ب دەستووری خودێ

ئەون یێ ل ئاخرەتێ ب بارن ب پشتی
ھنجی مێرێ دلێ تەریقەتا خوە ژ خوە ھشتی
وەکی تۆڤەکی حەرام تو پا ڤێژیە زەڤیەکێ
شین بێت و نە گەھشتی

***
چەند سەبەقێن پیرۆز ژ قەولێ غافلێت بێ ناسین

ھنجی ل گەل تەریقەتا خۆ دژمنە
بارێ وی ئاسنە
جەزایێ وی سۆتنە

***
ھنجی ل گەل تەریقەتا خۆ دژمن بێ
و ھەکە چیایێ سیپانێ خەلاتێ ل بن بێ
رۆژا ئاخرەتێ دێ ب بار و پشت بێ

***
غافلێ بێ ناسینە
تێنە مە ب کەرب و کینە
ئەون دژمنێ مە دینە

***
غافل تێن و دبەزن
غافلۆ ل گەل تەریقەتا خۆ نە عەرزن
دا رۆژا ئاخرەتێ ل جەھنمێ نە گەفزن

***
غافل تێن و دبەزن ژ پێرە
غافلۆ ل گەل تەریقەتا خۆ مەکە شێرە
دا رۆژا ئاخرەتێ رەنگێ تە نە بتە رەنگێ بختان و عەنکێرە

***
پوولێ سافی مە
ئەسەھی ئێزدیمە
مریدێ شێخ ئادی مە
غافلا ئەز ناسیمە

***
غافلۆ ما خۆشتر ژ بەھشتێ ھەیە
جھێ دین و ئیمان و رێ یە
ئەو فەردۆس مەکانێ سلتان ئێزی ب خۆیە

***
چەندی نەبی ھاتن و بوھرین
چەندی خاس ھاتن من ھژمرین
سلتان شیخادی تانجە ژ ئەولین ھەتا ب ئاخرین

***
یێ تەمام خودێ یە.[1]