ب دەستووری خودێ

کۆفیاتە یە ب تەرتیفە
مێرا ژ بەر بربوو نەسیبە
خدرلیاس ب خۆ نە قیبە

***

چەند سەبەقێن پیرۆز ژ قەولێ دەروێش ئادەم .
دیار کرنا سوڕ و کەرەمێت خدرلیاس :-

چی سبەیەکە ب نەدەرە
ناڤ خاسێد شیخادی بویە خەبەرە
دەروێش ئادەم دچتە سەفەرە

***
چی سبەیەکە ب نیشانە
ناڤ خاسێد شیخادی بویە خەبەردانە
دەروێش ئادەم دچتە خۆرستانە

***
میرێ خۆرستانێ دبێژت :-

دەروێش دوڕا ژ من ڕابینە
تە ل مە بێت باوەری و یەقینە
ھەکە سبە دێ سەرێ تە بڕم سەر کەلا خۆرستانێ و دایینە

***
ئەو دەروێشێ منی خاسە
ب شا یار و برا ڤەخواری کاسە
قەسد کر چۆ دیوانا خدر لیاسە

***
خدرۆ یا خدری
ل دەروێش ئادەم فکری
دەروێش برا تو ل ڤی دەرگەھی ل مە ھدری

***
خدرۆ برا دوڕا ژ مەڕا بینن
ژ بەحرێت عەزمینن
ھەکە ب عزەتێ شیخادی سەرێ من سەر کەلا خۆرستانێ دادئینن

***
ئەی خدرۆ وێ وەدبێ یە
ترسابوو ژ خۆفا خودێ یە
ب چەنگلێ دەروێشی گرت تەسمیل کرە بەحرێ یە

***
دەروێش وێ دگەرێت و دکەتە گازی
چیقاس موخلقێ بەحرێ سەر ھلینا ھەڤرازی
کا برێنە تو چی ژ مە دخوازی

***
گەلی موخلقا دوڕا ژ مەڕا بینن
ژ بەحرێت عەزمینن
ھەکە ب عزەتێ شیخادی ھون دێ رۆژا ئاخرەتێ جزایی ژ دەستێ من بینن

***
چیقاس موخلقێ ل وێنە
ھەمووا قەسدکرن چۆنە بەحرێ یە
ھەر کەسەک ھات دوڕەک دڤێ یە

***
ئەوان موخلقا دوڕ وێد ئانین
ژ پێش نەدرێد خاساڤە دانین
دەروێش ئادەم سێ دوڕ ژ وان دوڕا ھلانین

***
ھەی دەروێشێ منۆ سەرگەردانە
قەسد کرن چۆنە بەحرا بای دبنیانە
دورێد وێ بەحرێ شک ئینانە

***
ھەی دەروێشێ منۆ ئینا دوڕا
ژ وان دوڕا ھلگرت بون سێ دوڕا
دانە دەستێ میرێ خۆرستانێ ب سوڕا

***
میر مابو ل ڤێ عەجێبێ
ژ مێژ ھەیە دەفتەرێ و کتێبێ
شوغلەک وا ل گەل دەروێشا ھەی سەر ناگرت ب لێبێ

***
یێ تەمام خودێ یە.[1]