مالباتا شێخێ مەزن کوو یێ بەرنیاسە ب شێخ ئیبراهیم ڕەشکە (شێخ مەلا ئەحمد، حەجی محیەدین، حەجی ئیبراهیم، مەلا شاکر و مەلا رمەزان)، شێخ ئیبراهیم ل سەردەمێ شا ئیسماعیلێ سەفەوی دەسهەڵاتدارێ وی سەردەمەی یێ وڵاتێ ئیرانێ ل وی وەڵاتەی کوچکریە ژبەر زوڵما حکومەتا سەفەوییان هاتیە باشوورێ کوردستانێ و ل باژێڕوکێ #ئاکرێ# و ل گوندێ #زنتا# یێ سەر ب ناحیا #بجیل#ێ نیشتەجێ دبن، پشتی هەیامەکی کوو ل وێرێ ئاکنجی بووینە مزگەڤتەک دامەزراندیە ژبو بەڵاڤ کرنا زانست و ئایینێ بوو خەلکێ دەڤەرێ کوو ب عەڕەبی دگووتێ (علوم العقلیة و النقلیة). ژبەر ناڤ و بانگا ڤێ مزگەفتێ ئان کوو قوتابخانەیا ئایینی خەلکەکێ زور سەرەدانا وێ دکر، پشتڕە شێخ ئیبراهیم هاتە مزگەڤتا مەزن ل باژێڕوکێ ئاکرێ و دوو مزگەڤتێن دن دامەزراندن (مدرسة طوراوة ومدرسة قابکى) کوو وی سەردەمەی ناڤێن عەڕەبی لسەر دانابوون.
شێخ ئیبراهیم مروڤەکێ جڤاکی و ئاینی بوو رێزەکا مەزن ل دەڤەرا ئاکرێ و ئاکنجی یێن وێ و ل کوردستانێ ب گشتی هەبوو ل وی سەردەمی هەیا نها ژی کێشەیێن خەلکێ دەڤەرێ یێن چارەسەر کرین و توو جاران قسەیا شێخی کوو ژبوو چارەسەریا کێشەیان دکر نەهاتیە شکاندن، کەسایەتییەکێ دادپەروەر بوویە و هەمی دەمان پشتا هەژاران گرتیە و چاڤێ وی ل مالێ دنیایێ نەبوویە، مروڤەکێ چاڤنەترس بوو وعەدالەت بو خودانێ قسەیا خوە بوویە ، شێخ ئیبراهیم زانایەکێ مەزن بو ل کوردستانێ و هەر سێ وڵاتێن عیراقێ وئیرانێ و تورکیا خەلکەکێ زور قەستا مەدرەسەیێن وی کریە ژبوو ڤیربونا زانستێ ئایینی ، ناسناڤێ ڤێ بنەمالەیێ ڕەشکەیە کوو ئەڤ ناڤە ڤەدگەڕت ژبوو باپێرێ مەزنێ وانا کوو دگوتێ شێخ ئیبراهیم ڕەشکە، کوو ل گوڕستانا حوجرەیا شێخا يێ هاتيه بخاک سپاردن. نها ژی سەیدایێ مەزن شێخ مەلامحەمەد ئیمام جهێ باپیرە مەزنێ خوە ڤەگرتیە کوو خودانێ دیروکەکا مەزنە ل کوردستان وعیراقێ.[1]
Questo articolo è stato scritto in (کرمانجی - کوردیی سەروو) lingua, fare clic sull'icona
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 207