێ ب ناڤێ وەستا ڕەجەب چەکسازی بلیمەت دێنڤیسیت.
ساڵا (1987) ل وەرتێ دیدارەک تەڤی ڕەوانشاد نەوشیروان مستەفا دێ هەبیت، پشتی ئێکترناسینێ نەوشیروان مستەفا داخوازا لێ دکەت کوو هەمی زانیاریان دەربارێ وەستا ڕەجەب هوستایێ درووست کرنا چەکێ توپێ ل سەردەمێ #میر محەمەد پاشا#ی کۆرەیا ڕەواندزێ کۆم بکەت و ل پەرتووکەکێدە بەڵاڤ بکەتن.
حاکم جەواد ئیماژە بڤێ چەندێ کربوو کوو توو دەمەکی ئەڤ داخازیا نەوشیڕوان مستەفای ژبیرنەکربوو، لەوما پشتی چەندین ساڵان مرادا خوە و کاک نەوشیروانی بجی گەهاند و پەرتووکەکە چاپ کر و لدەمێ بەڵاڤکرنا ڤێ پەرتوکێ ژی ب ڕییا دەزگەهێن ڕاگهاندنێ ل ڕواندز پەرتووکەکە پێشکەشێ ڕحا نەوشیروان مستەفای کر. پەرتووکەکە دن بناڤێ (سەربار لە بنبار گرانتر! ) بەڵاڤ کر کوو ب ڕەخنەگرتنێ بەحسا بکارهینانا وشەیێن بیانی ل فەرهەنگ و زمانێ کوردیدا دکەتن .
جهێ ئیماژێیە کوو حاکم جەواد ل ماڵباتا وەستا ڕەجەبە، وەستا ڕەجەب هوستای درووستکرنا چەکێ توپێ بوویە ل سەردەمێ میرنشینا سۆران، کو میر محەمەد پاشایێ ڕەواندز یێ بەرنیاس ب پاشایێ کورە، میرێ وێ میرنشینێ بویە و ڕەواندزیش پایتەختێ میرنشینا سۆران بوویە. حاکم جەواد ل ڕێکەفتا 26-08-2019 وەغەرا داویێ کرییە.[1]