#ستوونا مرازا#
جهەکێ پیرۆزێ ئاینێ ئێزدیا یە دکەڤیتە د ئاڤاهیا مەمێ شڤان دا ل #لالش#ا نوورانی، هەر وەکو ژ ناڤێ ڤی جهێ پیرۆز دیار جهێ مرازا یە، هەر کەسێ ئێزدی لدەمێ سەرەدانا لالش دکەت و مرازەک د دلی دا هەبت قەستا ستوونا مرازا دکەت ب دلەکێ پاقژ هیڤی و دوعایا ل ڤی جهێ پیرۆز ژ خودێ و خودانێ ستوونا مرازا د خوازت، ل دەمێ کوو کەسەک قەستا ستوونا مرازا دکەت جهێ تایبەت هەیە یان ژی ستوونەکا تایبەت هەیە کو خەلک دەستێ خوە لدۆر د ئالینن و هەر کەسێ دەستێ وی گەهشتن ئێک د باوەڕیا ئێزدیان دا ئەو مرازا د دلێ وی کەسی دا خودێ و خودانێ مرازا دێ هیڤیا دلی وی کەسی دا کەتە راستی، ئەگەر ب دلەکێ سافی و ئیمانەکا پاقژ هیڤی و دوعایا بکەت و پشتی مرازا د دلی دا دهێتە جی ئەو کەس سەربڕەکێ یان هەر تشتەک دکەت خێر و دیسا دهێت لالش و قەستا ستوونا مرازا دکەت و ئەو کەسێ دەستێ وی پێرا نە گەهن سەر دەری دێ هیڤیا و دوعایا بۆ وی کەسی خوازت و دلێ وی کەسی خۆش کەت و سەردەری هیڤیا ژ خودێ دخوازت کو هەتا جارەکا دی دەستێ ڤی کەسی پێرا بگەهن و مرازا ددلی دا حاسل بت، چەندین ڕێوڕسمێن تایبەت لبەر ڤی مەزارگەهی دهێنە گێران لدەمێ جەژنا چلێ هاڤینێ و جەژنا چلێ زڤستانێ و جەژنا جەمای و هەر جار دوو سمات ( سمات خوارنەکا تایبەتا ل ڕێوڕسمێن ئێزدیان دهێت چێکرن ) دهێنە چێکرن چنکو دوو نیشان لبەر ڤی مەزارگەهی هەنە ئەو ژی نیشانا مەمێ شڤان و برایێ وی ژبەر ڤێ یەکێ دوو سمات لێ دهێن چێکرن. مەمێ شڤان ڤەدگەریت بۆ سەردەمێ هاتنا شیخادی ئانکو کەڤناریا ڤی جهی ڤەدگەریت بۆ سەردەمێ شیخادی. [1]
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 248 mal angesehen