ناڤ: ئەوڕەحمان
ناسناڤ: ئەوڕەحمان پاشای بابان
ناڤێ بابی: مەحمود
ڕوژا وەغەرا داویی: #22-08-1813#
$ژیاننامە$
ئەوڕەحمان پاشایێ کوڕێ مەحمود پاشایێ بابان ئێکە ل میرێن ناڤدارێن کورد و ل سەردەمێ ویدە میرنشینا بابان کەتە هەمبەری گەلەک گوڕانکاری یێن سیاسی و سەربازیی یێن مەزن.
ئەوڕەحمان پاشا هەستا هندێ کربوو کو سنوورێ تەسکێ دەڤەرێ و نەبوونا پەیوەندی یا ڕاستەڕاست ب سوڵتانێن عوسمانی ڤە دوو هەڕەشەێن مەزنن بوو سەر کورد و سەر میرنشینا بابان، لەوما چەندین جاران هەوڵا هندێ دا کوو سنوورێ میرنشینا بابان مەزن بکەت و هەم هێزەکە چەکداری وەسا هەبیت کو والیێ بەغدا نەکارت دەستدرێژی بکەتە سەر.
ناکوکیا کەڤن یا دناڤبەرا دەولەتا ئیران و دەولەتا عوسمانی و ناتەباییا ناڤبەرا سەردارێن بابانیدە مرادا دلێ ئەوڕەحمان پاشا دناڤبر. ئەوڕەحمان پاشا ل ساڵا (1783) یا زاینی هەیا ناڤەڕاستا سالێن هەشتێ یێن سەد ساڵا نوزدێ ب پچڕپچڕی ماوێ (24) ساڵان میرێ وڵاتێ بابان بوو و ژبەر بەرگری کرنێ لڤێ میرنشینێ، گەلەک شەڕ کرینە، دوو جاران ل دەڤەرا (دەربەندا بازیان) بوونە و ل سەردەمەکیشدە هندێ بهێز بوویە کوو مەترسی بو سەر دەسهەڵاتا والیێ بەغدا چێکرینە.
کاربدەستێن دەولەتا عوسمانی هەست ب ڤێ مەترسیێ و ئارمانجا مەزنا ئەوڕەحمان پاشای کر، لەوما چەند جارەکان و ژبەر کوو ل کوردستانێ دیر بێخن، پۆستێن وەزاری ل #ئیستانبوڵ#ێ ژێڕە پێشنیار کرین لێ ئەوڕەحمان پاشا ئەو پێشنیارە هەمی ڕەتکرینە. ئەوڕەحمان پاشا بلی هندێ کوو فەرماندەیەکە سەربازیی و سەرکردەیەکێ ژێهاتی د کاروبارێن ئیداری بوویە، مروڤەکێ بەخشندە و پشتەڤانەکێ مەزن یێ زانا و هەلبەستڤان و نڤیسەران بوویە.
دگەل لناڤچوونا دەستهەڵاتا ئەوڕەحمان پاشا، میرنشینا بابان ئەو سەربەخۆییا خوە لدەستدا و ب ئاشکرا کەتە بن کۆنترۆڵا والیێ بەغدایێ و کاربدەستێن عوسمانی. پاشایێ ناڤدار یێ میرنشینا بابان ڕوژا 22-08-1813 وەغەرا داویێ کر.[1]