ب دەستووری خودێ
چەند سەبەقێن پیرۆز ژ قەولێ نەفسێ
ھنجیێ نەفسا وی یە خوارە
و ماشێ میرێ خۆ ب حەلالی نەدخوارە
ژ شەرمێرا یی حەلالە
***
نەفسێ تو چەندی دکەی گومانێ
تو خالی نابی ژ غەدرێ و دوخانێ
تە خەیالە خودانێ خۆ خلاسکەی ژ ئیمانێ
***
نەفسێ نەوەتا
چی کەسێ بخۆت لوقمەکا بێ رەدا
ل ئاخرەتا دێ ل پێشیێ بتە قەدا
***
بلا ھوون نەگیرۆیێت نەفسێ بن
نە پیڤەرێت رێ بن
دا ئاخرەتێ نە گرتیێت حەبسێ بن
***
وەکی تەبۆڕ نە د بەستە
لغاف و ھەفسار چوون ژ دەستە
بۆڕێ تە ل ھەموو مێرگا د کر قەستە
ئەو شۆلێ نەفسێ بوو رەنگێ خودانی ژ بەر دشکەستە
***
خەلکێ ژیری زانە
وەرن ژ مەرا بدەن بەیانە
کا نەفس یە ب چی نیشانە
***
وەکی نەفس ل دلی بەلابوو
ئاقل ژ سەری جودابوو
مال ل روحێ خرابوو
***
عەیب ئەرکانەکە ژ ئاقلە
ھنجیێ زۆرداری ل نەفسا خۆدکرە
جەوھەر ل قالبێ وی دشوغلە
***
ھەکە تە جوانەک دیت یە شرینە
و ل رێیا تەیە ب حەلالی ژ خوەرا بینە
باتن تە ناحسبینە
***
خراب دێ دەستا د وە ئالینن
رێیا تەمایێ دێ ژ وەرا بینن
دا دەستا ب دامانا وە وەرینن
***
ھوون حەدەکی دنیڤەکا خۆ دا دەینن
خۆ ژ تەمایا مالێ دنێ را نەشکینن
نەفسا کوبار خۆ ژێ بدورینن
دا دیوانێت خاسا بحەسلینن
***
بێ عەسلی نەینە ژ فایدێرا
مالێ خۆ خەرج نەکە ژێرا
دێ ب ھەمووێ خسری ڤێرا
***
وەکی ئەم ھاتنە رویێ ڤێ دنێ یە
زانایی شاخێ ئیمانێ یە
نەزانایی شاخێ خرابیێ یە
ژیری رووسپیاتیا روحێ یە
تەمامەتیا ڤی قەولی ل ناڤێ خودێ یە
***
یێ تەمام خودێ یە.[1]