ب دەستووری خودێ
تەقدیر ھاتی دێ بتە وەفایە
نە باژێر دمینت نە جەمایە
نە دەشت دمینت نە چیایە
***
چەند سەبەقێن پیرۆز ژ بەیتا نەسیحەتا
بوختانکەر و بەد گومان ھەر دووا جگەر ژ کافێ
حەیفە بەگ و میر و سولتان پڕ بکەن بێ ئینسافێ
بەلێ بێژە زەنگێ قەلپ خراپ چێترە ژ سۆفیێ نەی سافی
***
سورا مەکەن ئاشکرا قەنجە ئەو دخەفیبن
نەتراشی ئێت خومار د سوحبەتا کەریبن
عەرزەکار و خەبەر سار ھەر دوو زمان بریبن
***
بێ رێز و عەدەت نا ئێن دوو سەر قەلوونا
ھنجیێ ژێ ھات فەرسەت زۆرێ مەکەن ل زەبوونا
چەندی ل تە ھات مۆلەت مەچە نێزیکی مونا
***
قەلسێ بەدیل پێ مایی چاکی نائێنە خیالە
رەشاشچیێ ژ خۆیی رازی رۆژا شەری ئی بەتالە
پڕ گۆتنا ل بالی ئەو ژییە بێ فەسالە
***
ژ بۆ حاکما مخابن نێزیک بن بەد و گەوھەر
حەیفە کو زوو فەنابن ئەو شۆخێت زنکداگر
مخابن د بێ سەفابن خودان سیم و خودان زەر
***
مخابن ژ بۆ حەبیسێ وەفاداری نەبیتن
خودان ئاقلەکی پر ھۆنەر حەیفە کو بەرز ببیتن
مەزن بدەن یەک خەبەر دەرەوە لێڤەبیتن
***
ھەر دایدا پەیاپا بادێ قەلپێ نابت ئێمن
سەد قەنجیا دێ ل گەل کەی نابیتە دۆست نە دژمن
دگەل دژمنا یێ مەیە ھم سحبەتا مخابن
***
ھەم سوحبەتا رەقی بت بۆ ئاشقا بێتامە
چ کینا عەندەلێ بیت تە ل گەل ڤەبری حەرامە
بێ سەبرێ ناشکری بیت ژ ئاقلا نەیی تەمامە
***
قەنجی نینە ببتە ھەڤال د گەل خماسێ قەلسی
ل سەرێ بێ منەت و پال میرێ لسەر تەخت و کورسی
کلۆرا ھشکە سەد سال چێترە ژ خەبیسا قەلسی
***
چێترە بخۆی ئاخ و بەر نەچییە پێش قەلسەبابی
بێ ئەسل بوونە مێر سەر ئەو چەرخێ ئاخر زەمانی
نزانت ببتە رەھبەرە بێداد ژ بەر نەزانی
***
نەزانێ قەنجیا بەردەت باژۆن بلا بچیتە گاران
شۆلا دەھا ژێ خەبەردا سەر ناگرت چوو جاران
جانگێ پاکی سپی بت ناچتە نک قەساران
***
ناچیتە سوکێت قەسارە قوماشێ پاکی ئەتلەس
یەک خەبەر و قرارن ھیڤی ناکەن ژ توو کەس
نەسیحەت و بدوارە گەر ناگەھیتە نەکەس
***
یارێ بێ فعل و باوەر قەنجی نینە تێ فکری
یارێ ژ دل یەک خەبەر چرایەکی ھەلکری
یارێ زمانێ خوسەر سالوسا چێنەکری
***
حەیران مامە ل ڤی دینی
یا تاووسی مەلەک توو مانگی ل عەزمینی
توو بەحرێت گران د مەیینی
یا تاووسی مەلەک سەد خۆزیا ب وێ روحێ توو بدەیێ و ژێ نەستینی
دێ ب زۆر دەرەجارە گەھینی
***
یێ تەمام خودێ یە.[1]