نامۍ بەعزێ تەوەنا دلۍ زوانی هۆرامینە
13- خڕ: ئا وردە تەوەنېنە کە پەی پەڕکەردەیۆ بەینوو دیواری و پەڕ کەردەیۆ دلۍ بلووکا بە کاربریۊ.
14- دیوڵۍ: تەوەنەی ساف و باریکە و میکلېنە کە منیاش سەرو دەسەکو پردەو یانەی.
15- دنگی یام دڼە: هاوانۍ تەوەنینەی گەورېنە کە چېوش چەنە کوا.
16- دەسە دنگ: تەوەنێنە پېسەو دەسە ئاوەڼی.
17- سیرە کۊڵۍ یام هېلەساوە: تەوەنېوە سافەنە پېسەو هېڵەی کە ئەوسا یانەش پەنە ناوېنۍ.
18- هەسان: تەوەنەیوە ساف و کەوېنە کە چەقوە و کاردی و ترېشتە و دارۍ و تەوەر و تەوەرداسش پەنە تیژ کەرېنێ.
19- هارە گلېر: تەوەنەی سافەو گردەنە کە مەژگە و وامی و دەخڵ و دانش پەنە ساوېنېوە.
20- مەڕە: غارێوە تەوەنینەن.
21- ڕېز: وردە تەوەنی کە فارسیەکەش بۊ بە سنگریزە.
22- قەڵوەز یام قەڵواز: ئا تەوەنېنە کە ئاوی سەرشەرە پڕۊرە و پېسەو تافی بەڵام نزمتەرەن.
23- درک: تەوەنێنە کە دلۍ لەواسەی و مشتېنە ڕاش بۊوە.
24- توازە: ئا لتە تەوەنېنە کە عانوو تەوەن ماڕای جە تەوەنەی گەورەتەرۍ جیا بۊوە.
25- دوڵاو: کە ئەسڵەکەش دۊڵەو ئاوۍ بېیەن، پېسەنە دۆڵەی وەختوو تەڕ و تووشی ئاویش چەنە گلېرە بۊوە.[1]